Үений үрэвсэл олон төрөл байдаг ч яс-үений үрэвсэл нь хамгийн элбэг тохиолддог төрөл нь юм. Энэ нь идэр наснаас олонтоо үүсдэг ба гар, өвдөг ба түнхэнд илэрдэг.

 

2 яс хоорондоо нийлэх хэсэгт резин шиг материал болох мөгөөрсөөр бүрхэгдсэн байдаг. Энэ нь хөдөлгөөн хийх үед яс хоорондын үрэлтийг багасгаж, жийрэглэж өгдөг.

 

Яс-үений үрэвслийн үед мөгөөрс гэмтэж эхэлдэг. Мөгөөрс элэгдэх үед үений хэсгээр ясууд үрэлцэж эхэлдэг.

 

 

 

Энэ үед өвдөлт, хөшингө, хавдалт үүсдэг ба бид юу хийвэл дээр вэ?

Зовуурийг намдаахын тулд, та:

• Өвдөлт их үед хэдэн минут амрах – Гэхдээ хэт удаан битгий амар. Удаан амарвал булчин суларч, өвдөлт улам дорддог.
• Жин хасахыг хичээх, хэрэгцээтэй бол – Илүүдэл жин нь үенд очих ачааллыг нэмэгдүүлдэг. Та жин хасах эрүүл аргуудын талаар эмч, сувилагчтайгаа ярилцаарай
• Хангалттай хөдөлгөөн хийх – Булчин хүчтэй байхад үенд очих ачаалал багасч байдаг. Хөдөлгөөн хийхэд эхэн үед өвдөж болох ч цаашдаа өвдөлтийг бууруулдаг. Хөдөлгөөниэй байх олон арга байдаг. Энгийнээр, алхах нь таны эрүүл мэндэд тустай. Эмч, сувилагч тань танд тохирсон хөдөлгөөний хэвшилтэй болоход тусалж болно. Мөн физик эмчилгээний эмчтэй уулзахыг санал болгож болно.
• Хэрвээ эмч тань зөвлөсөн бол ‘туслах төхөөрөмжүүд’-ийг ашиглах – Эдгээр нь таны үеийг тогтвортой байхад туслах эсвэл очих жинг бууруулна. Жишээ нь, улыг өндөрлөх, чиг, таяг, алхуулах зориулалттай тэргэнцэр г.м
• Халуун эсвэл хүйтэн жин тавих – Зарим хүмүүст халуун, хүйтэн жин тавих нь богино хугацаанд өвдөлтийг намдаадаг
• Үений үрэвслийн талаар судлах – Эмгэгийнхээ тухай судлах нь танд хамгийн хэрэгтэй зүйлсийг эмч, сувилагчтайгаа олоход тусална. Мөн танд илрэх зовуурь, эмчилгээний тухай илүү сайн ойлгоход тусална.

Би хэрэглэж болох эм байдаг уу?

Эмч нар ихэнхдээ эхэн үед нь хөдөлгөөн хийх, жин хасах, туслах төхөөрөмжүүд ашиглахыг санал болгодог. Эдгээр нь өвдөлтийг намдаахгүй байвал эм зөвлөдөг. Тэдгээр нь, уух болон арьсанд түрхэх крем, гель хэлбэртэй байж болно.

Зарим тохиолдолд, эмч танд үений өвдөлтийг намдаах зорилгоор үенд дааврын нэг удаагийн тарилга хийлгэхийг зөвлөж болно. Гэвч энэ нь үндсэн эмчилгээ биш бөгөөд хэдэн долоо хоног л үйлчилдэг.

Мэс заслын тухай?

Бусад эмчилгээ хангалттай тусалж чадахгүй байвал зарим хүмүүс яс-үений үрэвсэлд мэс заасал хийлгэдэг. Жишээлбэл, зарим хүмүүс өвдөг юмуу түнхний үеийг хиймэл үеэр солиулдаг.

Надад тохирох аргыг яаж олох вэ?

Яс-үений үрэвслийн зовууриудыг аргалахад хүнд байж болно. Гэхдээ итгэл найдвараа битгий алдаарай. Та өөр төрлийн эмүүдийг хавсарч хэрэглэх, дасгал хөдөлгөөн хийх, танд тохирох туслах төхөөрөмжийг хэрэглэх хэрэгтэй болж болно. Гэхдээ ихэнх хүмүүс хийх дуртай олон зүйлсээ буцаж хийх аргыг олж чаддаг юм

 

Яс-үений үрэвслийн үед мөгөөрсний нөхөн төлжилтийг дэмжих бэлдмэл

Глюкозамин/Хондройтин МСМ шахмал 750мг/600мг/300мг

Глюкозамин нь биед нийлэгждэг нэгдэл юм. Энэ нь үений мөгөөрсний чухал элемент болох коллагений нийлэгжлийг нэмэгдүүлэх ба бүтцийнх нь коллагений задралыг бууруулах замаар үений бүрэн бүтэн байдлыг дэмжинэ.

• Биед хангалттай глюкозамин байх нь яс, үе, болон булчинд илэрч болох өвдөлтийг бууруулдаг.
• Үений бүрэн бүтэн байдлыг дэмжинэ
• Үенд тослогч шиг нөлөө үзүүлдэг тул хөдөлгөөн хийх үед үений өвдөлтийг бууруулна
• Энэ нь мөн хоол боловсруулах тогтолцоо болон ерөнхий эрүүл мэндэд дэмжих нөлөө үзүүлдэг.

Хэрэглэх заавар: 1 шахмалаар өдөрт 2 удаа, хоолтой хамт, усаар даруулж залгиж хэрэглэнэ. Эмчилгээний үргэлжлэх хугацаа 3 сар

Анхаарах: Хясаа загас, нялцгай биетнээс харшилдаг болон багтраа өвчинтэй хүмүүс, хүүхэд, чихрийн шижинтэй хүн, жирэмсэн болон хөхүүл эхчүүдэд хэрэглэхийг хориглоно