Толгой өвдөлт бол хүн амын дунд түгээмэл тохиолддог зовиур шаналгаа юм, иймд толгой өвдөлтийн талаар товч мэдээлэл бэлдэж орууллаа.

Яагаад толгой өвддөг бэ?

Тархины бүрхүүл, тархины цусны судсуудад болон хүзүүний булчингын хальс бүрхүүлд мэдэрхүйн рецепторууд байх бөгөөд эдгээрийн цочрол, үрэвсэлийн үед толгой өвдөж бидэнд мэдрэгддэг байна.

Толгой өвдөлтийг анхдагч болон хоёрдогч гэж 2 хувааж үздэг.

Толгойн анхдагч өвдөлт гэж юу бэ?

Дээрх өвдөлтийг мэдэрдэг бүтцэд ямар нэгэн шалтгаан буюу гэмтэл, үрэвсэл өөрчлөлт явагдаагүй байхад толгой өвдөлтүүсч байвал анхдагч хэлбэрийн толгой өвдөлт гэж үздэг.

Харин хоёрдогч толгой өвдөлт гэдэг нь тархины судас тархины бүрхүүл болон толгой хүзүүний булчинд үрэвсэл, гэмтэл бэртэл зэрэг ямар нэг өөрчлөлт үүссэний улмаас толгой өвдөхийг тодорхой шалтгаантай хоёрдогч толгой өвдөлт гэнэ.

Гэхдээ хүн амын дунд анхдагч хэлбэрийн толгой өвдөлт элбэг тохиолддог. Анхдагч хэлбэрийн толгой өвдөлтийн хэлбэрүүд дотроос

• Булчин чангарлын толгой өвдөлт,
• Мигрень буюу толгойн талласан өвдөлт хамгийн түгээмэл тохиолддог.

Хоёрдогч толгой өвдөлт:

• Даралт ихсэлтийн улмаас толгой өвдөх
• Хамар дайвар хөндийн үрэвсэл
• Судасны өвчнүүд
• Гэмтлийн шалтгаанттолгой өвдөлттохиолдох нь нилээдгүй байдаг.

Толгой өвдөлтийг оношлоход асуумж ярилцлага болон мэдрэлийн үзлэг, шаардлагатай тохиолдолд нэмэлт шинжилгээ, оношлогооны багаж төхөөрөмж ашиглан оношлох шаардлагатай болно.

Иймд толгой өвдөлт байнга илрээд байгаа тохиолдолд онош тодруулж, зөв тохирсон арга хэмжээ авах нь зүйтэй.

Учир нь толгой өвдөлтийн хэлбэр, онцлогоос хамаарч эмчилгээ харилцан адилгүй өөр байдаг.

Эх сурвалж: Emch App