Нүүр
Мэдээ, мэдээлэл
Но-шпа (No-spa, Drotaverin) шахмал эмийн дэлгэрэнгүй

Но-шпа (No-spa, Drotaverin) шахмал эмийн дэлгэрэнгүй

Жаргал Батбэх

2023/06/21 09:39

55 үзсэн

Эмийн дэлгэрэнгүй

Но-шпа (No-spa, Drotaverin) шахмал эмийн дэлгэрэнгүй

Худалдааны нэршил:

Но-шпа

Олон улсын нэршил:

Дротаверин

Эмийн хэлбэр: шахмал.

Найрлага:

1 шахмалд:

Үйлчлэгч бодис: дротаверин гидрохлорид – 40 мг;
Туслах бодис: магния стеарат – 3 мг, тальк – 4 мг, повидон – 6 мг, эрдэнэ шишийн цардуул – 35 мг, лактоз моногидрат – 52 мг.

Эмэн эмчилгээний бүлэг:

Aгчил сулруулах бэлдмэл

АТС код: A03A D02.

Эм судлалын шинж чанар

Фармакодинамик

Дротаверин изохинолины уламжлалын бэлдмэл ба фосфодиэстераз IV хэлбэрийн ферментийг (ФДЭ IV) дарангуйлснаар гөлгөр булчинд хүчтэй сулруулах нөлөө үзүүлнэ. ФДЭ IV ферментийг хориглосноор цАМФ хэмжээ нэмэгдэн, миозины гинжин киназаг идэхгүйжүүлснээр гөлгөр булчинг сулруулах шалтгаан болно. Дротаверины үйлдэл цАМФ-н Ca2+ ионы концентраци бууруулах, Ca2+ ионы антагонист нөлөөгөөр тайлбарлагдана.
In vitro-д дротаверин ФДЭ IV ферментийг хориглох ба ФДЭ III, ФДЭ V ферментэд хориг үүсгэхгүй. Иймээс дротаверины үйлдэл өөр өөр эдэд ФДЭ IV агууламжаас хамаарна. ФДЭ IV гөлгөр булчингийн агчил сулруулахад чухал нөлөөтэй ба ФДЭ IV сонгомолоор хориглосноор гиперкинези, дискинези, янз бүрийн эмгэгүүд, ходоод гэдэсний замын агчилт эмгэгүүдэд эерэг нөлөө үзүүлнэ.
Зүрхний булчингийн цАМФ гидролиз, судасны ханын гөлгөр булчин, хамгийн гол нь ФДЭ III ферментийн тусламжтай зүрх судасны системд булчин сулруулах нөлөө үзүүлснээр ноцтой гаж нөлөө үүсгэж болохыг баримтаар тайлбарладаг. Дротаверин гөлгөр булчингийн мэдрэлийн шалтгаант агчилд үр дүнтэй. Вегетатив иннервацийн хэлбэрээс үл хамааран дротаверин ходоод гэдэсний зам, цөсний ялгаралт, шээс бэлгийн системийн гөлгөр булчинг сулруулна.
Дротаверины нөлөөнд судасны хана өргөссөнөөр эдийн цусан хангамж сайжирна. Иймээс дээр дурдсан дротаверин үйлдлийн механизмын нөлөөнд гөлгөр булчинг сулруулснаар өвдөлт багасгана.

Фармакокинетик

Шимэгдэлт

Дротавериныг папаверинтэй харьцуулбал ууж хэрэглэсний дараа ходоод гэдэсний замд хурдан гүйцэд сайтар шимэгдэнэ. Дротаверины системийн эргэлтэнд системийн өмнөх хувиралд 65% орно. Дротаверины тунгийн дээд хэмжээ (Сmax) цусны сийвэнд 45-60 минутанд хүрнэ. Бэлдмэлийн үйлдэл 30 минутанд илрэнэ.

Тархалт

In vitro-д дротаверины цусны уурагтай (95-98 %) ялангуяа альбумин, γ, β- глобулинтой холбогдоно.
Дротаверин эд, гөлгөр булчингийн эсэд жигд тархана. Цус тархины хориг нэвтрэхгүй. Дротаверин, түүний метаболитууд ихэсийн хориг нэвтэрч болно.

