Олон улсын нэршил:

• Инозин прaнoбекс (Inosine pranobex )

Эмийн хэлбэр:

• Шахмал

Найрлага:

• Үйлчлэгч бодис: шахмал бүр нь 500 мг Инозин прaнoбекс (метизопринол, инозин димепранол ацетобен) агуулдаг.
• Туслах бодис: төмсний крахмал, повидон, магнийн стеарат.

  Дүрслэл:

• Шахмал нь зуйван, биконвекс хэлбэртэй, цагаанаас цайвар тосон өнгөтэй, нэг талдаа хуваахад зориулсан ховилтой, 17 мм урт, 7 мм өргөн.

Эмийн эмчилгээний бүлэг:

• Вирүсийн эсрэг ерөнхий үйлчилгээтэй бэлдмэл. Вирүсийн эсрэг шууд үйлдэлтэй.

  Код АТХ: J05A X05

Фармакологийн шинж чанар:

  Фармакодинамик

Инозин пранобекс (1:3 гэсэн харьцаатай инозиний ба 4-ацетамидобензойний хүчил, N,N-диметил амино-2- пропанол молекулын бүрдэл) гэгч идэвхитэй бодис нь вирүсийн эсрэг шууд үйлдэлтэй ба дархлаа дэмжих үйлдэлтэй. Инозин пранобекс нь пуриний нийллэг дериват. Вирүсийн эсрэг шууд үйлдэл нь вирусээр гэмтсэн эсийн рибосомтой нэгдэж, вирүсийн РНХ ба геномийн ДНХ-гийн нийлэгжлийг саатуулдагт оршино. Шууд бус үйлчилгээ нь интерферон ялгаралтыг ихэсгэдэг.  Дархлаа сайжруулах үйлдэл нь Т лимфоцит-д нөлөөлдөг (цитохиний нийлэгшлийг идэвхижүүлдэг) ба макрофагийн фагоцитийнн идэвхийг сайжруулдаг. Уг бэлдмэлийн үйлчилгээгээр Т лимфоцитийн ялгаралт ихсэж, митогенаар өдөөгдсөн Т, В лимфоцитийн төлжилт идэвхижиж, Т лимфоцитийн үйл ажиллагааний идэвхи сэдээгдэж, тэдгээрийн лимфокин үүсгэх чадвар сайжирдаг, Т хелпер, Т супрессорийн дэд популяцийн харьцаа хэвийн болдог (дархлаа зохицуулах индекс буюу CD4/CD8 хэвийн харьцаатай болдог). Инозин пранобекс нь лимфоцитоос интерлейкин-2-ын ялгаралтыг ихэсгэдэг ба энэхүү интерлейкиний тосуурыг лимфоид эсдээр илэрхийлэхэд дэмждэг. Мөн байгалын киллер эсийг (NK-эс) эрүүл хүнд хүртэл идэвхижүүлдэг. Макрофагийн фагоцитоз, антиген таних чадвар ба устгах чадварыг сайжруулдаг, энэ нь эмчилгээний эхний өдрөөс эхлэн эсрэг бие ялгаруулах эсийн тоог бие махбодид ихэсгэдэг. Энэ нь мөн интерлейкин -1-ийн нийлэгшлийг идэвхижүүлж, эсийн мембраний тосуурын таних чадвар, лимфокин ба хемотаксисийн хүчин зүйлд хариулах чадварыг сайжруулдаг. Герпес халдварын үед герпесийн эсрэг өвөрмөц антител ялгаруулалтыг мэдэгдэхүйц хурдасгадаг  ба эмнэлзүйн шинж ба дахилтыг багасгадаг.

  Фармакокинетик

• Эмийн бүрэлдэхүүн хэсэг бүр өөрийн фармакокинетикийн шинж чанартай.

  Шимэгдэлт

• Инозин пранобексийг дотуур ууж хэрэглэхэд ходоод-гэдэснээс цусруу маш хурдан ба бүрэн (≥90%) шимэгддэг. Макак-резус сармагчинд инозин пранобексийг амаар уулгах ба судсаар хийхэд бэлдмэл ба түүний бүрэлдэхүүн хэсэг болох DIP (N,N-диметиламино-2-пропанол) ба PАcBA (п-ацетоаминобензойний хүчил) бараг бүхэлдээ (94%-100%) шээсээр ялгарсан байна.

