Худалдааны нэршил:

Хлофазолин

Олон улсын нэршил:

Клонидин гидрохлорид

Эмийн хэлбэр

Шахмал

Найрлага:

Идэвхтэй бодис: нэг шахмалд клонидин гидрохлорид 150 микрограмм агуулагдана.
Туслах бодис: лактозын моногидрат, кальцийн гидрофосфат дигидрат, буудайн цардуул, бичил талстат целлюлоз (тип 101), тальк, магнийн стеарат,усгүй коллоид, кремнийн диоксид

Хэрэглэх заалт

Хлофазолин артерийн даралт бууруулах (цусны даралт бууруулах) эмийн бэлдмэлийн бүлэгт хамаарагдана. Тэрээр цусны даралтыг бууруулан, зүрхний агчилтын тоог цөөрүүлж, цусны судсыг өргөсгөн захын цусны судасны эсэргүүцлийг багасгадаг.
Түүнийг насанд хүрэгсэдийн цусны даралт ихсэх өвчний эмчилгээнд хэрэглэнэ (цусны ихэссэн даралтыг). Түүнийг эмчлэгч эмчийн шийдвэрийн дагуу дангаар нь болон бусад эмтэй хавсруулан хэрэглэж болно.

Анхааруулга:

Хлофазолиныг дараах тохиолдолуудад хэрэглэхгүй

Хэрэв та уг эмийн бэлдмэлийн идэвхтэй бодис болон найрлаганд буй аль нэгэн туслах бодист хэт мэдрэгшсэн(харшилтай) бол,
Хэрэв та зүрхний хэм алдалт болон сэрэл дамжуулалттай холбоо бүхий (тосгуур-ховдпын хориг 11-111 зэрэг, синусын зангилааны сулралтын хам шинж г.м.)
Зүрхний эмгэгтэй бол,
Хүүхэд нас,
Зүрхний шигдээсийн хурц үе зэрэг болно.

Тусгайлан анхаарах зүйлс:

Хэрэв танд дараах эмгэгүүдийн аль нэг нь байгаа бол эмчтэйгээ зөвлөлдөх шаардлагатай. Үүнд: зүрхний эмгэгүүд, тухайлбал, зүрхний үйл ажиллагааны дутмагшил, зүрхний цусны эргэлтийн өөрчлөлт (зүрхний цус дутагдах өвчин), тархины цусны эргэлтийн өөрчлөлт, бөөрний эмгэг, Рейногийн өвчин (үе мөчний цусан хангамжийн дутмагшлын улмаас үе мөч хөших болон цайх эмгэгшил), феохромоцитом (бөөрний дээрх булчирхайн ховор тохиолддог хавдар), сэтгэл гутрал, өтгөн хатах, хэрэв та наадаг линз зүүдэг бол зэрэг болно.

Бусад эмийн бэлдмэлүүдийг хэрэглэх үед анхаарах зүйлс

Хэрэв та дараах эмүүдийг хэрэглэж байгаа бол эмчдээ хэлээрэй. Үүнд:

Цусны даралтыг бууруулах бусад эмийн бэлдмэлүүд, тухайлбал шээс хөөх эмүүд (фуросемид гэх мэт.), кальцийн антагонистууд (верапамил гэх мэт.), АПФ ингибиторууд (каптоприл г.м.), бета-блокаторууд (пропранолол гэх мэт.) буюу зүрхний үйл ажиллагааны дутмагшлыг эмчлэх эмийн бэлдмэлүүд (дигоксин гэх мэт.), судас өргөсгөх эмүүд (натрийн нитропруссид гэх мэт.),
Сэтгэл гутралын эмчилгээнд хэрэглэгддэг эмүүд (имипрамин.дезипрамин, миансерин гэх мэт.), мөн солиорол намдаах эмүүд,
Хэрэх өвчний эсрэг болон стероид бус бүтэцтэй үрэвслийн эсрэг нөлөөт эмийн бэлдмэлүүд,
Нойрсуулах, тайвшруулах нөлөөт эмийн бэлдмэлүүд (барбитуратууд, бензодиазепинүүд гэх мэт.),
Харшлын эмчилгээнд хэрэглэгддэг бэлдмэлүүд (гистамины эсрэг бэлдмэлүүд),
Альфа-блокаторууд (доксазозин, празозин гэх мэт.),
Хэт унталтын эмчилгээнд хэрэглэдэг эмийн бэлдмэлүүд (метилфенидат гэх мэт.) зэрэг болно.

