Худалдааны нэршил:

Кости

Олон улсын нэршил:

Домперидон

Эмийн хэлбэр:

Шахмал 10мг, сироп /1мг/мл/-100мл,200мл, лаа 10мг, 30мг, 60мг

Фармакологи:

Дофамины рецепторт хориг үүсгэж хоол боловсруулах замын гүрвэлзэх хөдөлгөөнд нөлөөлснөөр бөөлжилтийн эсрэг үйлдэл үзүүлнэ. Метоклопрамидтай ижилхэн боловч түүнээс ялгаатай нь тархины цусан хангамжийн хоригийг нэвтэрдэггүй учраас тархины дофамины рецепторт нөлөөлөхгүй. Бага зэрэг нейролептик үйлдэл үзүүлнэ. Ховор тохиолдолд өнчин тархинаас пролактин ялгаралтыг идэвхжүүлнэ. Улаан хоолойн доод сфинктерийн агшилтыг нэмэгдүүлж , ходоодны антраль болон дуоденаль хэсгийн гүрвэлзэх хөдөлгөөн болон ходоодны пилор хэсгийн хэмнэлт агшилтыг идэвхжүүлж, ходоодон доторхи шингэн ба хагас шингэн зүйлийг гадагшлуулан ходоодыг суллана. Кости нь ходоодны шүүс ялгаралтанд нөлөөлөхгүй.

Фармакокинетика:

Ууж хэрэглэсний дараа хоол боловсруулах замаас хурдан шимэгдэж 1цагийн турш цусанд өндөр концентрацтай байна. Ходооны шүүрэл багатай үед домперидоны шимэгдэлт удааширна. Биед хуримтлагдахгүй. 91-93 % нь сийвэнгийн уурагтай холбогдоно.шээс, өтгөнтэй хамт биеэс гадагшилна.

Хэрэглэх заалт:

Диспепсийн хам шинж үед/аюулхайд хүндэрч, цанхайж өвдөх,гэдэс цатгалдах, хэхрүүлэх хэвлийн дээд хэсгээр өвдөх, гэдэс дүүрэх огиулах, цээж гашуу оргих, гулгих/
Ходоод-улаан хоолойн рефлюкс, эзофагит
Дотор муухайралт, бөөлжилт үед/ үйл ажиллагааны болон органик гаралтай, халдварын гаралтай, эмийн болон туяа эмчилгээний дараах/
Хүүхдэд ходоод-нарийн гэдэсний рефлюкс, гулгих хам шинж үед

Гаж нөлөө:

Ховор тохиолдолд гэдэс спазм болно, ходоод гэдэсний хямрал, гиперпролактинемия, галакторея, гинекомастия, аменорея илэрч болно.

Эсрэг заалт:

Ходоод- гэдэсний цус алдалт
Ходоод, гэдэсний механик түгжрэл, цооролт
Пролактинома
Кетокеназол хрэглэж байгаа үед
Уг эмийн бэлдмэлд мэдрэг үед

Хэрэглэх арга ,тун

Диспепсийн хам шинжийн үед: Хоол идэхээс 10-15 мин өмнө ууна.

Насанд хүрэгчид- 1 шах эсвэл 10мл сироп өдөрт 3-4 удаа,
Хүүхэд- 5кг тутамд 1.25 мл/цайны халбагаар ¼ / өдөрт 3-4 удаа. 12-оос дээш насанд том хүнтэй ижил.

Хурц ба хурцавтар өвчний үед:

Насанд хүрэгчид: Уухаар: 2шах эсвэл 20мл сироп өдөрт 3-4 удаа
Шулуун гэдсээр: өдөрт 2 ба 4 лаа /60мг
Хүүхдэд: Шулуун гэдсээр 2-оос доош насанд 2-4 лаа/10мг/ өдөрт
2-оос дээш насанд 2-4 лаа/30 мг/

Эмийн харилцан үйлчлэл:

Антихолинерг эмийн бэлдмэлүүд Кости- гийн үйлдэлийг саармагжуулдаг. Циметидин, натрийн гидрокарбонат/сод/, антиацид эмийн бэлдмэлүүд, мөөгөнцрийн эсрэг бэлдмэлүүд, макролидийн бүлгийн антибиотик, хэрэглэсний дараа домперидоныг хэрэглэвэл үйлдэл нь буурна.

Жирэмсэн ба хөхүүл үед:

Хүний урагт нөлөөлдөг эсэх талаар мэдээлэгдээгүй байна. Жирэмсэн үед ялангуяа эхний 3 сард хэрэглэхгүй. Хөхний сүүгээр 10-50% нь ялгардаг тул хэрэв хөхүүл үед заавал хэрэглэх шаардлагатай бол хүүхдээ хөхүүлэхгүй.

Анхааруулга:

Элэг , бөөрний үйл ажиллагааны дутагдалтай өвчтөнд эмчийн хяналтанд болгоомжтой хэрэглэнэ. 1-ээс доош насны хүүхдийн тархины цусан хангамжын хориг болон тархины хөгжил бүрэн явагдаагүй байдаг тул эмнэлэгийн нөхцөлд нарийн хяналтанд болгоомжтой хэрэглэнэ.