Ханиад ба халууралт

Ханиад нь ихэвчлэн вирусийн халдвартай байдаг бөгөөд амьсгалын замд нөлөөлдөг. Найтаах, ханиах, хамар битүүрэх, бага зэрэг халуурах, хоолойн өвдөлт гэх мэт шинж тэмдэгтэй байдаг.

Ханиадны үед

Ø  Хамрыг давстай уусмалаар зайлах

Ø  Амраах

Ø  Бүлээн шингэн уулгах

Ø  Хоолыг албадахгүй, бага багаар өгнө

      Антибиотик нь вирусийн ханиаданд үйлчлэхгүй. Зөвхөн эмчийн заалтаар хэрэглэнэ.

Халууралт гэдэг нь бие махбод халдвартай тэмцэж байгааг илтгэх температурын өсөлт юм.

Халууралтын үед шингэн алдалт, ядралт ихсэх тул анхаарах шаардлагатай.

  Халуурсан үед

Ø  38.5°С-аас дээш бол халуун бууруулах эм өгнө

Ø  Жинд нь тохируулж тунг тооцно

Ø  Шингэн ойр ойрхон уулгана

Ø  Нимгэн, хөнгөн хувцас өмсгөнө

Ø  Өрөөг тогтмол агааржуулна

 Мөс тавих, хэт зузаан хувцаслах хэрэггүй.

Дараах тохиолдолд ЯАРАЛТАЙ эмчид хандана:

 • 3 сараас доош насны хүүхэд халуурах

 • 39°С-аас дээш халуурч буурахгүй байх

 • Таталт өгөх

 • Амьсгал давчдах, цээж хонхолзох

 • 3 хоногоос дээш үргэлжилсэн халууралт

Зөвлөмж: Халууралт бол бие махбод халдвартай тэмцэж буй дохио. Гол нь зөв арчилгаа, шингэн сайн уулгах, эмийн тунг зөв тооцох нь чухал юм. 

Хүүхдийн халууралтын үеийн гэрийн арчилгаа 

1.    Халууныг зөв хэмжих

·         Дух, суга гэх мэт хэмжиж баталгаажуулна

·         38.5°С-аас дээш бол халуун бууруулах талаар бодолцоно

·         Хүүхэд тавгүй байвал 38°С орчимд ч халуун бууруулах эм, лаа хэрэглэж болно.

 

2.      Зөв тунгаар халуун бууруулах эм өгөх

·         Жинд нь тохируулж тооцно (кг-д суурилна)

·         Заасан хугацаанаас өмнө давтаж өгөхгүй

·         Давхар хоёр өөр халуун бууруулагчийг дур мэдэн ээлжилж болохгүй.

 

3.      Шингэн сайн уулгах

·         Ус, шөл, хөхний сүү

·         Бага багаар ойр ойрхон

·         Шээс хэвийн байгаа эсэхийг ажиглана.

 

4.      Хөнгөн хувцаслах, өрөөг агааржуулах

·         Нимгэн, амьсгалдаг хувцас

·         Хэт хучихгүй

·         Өрөө 20–22°C орчим байвал тохиромжтой

 

5.      Хүүхдийн байдлыг ажиглах

·         Сэргэг эсэх

·         Амьсгал хэвийн эсэх

·         Тоглох сонирхолтой эсэх

·         Халуунаас илүү ерөнхий байдал чухал.