  Тархалт

• Сармагчинд цацраг идэвхит изотопоор тэмдэглэсэн бэлдмэлийг хийхэд дараах эрхтэнд идэвхи нь буурах дарааллаар бэлдмэл илэрч байсан: бөөр, уушги, элэг, зүрх, дэлүү, өндгөвч, нойр булчирхай, тархи, араг ясны булчин.

  Метаболизм буюу солилцоо

• 1гр инозин пранобексийг дотуур ууж хэрэглэхэд сийвэнд 3.7 мкг/мл (2 цаг) DIP ба 9.4 мкг/ мл (1цаг) PАcBA илэрч байсан. Хэрэглэгчдийн шээсний хүчлийн концентрац ихсэх үед  (инозиний бэлдмэлд агуулагдах хэмжүүр гэж тооцвол) түүнийг даах чадварыг судлахад түүнийг хэрэглэсний дараа шугаман бус шинж чанартай байсан ба 1-3 цагийн хооронд ±10%хэлбэлзэж байв.

  Ялгаруулалт

• Хоногт 4 гр бэлдмэлийг тогтмол хэрэглэхэд PАcBA ба түүний үндсэн метаболит нь 24 цагийн турш шээсээр гарч  байсан ба хэрэглэсэн тунгийн 85%-ийг эзэлж байсан. Цацраг идэвхит изотопоор тэмдэглэсэн DIP-ын 95% нь хувираагүй ба DIP N-оксид хэлбэрээр шээсээр гадагшилсан. DIP-ын хагас ялгаруулалтын хугацаа 3.5 цаг байсан бол PАcBA-ийнх 50 минут байсан. Хүний бие махбодид DIP-ын задралын эцийн бүтээгдэхүүн нь N-оксид, PАcBA-ийн задралын эцсийн бүтээгдэхүүн нь 0-ацилглюкуронид байсан. Инозин нь солилцоонд орохдоо пурин шээсний хүчил хүртэл задардаг замаар явагддаг тул хүнд радиоидэвхит тэмдэглэлтэй бодисоор судалгаа хийх боломжгүй юм. Амьтанд инозинийг амаар хэрэглэхэд 70% нь шээсэнд шээсний хүчил болж хувирсан ба үлдсэн хувь нь ксантин, гипоксантин зэрэг хэвийн эцсийн бүтээгдэхүүн болсон байв.

  Биохүртэхүй (AUC)

• Тогтвортой нөхцөлд PАcBA-ийн хэсэг ба түүний метаболит нь шээсэнд хүлээгдсэн хэмжээнээс ≥90% байсан. DIP ба түүний метаболит нөхөн сэргэх нь ≥76% байсан. Цусны сийвэнд DIP-ийн AUC  ≥88%, PАcBA-ийнх ≥77% байв.

Хэрэглэх заалт

• Амьсгалын дээд замын дахилтат халдвар,
• Дархлын тогтолцоо суларсан өвчтөний иж бүрэн эмчилгээнД
• Ердийн герпесээр (Herpes simplex) үүсгэдсэн уруул ба нүүрний арьсны герпес халдварын эмчилгээ

Хэрэглэх арга ба тун

• Эмийг хоол идсэний дараа тогтмол цагаар хоногт 3-4 удаа дотуур уухаар хэрэглэнэ. Уухад хялбар болгохын тулд (6-аас доош насны хүүхэд хахах эрсдлээс сэргийлэх зорилгоор) шахмалыг зажилж, нухаж, эсвэл бага зэргийн усанд найруулж болно. Хувь хүний онцлог, шалтгаан, хүнд хөнгөний байдал, дахилтын давтамж зэргээс хамааран эмчилгээ үргэлжлэх хугацааг тогтооно. Дунджаар эмчилгээ үргэлжлэх хугацаа 5-14 хоног байдаг. Эмнэлзүйн шинж тэмдэг багассан ч гэсэн эмийн бэлдмэлийг 1-2 хоног үргэлжлүүлэн авах хэрэгтэй. Насанд хүрэгсдийн хоногийн дээд тун 3-4 гр байдаг бол 1-ээс дээш насны хүүхдийн хоногийн дээд тун 50 мг/кг/хоног.

