Худалдааны нэршил:

Синоб-акс

Олон улсын нэршил:

Амброксол + Цетиризин + Фенилэфрин

Найрлага:

Бүрхүүлтэй шахмал бүрт:

Амброксол гидрохлорид B.P. 60 мг
Цетиризин дигидрохлорид В.Р. 10 мг
Фенилэфрин гидрохлорид В.Р. 5 мг

Эмийн эмчилгээний бүлэг:

Синоб-Акс нь цэр шингэлэх гистамины эсрэг болон тогтонгошил арилгах нөлөөт нийлмэл найрлагатай бэлдмэл болно.

Ерөнхий шинж:

Цетиризин нь гистамины эсрэг нөлөөт 2-р эгнээний бэлдмэл юм. Амброксол нь цэр шингэлэх болон цэр гадагшлуулах нөлөөт бодис. Харин Фенилэфрин нь симпатометик бодис болно.
Амброксол гидрохлорид нь цэр шингэлэх, цэр гадагшлуулах үйлдэлтэй. Тэрээр амьсгалын замын шүүрлийг ихэсгэн цэрний салстыг багасгаж гадагшлалтыг дэмжинэ. Цэрний гадагшлалт хөнгөвчлөгдөж шүүрэл хэвийн болдог. Цэрний хэмжээ багасч, ханиалга намдана. Амьсгалын замын салст бүрхэвчийн гадаргууд үүссэн хальст төст шүүрэл хэвийн болж түүний хамгаалах үйлдэл нь сэргэдэг.
Цетиризин дигидохлорид нь Н₁ рецепторийг хориглох хүчтэй, удаан үеийн аль алинд нь нөлөөлдөг.
Фенилэфрин гидрохлорид нь тогтонгошил арилгах бэлдмэл бөгөөд харшил, халууралт, ханиад шуухинааны улмаас хамрын салстын зогсонгошилт бөглөрөлтийг түр зуурын хугацаанд арилгах эмчилгээнд хэрэглэдэг.

Фармакологийн үйлдэл:

Амброксол нь шүүрэл шингэлэх болон шүүрэл гадагшлуулах үйлдэлтэй. Тэрээр гуурсан хоолойн салст бүрхэвчийн булчирхайн эсийг идэвхжүүлж шүүрэл ялгаралтыг ихэсгэсний улмаас цэрний бүтцийг өөрчилдөг. Уг эм нь цэрний мукополисахаридын ширхэгийг задлан цэрний зуурамтгай чанарыг багасгах замаар гуурсан хоолойн шүүрлийн бүтцийг өөрчилдөг. Мөн тэрээр намираа хучуур эдийн хөдөлгөөний идэвхийг сайжруулж, цэр гадагшилтыг ивэвхижүүлнэ.
Амброксол нь цулцангийн эсийн фосполопидийн нийлэгжилт болон сулфактантын липидийн үүсэлтийг идэвхжүүлнэ. Үүний улмаас амьсгалалтыг сайжруулж, зарим талаар ханиалга намдаах үйлдэл үзүүлнэ.
Цетиризин нь гидроксизиний хүний метаболит бөгөөд гистамины эсрэг нөлөөт үйлдэл үзүүлнэ. Түүний үйлдэл нь захын Н₁ рецепторт сонгомолоор хориг үүсгэдэгт оршино. Цетиризины гистамины эсрэг үйлдэл нь олон төрлийн амьтан болон хүний биеийн загварчлалд тодорхой судлагдсан байна. Амьтны “in vivo”болон “ex vivo” загварчлалд хийсэн судалгаагаар холин-идэвхит болон серотонин идэвхит синапсийг сулавтар хориглох үйлдэлтэй болох нь ноглогджээ. Эмнэлзүйн судалгаагаар цетиризинийг хэрэглэх үед илэрсэн ам хатах нөлөө “плацебо”-оос илүү олон тохиолдсон байна.
Фенилэфрин нь симпатомиметик үйлдэлтэй амин бөгөөд хамрын салстын хялгасан судасны капиллярын өмнөх болон капиллярын дараах хэсэгт байрлах синапсын дараах альфа адренорецепторыг идэвхжүүлэх замаар судас нарийсгана. Фенилэфрин нь эдгээр рецептортой холбогдон шууд сэргээхийн зэрэгцээ симпатик мэдрэлийн төгсгөлөөс ялгарах норэпинефриний ялгаралтыг идэвхжүүлэх замаар мөн шууд бусаар сэргээдэг. Үүний улмаас судас нарийсч, хамрын салстанд очих цусны хэмжээ багасан эдийн тогтонгошил арилдаг.

Хэрэглэх заалт:

Харшлын гаралтай хамрын салстын үрэвсэл,
Амьсгалын замын болон хамрын салстын тогтонгошил буюу хамар битүүрэлт,
Ханиад шуухинаа,
Хамрын дайврын үрэвслүүд,
Амьсгалын замын халдварын шалтгаант цэртэй ханиад зэрэг эмгэгийн үед хэрэглэнэ.

Цээрлэлт:

Бэлдмэлийн нарлаганд орсон аль нэгэн бодист хэт мэдрэг өгүүлэмжтэй өвчтөн,
Ходоод гэдэсний шархлаатай өвчтөн, жирэмсний эхний 3 сард болон хөхүүл эх хэрэглэхийг хориглоно.
Фенилэфрин: хүнд хэлбэрийн артерийн даралт ихсэлт, зүрхний титэм судасны эмгэг болон моноаминооксидаза (MАО) ферментийг саатуулах нөлөөт эм хэрэглэж байгаа өвчтөнд хэрэглэхгүй.