Хувирал

Дротаверин бараг гүйцэд элгэнд хувиралд орно.

Ялгарал

Дротаверины хагас задралын хугацаа 8-10 цаг байна.
Практикт дротаверин бараг 72 цагт биеэс ялгарна. Ойролцоогоор дротаверины 50 % бөөрөөр, ходоод гэдэсний замаас 30% ялгарна. Дротаверин метаболит хэлбэрээр голдуу ялгардаг ба түүний хувираагүй хэлбэр шээсэнд илрээгүй.

Хэрэглэх заалт

Цөс ялгаруулах замын гөлгөр булчингийн агчилт эмгэгүүд: холецистолитиаз, холангиолитиаз, холецистит, перихолецистит, холангит, папиллит.
Шээс ялгаруулах замын гөлгөр булчингийн агчилт эмгэгүүд: нефролитиаз, уретролитиаз, пиелит, цистит, давсагны агчил.

Туслах эмчилгээнд

Ходоод гэдэсний замын гөлгөр булчингийн агчил: ходоод дээрх гэдэсний шархлаат эмгэг, гастрит, ходоодны амсар хэсгийн агчил, энтерит, колит, өтгөн хаталттай агчилт колит, гэдэс дүүрэх цочромхой гэдэсний агчилт хам шинж.
Толгойн хүнд хэлбэрийн өвдөлт.
Сарын тэмдэгийн хямрал (сарын тэмдэгийн өвдөлт).

Хориглох заалт:

Бэлдмэлийн үйлчлэгч болон туслах бодисд хэт мэдрэг бол
Элэг бөөрний хүнд хэлбэрийн дутагдал
Зүрхний хүнд хэлбэрийн дутагдал (зүрхний гаралт буурах хам шинж).
6 хүртэлх насны хүүхэд
Хөхүүл үе (Эмнэл зүйн мэдээлэл дутмаг)
Удмын галактоз үл тэвчилтэй, лактазын дутагдал, глюкоз-галактозын мальабсорбци бүхий өвчтөн (бэлдмэлийн бүрэлдэхүүнд лактоз моногидрат ордог) зэрэгт хэрэглэхийг хориглоно.

Болгоомжлол

Артерийн гипотензи.
Хүүхдэд (эмнэл зүйн үнэлгээ хангалтгүй)
Жирэмсэн эмэгтэйд

Жирэмсэн, хөхүүл эхийн хэрэглээ:

Жирэмсэн үед дротаверины хэрэглээний улмаас ураг хордуулах, тератоген нөлөө илэрсэн үзүүлэлт хараахан байхгүй. Гэсэн хэдий ч жирэмсэн үед Но-шпа® бэлдмэлийг зайлшгүй шаардлагатай үед эхэд үзүүлэх эерэг нөлөө, урагт үзүүлэх сөрөг нөлөөний харьцааг сайтар тооцсоны дүнд хэрэглэнэ.
Туршилтын амьтанд хийгдсэн судалгааны дүнтэй холбоотойгоор дротавериныг хөхүүл үед хэрэглэхийг зөвлөхгүй.

Тун, хэрэглэх арга

Насанд хүрэгчид

Өдөрт 1-2 шахмалаар 2-3 удаа ууна. Хоногийн дээд тун – 6 шахмал (240 мг).

Хүүхдэд

Хүүхэд дротаверин хэрэглэсэн эмнэл зүйн судалгаа байхгүй.

Дротавериныг хүүхдэд хэрэглэх бол:

6-12 настай: өдөрт 1 шахмалаар 1-2 удаа ууна. Хоногийн дээд тун - 2 шахмал (80 мг);
12-с дээш настай: өдөрт 1 шахмалаар 1-4 удаа, эсвэл 2 шахмалаар 1-2 удаа ууна. Хоногийн дээд тун - 4 шахмал (160 мг).

Эмчийн зөвлөгөөгүйгээр бэлдмэлийг ихэвчлэн 1-2 хоног хэрэглэнэ. Мөн эмчийн зөвлөгөөгүйгээр туслах эмчилгээний зорилгоор хэрэглэх бол 2-3 хоногоос ихгүй хугацаанд хэрэглэнэ. Хэрэв өвдөлт арилахгүй бол эмчид мэдэгдэх ёстой.

