Үйлчилгээний нөхцөл

НЭГ. НИЙТЛЭГ ҮНДЭСЛЭЛ

Apteka.mn интернет худалдааны вебсайт нь “АЗИФАРМА” ХХК-ийн албан ёсны цахим эмийн сан болно.

1. Вебсайтын үйлчилгээний нөхцөл нь эм, эрүүл мэндийн бүтээгдэхүүн, бусад барааг цахимаар захиалах, худалдан авалт хийх, хүргэх үйл ажиллагаатай холбоотойгоор үүсэж байгаа харилцааг зохицуулахад энэхүү журмын зорилго оршино.
2. Веб сайтаар дамжуулан захиалга хийгдсэнээр энэхүү онлайн үйлчилгээний нөхцөлийг хүлээн зөвшөөрч баталгаажуулсан гэж үзнэ.
3. Журмын хэрэгжилтэд “АЗИФАРМА” ХХК (цаашид байгууллага гэх) болон худалдан авагч (цаашид хэрэглэгч гэх) хамтран хяналт тавьж ажиллана.
4. Онлайн эмийн сангийн тэмдэгтүүд нь “АЗИФАРМА” ХХК-ний өмч бөгөөд эм, бараа бүтээгдэхүүний тэмдэгтүүд нь брэндүүдийн өмч болно. Энэхүү вэб сайтын лого, нэр бусад загварыг хуулах, олшруулах, дуурайх, өөр бусад зорилгоор ашиглахыг хориглоно.
5. Хэрэв татан авч, хуулбарлагдсан, ашигласан тохиолдолд "Оюуны өмчийн тухай хууль" болон бусад холбогдох хууль, бусад эрх зүйн актын дагуу шийдэх бөгөөд, шаардлагатай нөхцөлд холбогдох шүүх байгууллагаар шийдвэрлүүлнэ.

ХОЁР. ЕРӨНХИЙ ЗААЛТ

1. Вебсайтын хэвийн үйл ажиллагаа, түүний аюулгүй байдал, хэрэглэгчийн мэдээллийн нууцлалыг “АЗИФАРМА” ХХК хариуцна.
2. Онлайн эмийн сангийн вебсайтын бүх төрлийн үйл ажиллагаа, эм бараа, бүтээгдэхүүний үнэ, үлдэгдэл болон бүтээгдэхүүний мэдээллийг автоматаар татаж шинэчлэх бөгөөд захиалгын хүргэлт 08:00-22:00 цагийн үйл ажиллагаатай байна. Системийн аливаа алдаа, доголдол, эрчим хүчний саатал, байгалийн давагдашгүй хүчин зүйл, серверийн ачаалал зэргээс шалтгаалсан асуудал үүсэх нөхцөлд хэрэглэгчдэд урьдчилан мэдэгдэлгүйгээр бараа бүтээгдэхүүний үнэ, мэдээллийг өөрчлөх, онлайн хүргэлтийн үйл ажиллагааг хэвийн болгоход шаардлагатай сайт, програм хангамжтай холбоотой засвар үйлчилгээг “АЗИФАРМА” ХХК хариуцна.
3. Онлайн эмийн сангийн вебсайт нь зөвхөн энгийн жортой, жоргүй эм, бараа бүтээгдэхүүн захиалах, хүргүүлэх, бүтээгдэхүүний мэдээлэл өгөх, эрүүл мэндийн зөвлөгөө, мэдээлэл өгөх зорилготой болно.
4. Энгийн жортой эмийн захиалга хийх тохиолдолд жортой эм сагслахдаа заавал тухайн эмийн жорын зургийг оруулж захиалга хийх ба жорыг шалгаж амжилттай баталгаажуулсаны дараа төлбөр төлж захиалга хүргэлтэнд гарна. Хүргэлтийн ажилтан очиход жороо хүлээлгэн өгөх бөгөөд жоргүй, хүчин төгөлдөр бус жортой байгаа тохиолдолд эмийг олгохгүй.
5. Тусгай жороор /Сэтгэц нөлөөт, Мансууруулах/ олгогддог эм бараа, бүтээгдэхүүний захиалга хийгдэхгүй болно.
6. Хэрэв онлайн эмийн сангийн вебсайтын үйлчилгээний нөхцөл өөрчлөгдөх, шинэчлэгдэх тохиолдолд хэрэглэгчийн бүртгүүлсэн и-мэйл хаягруу тухай бүрд нь мэдээлэл явуулж танилцуулна.
7. Хэрэглэгчийн захиалга хийгдэх үед хүчинтэй байсан үйлчилгээний нөхцөл нь захиалга хүлээж авах хугацаанд өөрчлөгдсөн тохиолдолд өмнөх үйлчилгээний нөхцөлийг бараа хүлээж авах хүртэлх хугацаанд хүчинтэйд тооцно.

ГУРАВ. ХЭРЭГЛЭГЧИЙН АНХААРАХ ЗҮЙЛС

1. Хэрэглэгч нь онлайн захиалгын системд нэвтрэх нэр, нууц үгийг бусдад дамжуулахгүй байх, нууц үг нэвтрэх нэрийн нууцлал алдагдахтай холбоотой учирч болох аливаа эрсдэлээс сэргийлэх үүрэгтэй. Энэхүү үүргээ биелүүлээгүйн улмаас учирсан аливаа хохирлыг “АЗИФАРМА” ХХК хариуцахгүй болно.
2. Хэрэглэгчийн мэдээллийн үнэн зөв, бодит байдалд хэрэглэгч бүрэн хариуцлага хүлээнэ.
3. Онлайн эмийн сангийн вебсайтаар 18 болон түүнээс дээш насны хэрэглэгчид захиалга өгөх эрхтэй. 18 наснаас доош насны хэрэглэгч хуурамч захиалга өгсөн тохиолдолд эцэг эх, асран хамгаалагч нь хариуцлагыг бүрэн хүлээнэ.
4. Хэрэглэгч вебсайтын талаар санал гомдол, шинэ санаа, шинэ бараа борлуулах хүсэлт, шүүмж зэргийг чөлөөтэй илэрхийлэх, илгээх эрхтэй бөгөөд онлайн эмийн сангийн вэб сайтад таны оруулж буй хувийн сэтгэгдэл болон бусад мэдээлэл ёс зүйн хувьд зохистой байх шаардлагатай. Хэрэв харилцааны соёлгүй, бүдүүлэг үг хэллэг ашигласан, бусдыг гутаан доромжилсон, өөрийн үзэл бодлыг шахсан гэх мэтээр бусдыг хүндлээгүй зураг, дүрс бичлэг, линк оруулсан тохиолдолд таны оруулсан мэдээллийг устгах эрхтэй. Цаашид энэ байдал үргэлжилсэн тохиолдолд хуулийн дагуу зохих арга хэмжээг авах эрхтэй.
5. Хэрэглэгч захиалсан бараа бүтээгдэхүүнээ хүлээж авахдаа эм,  бараа бүтээгдэхүүний хайрцаг, сав баглаа боодол, баталгаат хугацаа, тоо ширхэг, үнийн дүнг шалган гарын үсэг зурж хүлээж авах үүрэгтэй. Шалгаж хүлээж аваагүйн улмаас үүсэх аливаа эрсдэлийг байгууллага хариуцахгүй болно.