Тун ба хэрэглэх арга:

Насанд хүрэгсэд хоногт 1 шахмал тунгаар хэрэглэнэ. Хоногийн дээд тун 2 шахмал болно.

6-12 сар ¼ шахмал
1-2 насанд ½ шахмал
2-6 насанд ½ шахмал
6-аас дээш насанд 1 шахмалаар өдөрт 1-2 удаа хэрэглэнэ.

Болгоомжлол:

Цетиризин нь холинолитик үйлдэлтэй болох тул түүнийг хаалттай өнцөгт глакоумтай, шээсний ялгаралт саадтай болон түрүү булчилхай томорсон өвчтөнд болгоомжтой хэрэглэнэ.
Симпатомиметик аминуудыг артерийн даралт ихтэй, чихрийн шижинтэй, зүрхний цус дутагдах эмгэгтэй, бамбай булчирхайн хордлоготой болон гавлын хөндийн даралт ихэссэн, түрүү булчирхай томорсон өвчтөнд идэвхжүүлэн таталаа үүсгэж болдог.
Уг бэлдмэлийиг хэрэглэсэн зарим өвчтөнд нойрмоглол үүсч байсан нь бүртгэгдсэн тул түүнийг жолоо барих, машин техниктэй харьцах үед хэрэглэхдээ ихээхэн болгоомжтой байх шаардлагатай.
Бэлдмэлийг хэрэглэж байгаа үед согтууруулах ундаа хэрэглэж болохгүй.
Жирэмсэн болон хөхүүл үед хэрэглэхгүй.

Гаж нөлөө:

Амброксол гидрохлорид нь ерөнхийдөө зохимж сайтай боловч тохиолдлын чанартайгаар ходоод гэдэсний замын хөнгөн хэлбэрийн гаж нөлөө илэрч байсан нь бүртгэгдсэн. Хааяа харшлын урвал илэрч байсан боловч тэдгээр өвчтөний зарим нь мөн бусад бодист харшилтай байжээ.
Цетиризиний тайвшруулах болон гистамины эсрэг нөлөөний улмаас олонтаа тохиолдох бусад гаж нөлөөнд толгой өвдөх, сэтгэц-хөдөлгөөнт (психомотор) үйлдлийн дутмагшил болон ам хатах, амьсгалын замын шүүрэл өтгөрөх, хараа бүүдийх, шээхэд саадтай болох, өтгөн хатах болон ходоодны сөргөө үүсэх зэрэг холинолитик үйлдэл орно.
Фенилэфриний улмаас зүрхний хэм олшрох, зүрх дэлсэх, бачимдах, нойргүйтэх, тайван бус болох, толгой өвдөх, ходоод цочрох, цочромтгой болох зэрэг гаж нөлөө илэрч болно. Симпатомиметик аминуудын илэрхий тохиолддог гаж нөлөөний тоонд аймтгай болох, догшрох, цочромтгой болох, тайван бус болох, гар хуруу чичрэх, бие сулрах, царай цонхийх, амьсгаа бачимдах, олон дахин шээх, хий үзэгдэл илрэх, таталдаа үүсэх, ТМС дарангуйлагдах, зүрхний хэм алдагдах болон цусны даралт бууран зүрх судасны коллапс үүсэх зэрэг илрэлүүд орно.

Харилцан нөлөөлөл:

Цетиризин нь согтууруулах ундаа, барбитуратууд, нойрсуулах эмүүд, опийн бүлгийн өвдөлт намдаах эмүүд, сэтгэл хөдлөлийг дарангуйлах эмүүд болон солиорол намдаах эмийн ТМС-г дарангуйлах нөлөөг ихэсгэнэ.
Астемизол, терфенадын зэрэг тайвшруулах үйлдэлгүй гистамины эсрэг нөлөөт эмүүдийг тэдгээрийн элэгний метаболизмыг саатуулах болон зүрхний хэм алдалт үүсгэх сөрөг нөлөөт эмүүдтэй хамт хэрэглэвэл зүрхний ховдолын ноцтой хэлбэрийн хэм алдалт тохиолдож болох эрсдэлтэй.
Цетиризин нь харшлын алергент сорилын арьсны хариу урвалыг дарангуйлж болох тул арьсны сорилоос хэд хоногийн өмнө түүнийг хэрэглэхээ зогсоосон байх шаардлагатай.
Фенилэфринийг бусад симпатомиметик эмүүд буюу МАО (моноаминооксидаза) ферментийг саатуулах эмүүдтэй хамт хэрэглэхгүй, учир нь артерийн даралт ихсэх өртөмжтэй.

Тун хэтрэлт (илрэл, шинж тэмдэг ба эмчилгээ):

Синоб-Акс-ийн тун хэтэрвэл хэт ядрах, хөлрөх, толгой эргэх, зүрхний цохилт цөөрөх шинж үүсч болохын зэрэгцээ комд орж болно. Тун хэтэрсэн тохиолдолд шинж тэмдгийн эмчилгээ хийх бөгөөд гемодиализ үр дүнгүй байдаг.