Тугнагч бүхий полиэтилен тагтай флаконтой бэлдмэлийг хэрэглэхэд: хэрэглэхийн өмнө флаконы ёроолоос хамгаалалтын шошгийг мултлана. Ингэснээр алганд хамааралгүйгээр ёроолыг дээш харуулан барина. Дараа нь флаконы ёроол хэсгийн хуваарилагчийг зурагт үзүүлснээр дарна.

Үр дүнг үнэлэх арга

Хэрэв өвчтөн өөртөө онош тавих боломжтой өвдөлтийн шинж тэмдэгийн дагуу бэлдмэлийг хэрэглэснээр зовиур арилж байвал үр дүнг үнэлэхэд хялбар байдаг. Хэрэв нэг удаагийн дээд тунгаар хэрэглэсний дараах цөөн хугацаанд өвдөлт буурахгүй, арилахгүй бол эмчид мэдэгдэнэ.

Гаж нөлөө

ДЭМБ-н зөвлөснөөр эрхтэн системд илэрч буй гаж нөлөөний илрэлийг давтамжаар ангилан харуулбал: маш элбэг (≥10 %); элбэг (≥1 %, <10 %); заримдаа (≥0,1 %, <1 %); ховор (≥0,01 %, <0,1 %); тайланд тусгагдсанаар маш ховор (<0,01 %); давтамж тодорхойгүй (мэдээллийн дагуу давтамжыг тодорхойлох боломжгүй).

Мэдрэлийн системд

Ховор: толгой өвдөх, толгой эргэх, нойргүйдэх.

Зүрх судасны системд

Ховор: зүрх дэлсэх, артерийн даралт буурах.

Ходоод гэдэсний замд

Ховор: дотор муухайрах, өтгөн хатах.

Дархлалын системд

Ховор: харшлын урвал (судас мэдрэлийн хаван, чонон хөрвөс, тууралт, загатнаа)

Тун хэтрэлт

Дротаверины тун хэтэрснээр Гисийн багцад бүрэн хориг үүссэнээр зүрхний дамжуулалт буурах, хэм алдагдах цаашилбал үхэлд хүрч болно.
Бэлдмэлийн тунг хэтрүүлэн хэрэглэсэн өвчтөнг эмчийн хяналтанд байлган ходоод угаах, бөөлжүүлэх, эрхтэн системийн үйл ажиллагааг дэмжих шинж тэмдэгийн зохих эмчилгээг хийнэ.

Эмийн харилцан нөлөө

Леводопа
Фосфодиэстеразын хориглогчид, папаверины адил паркинсоны эсрэг леводопагын үйлдлийг бууруулна. Дротавериныг леводопатай нэг дор хэрэглэснээр салганах, хөшинг байдал хүчжинэ.
М-холиноблокаторууд зэрэг бусад агчил сулруулах бэлдмэлүүд
Агчил сулруулах үйлдэл хүчжинэ.

Ерөнхий сэрэмжлүүлэг

Но-шпа® 40 мг шахмал бүрд 52 мг лактоз моногидрат агуулна. Энэ нь лактоз үл тэвчилтэй өвчтөнд ходоод гэдэсний эмзэглэл үүсгэж болно. Үүний дагуу лактозын дутагдал, галактоз эсвэл глюкоз\галактозын шимэгдэлтийн алдагдалтай өвчтөнд энэ хэлбэрээр хэрэглэх боломжгүй юм. («Хориглох заалт» үзнэ үү).

Авто тээвэр, механизмтай ажиллах чадварт үзүүлэх нөлөө:

Эмчилгээний тунгаар дротавериныг ууж хэрэглэхэд жолоо барих, анхаарал шаардсан ажил гүйцэтгэх чадварт нөлөө үзүүлэхгүй. Гэхдээ хувь хүний онцлогоос хамааран гаж нөлөөний илрэлийг анхаарах нь чухал юм. Эм хэрэглэсний дараа тохиолдлоор толгой эргэх шинж үүсвэл жолоо барих, механизмтай ажиллахаас зайлсхийнэ.