Хлофазолиныг хүнсний зүйл болон ундааны зүйлтэй хамт хэрэглэх үед анхаарах

Хлофазолин эмчилгээний үед спирт агуулсан ундаа болон спиртийн агууламжтай эмийн бэлдмэлийг хэрэглэж болохгүй.

Жирэмсэн ба хөхүүл үед

Ямар нэгэн эмийн бэлдмэлийг хэрэглэхийн өмнө өөрийн эмч буюу эм зүйчтэйгээ зөвлөлдөх хэрэгтэй.
Хэрэв та жирэмсэн бол хлофазолин эмчилгээг зөвхөн эмчийн хяналтын дор л хэрэглэж болох юм.
Уг бэлдмэл хөхний сүүгээр ялгардаг тул та хөхүүл хүүхэдтэй бол энэ тухай эмчтэйгээ зөвлөгөө авах хэрэгтэй.
Хөхүүл эх уг бэлдмэлийг хэрэглэх зайлшгүй шаардлагатай бол хүүхдээ хөхөөр хооллохоо зогсоох хэрэгтэй.

Тээврийн хэрэгсэл жолоодох болон машин, техниктэй ажиллах үед

Хлофазолин нойрмоглол үүсгэн хариу урвалыг удаашруулж болох юм. Энэхүү эмийн бэлдмэлийг хэрэглэж байгаа үедээ анхаарал, хөдөлгөөний хурд шаардагдсан үйлдэл гүйцэтгэхгүй буюу тээврийн хэрэгсэл жолоодохгүй байх нь зүйтэй.

Хлофазолины зарим найрлагад анхаарах зүйлс

Энэхүү эмийн бэлдмэл нь лактоз агуулдаг. Хэрэв эмч танд ямар нэгэн сахарын зүйлд мэдрэг хэмээн зөвлөсөн бол энэхүү эмийн бэлдмэлийг хэрэглэхийн өмнө өөрийн эмчтэйгээ зөвлөлдөөрэй.
Энэхүү эмийн бэлдмэл нь буудайн цардуул агуулдаг. Тэр нь целиакитай өвчтөнд аюулгүй хэмээн тооцогддог. Харин буудайн зүйлд харшилтай бол энэхүү эмийг хэрэглэж болохгүй (целиакигаас ялгаатай нь).

Хэрэглэх арга:

Хлофазолиныг ямагт зөвхөн эмчийн заaврын дагуу ууна.

Насанд хүрэгсэдэд: 1/2 шахмалаар (75 микрограмм) өдөрт 2-3 удаа ууж хэрэглэнэ. Эмч тань тунг ихэсгэн 1-2 шахмалаар (150-300 микрограмм) хоногт 2-3 удаа хэрэглэж болно. Тунг аажимдаа 2-3 хоногийн дараа нэмэгдүүлж болно. Хоногт 12 шахмалаас илүүгээр хэрэглэж болохгүй.
Хүүхдэд: Энэхүү эмийн бэлдмэлийг хүүхдэд хэрэглэдэггүй болно.
Өндөр настанд (65 наснаас дээш); өвчтөний бөөрний үйл ажиллагааны өөрчлөлттэй уялдуулан шаардлагатай бол тунг өөрчилж болно.

Шахмалыг зажлалгүй бүхлээр нь залгиж хэрэглэнэ.

Хлофазолин бэлдмэлийн эмчилгээг гэнэт зогсоож болохгүй

Хэрэв та бэлдмэлийн тунг шаардагдах хэмжээнээс нь хэтрүүлэн хэрэглэсэн бол

Хэрэв та зохих хэмжээнээс нь тунг хэтрүүлэн хэрэглэсэн бол хүүхэн хараа нарийсах, нойрмоглох, зүрхний хэм цөөрөх, цусны даралт багасах, биеийн хэм буурах, амьсгал удаашрах, тасалданги амьсгалах, ухаан алдах зэрэг шинж тэмдэг илэрч болно.

Энэ тохиолдолд яаралтай эмчээс зөвлөгөө авах болон ойр эмнэлэгт хандах хэрэгтэй.