  Тунгийн зөвлөмж ба эмийг хэрэглэх схем:

• Ердийн герпесийн вирүсээр (Herpes simplex) үүсгэгдсэн уруул, нүүрний арьсны герпес: насанд хүрэгсэд 2 шахмалаар хоногт 3-4 удаа уух (хоногт 6-8 шахмал), хүүхэд 50мг/кг гэсэн хоногийн тунг 3-4 хувааж 10-14 хоногийн турш уух.
• Дархлаа суларсан өвчтөний иж бүрэн эмчилгээнд: насанд хүрэгсэд 2 шахмалаар хоногт 3-4 удаа уух (хоногт 6-8 шахмал), хүүхэд 50мг/кг гэсэн хоногийн тунг 3-4 хувааж 21 хоногийн турш уух (эсвэл 7-10 хоногийн завсарлагаатай 7-10 хоногоор 3 удаагийн курс эмчилгээ хийх).

Гаж нөлөө

• Насанд хүрэгчдэд ба хүүхдэд эмийн бэлдмэл хэрэглэснээр байнга ажиглагддаг цорын ганц гаж нөлөө бол  цусны сийвэн ба шээсэнд шээсний хүчлийн концентрац түр зуур ихэсэх (гол төлөв нормийн хэмжээнээс хэтрэхгүй ихэсдэг) явдал юм. Эмийн хэрэглээг зогсоосны дараа хэд хоногийн дотор шээсний хүчлийн хэмжээ хэвийн түвшинд очдог.

  Маш элбэг гаж нөлөө (≥1/10)

• Лабораторийн шинжилгээний дүнгээс: цус, шээсэнд шээсний хүчлийн түвшрүүлэг ихсэх.

  Элбэг гаж нөлөө (≥1/100 ба ≤1/10)

  3 сараас дээш хугацаагаар эмийн бэлдмэлийг хэрэглэсэн тохиолдолд эмнэлзүйн судалгаанд бүртгэгдсэн бүх гаж нөлөөнөөс ≥1% бүртгэгдсэн:

• Мэдрэлийн тогтолцооны зүгээс хямрал: толгой өвдөх, толгой эргэх;
• Хоол боловсруулах тогтолцооны зүгээс: дотор муухайрах эсвэл бөөлжих, аюулхай орчим эвгүй оргих;
• Арьс, арьсан доорх өөхлөгийн зүгээс: загатнах, тууралт гарах;
• Тулгуур эрхтэн, холбогч эдийн зүгээс: үе мөчөөр өвдөх;
• Ерөнхий хямрал: ядрамтгай болох, сульдах
• Шинжилгээний хариу: цусанд шээсний хүчил ихсэх, цусанд трансаминазийн хэмжээ, шүлтлэг фосфатазийн хэмжээ ихсэх.

  Ховор гаж нөлөө (≥1/1000 ба ≤1/100)

  3 сараас дээш хугацаагаар эмийн бэлдмэлийг хэрэглэсэн тохиолдолд эмнэлзүйн судалгаанд бүртгэгдсэн бүх гаж үйлчилгээнээс ≤1% бүртгэгдсэн:

• Tөв мэдрэлийн тогтолцооны зүгээс: цочромтгой, нойр муутай, нойрмог болох;
• Нодоод-гэдэсний зүгээс: суулгалт, өтгөн хаталт;
• Бөөр, шээсний замын зүгээс: шээс ихсэх;
• Сэтгэцийн зүгээс: бухимдалтай болох;

  Бүртгэлийн дараах хугацаанд дараах гаж нөлөө мэдэгдсэн. Түүний давтамжийг одоогийн бүртгэлийн явцад тогтоох боломжгүй байна:

• Хоол боловсруулах тогтолцооны зүгээс: аюулхай орчим өвдөх;
• