Гар, хуруу, арьсан дээр ургацаг ургахыг үү гэнэ. Үү нь вирусын гаралтай арьсны халдварт өвчин бөгөөд ямар ч насны хүн өвчлөх боломжтой байдаг.

Халдварлах зам:

• Ахуйн замаар буюу гар нүүрийн алчуур бие угаагч зэргээс халдварлах боломжтой
• Бэлгийн хавьтлын үед бэлгийн үү халдварлах боломжтой.

Үүний нууц хугацаа нь 3-9 cap байна. Үү нь нүүр, шуу болон хуруу зэрэг биеийн аль ч хэсгүүдээр гарч болно.

Үүг

• энгийн үү,
• хавтгай үү,
• шовх үү,
• улны үү гэж ангилж үзнэ.

Үү нь жижиг, хар бор өнгийн барзгар гадаргуутай байна. Үүгээр халдварлах нь арьсны гэмтэлээс ихээхэн хамаарна. Биеийн даралтанд өртдөг хавтгай гадаргуу бүхий алга тавхайнд хавтгай хэлбэрийн үү илэрдэг. Тавхайнд гарсан үү нь дотогшоо ургах бөгөөд явах болон зогсоход шахагдаж өвдөлт илэрдэг. Үү нь тархмал байх нь байнгын сэтгэл зовоож байдаг. Хэрэв үү нь гэмтсэн тохиолдод цус гардаг. Үү нь хорт хавдарт бараг шилждэггүй. Үү нь халдвартай бөгөөд биеийн нэг хэсгээс нөгөөд тархаж болдог.

Яагаад зарим хүмүүст үү гардаг яагаад заримд нь гардаггүй болохыг өнөөдөр шинжлэх ухаан нотлоогүй байна. Үүнээс урьдчилан сэргийлэх өвөрмөц арга байхгүй. Үү нь өөрөө аяндаа алга болдог тохиолдол ч бий. Ялангуяа бага насны хүүхдэд. Том хүүхэд болон насанд хүрэгчдэд ингэж өөрөө аяндаа алга болох нь ховор байдаг.

Эмчилгээ: үүг эмчилэхэд итгүүлэн үнэмшүүлэх эмчилгээ чухал байдаг. Үүнийг манай ард түмэн дом гэдэг. Энгийн, хавтгай, улны үүг вирусын эсрэг үйлчилгээтэй тосон түрхэцээр эмчлэхээс гадна цахилгаан хутгаар авах, шингэн азотоор хөлдөөх эмчилгээ илүү үр дүнтэй байдаг. Бэлгийн үүг мэс заслын аргаар авахаас гадна тусгай түрхлэгээр эмчилдэг.

Эх сурвалж: Emch App