Хэрэв та Хлофазолин бэлдмэлийг хэрэглэхээ мартсан бол

Хэрэв та нэг удаагийн уух тунгаа мартсан бол санангуутаа тэр дор нь хэрэглэх хэрэгтэй. Хэрэв дараагийн тунг хэрэглэх хугацаа ойртсон бол тэр цагт нь л хэрэглээрэй. Мартсан тунг нөхөх зорилгоор дараагийнхтай нь давхарлан ууж болохгүй. Учир нь гаж нөлөө илрэх нөхцөл ихсэх болно.

Эмчилгээг зогсоох

Хлофазолин бэлдмэлийн эмчилгээг гэнэт зогсоож болохгүй. Учир нь үгүйлэх хам шинж үүсэхэд хүргэж болзошгүй (мэдрэлийн системийн цочромтгой шинж чанар ихсэх, нойргүйдэх, толгой өвдөх, дотор муухайрах, цусны даралт ихсэх гэх мэт). Эмчилгээг зогсоохдоо эмчлэгч эмчийн зөвлөсний дараа хэдэн хоногийн турш аажим тунг багасган зогсоох хэрэгтэй.

Илэрч болзошгүй гаж нөлөө:

Бусад бүх эмийн нэгэн адилаар Хлофазолин ч бас гаж нөлөө үүсгэж болох ба харин тэр нь хүн бүрд илрэхгүй.

Хлофазолин бэлдмэлийн эмчилгээний үед дараах гаж нөлөө дурьдсан давтамжтайгаар илэрдэг болох нь тэмдэглэгдсэн. Үүнд:

Маш түгээмэл тохиолддог (10 өвчтөний 1-ээс илүүд нь тохиолддог): толгой эргэх, бие ердийнхөөсөө сул мэт мэдрэмж төрөх, босоход цусны даралт буурах, түүнээс болж толгой эргэх, дүйнгэтэх мэдрэмж төрөх буюу унах, ам хатах.
Түгээмэл тохиолддог (10 өвчтөний 1-ээс цөөн тохиолддог): сэтгэл гутрах, нойр өөрчлөгдөх, толгой өвдөх, мэдрэл цочирдох, дотор муухайрах, бөөлжих, өвдөх, шүлсний булчирхай орчим хавагнах, өтгөн хатах, бэлгийн чадавхи сулрах (эрэгтэй хүнд), ядрамтгай болох, үгүйлэх хам шинж (мэдрэл-вегетатив өөрчлөлт: мэдрэлийн сэрэмтгий чанар ихсэх, нойр өөрчлөгдөх, толгой өвдөх, дотор муухайрах, цусны даралт ихсэх).
Цөөвтөр тохиолддог (100 өвчтөнд 1-ээс цөөн тохиолддог): хүртэх мэдрэхүй өөрчлөгдөх, хий үзэгдэл илрэх, аймшгийн зүүд зүүдлэх, арьсан дээр шоргоолж явж байгаа юм шиг мэдрэмж төрөх, зүрхний хэм цөөрөх, Рейногийн хам шинж үүсэх (захын судас агчих), загатнах, туурах, чонон хөрвөс илрэх, бадайрах.
Ховор тохиолддог (1000 өвчтөнд 1-ээс цөөн тохиолддог): гинекомасти (эрэгтэй хүний хөхний булчирхай томрох), сэрэл дамжуулалт өөрчлөгдөх, нулимс багасах, хамрын салст хуурайших, гэдэс түгжирсэнтэй холбоотойгоор гэдсээр хатгаж өвдөх, бөөлжих буюу өтгөн хатах, үс унах, цусанд сахарын түвшин ихсэх, биед ус хуримтлагдах.
Тохиолдлын давтамж тодорхой бус: ухаан балартах, бэлгийн дуршил буурах, хараа өөрчлөгдөх, зүрхний хэм өөрчлөгдөх буюу удаашрах, Рейногийн хам шинж үүсэх.

Хэрэв танд ямар нэгэн гаж нөлөө ноцтойгоор илрэх буюу зааврын хуудсанд дурьдагдаагүй ч гэсэн эмч, эм зүйчдээ мэдэгдэж зөвлөгөө аваарай.

Хадгалах нөхцөл:

25°С-ээс дээшгүй хэмд хадгална.
Хүүхэд хүрэхгүй газарт хадгална.
Савлалтанд заагдсан хугацаа дууссан бол бэлдмэлийг хэрэглэж болохгүй.
Хадгалах хугацаа нь заагдсан сарын сүүлчийн өдрөөр тооцогдоно.
Эмийн бэлдмэлийг ахуйн хог хаягдлын сав болон хог цуглуулах хоолойд хийж болохгүй.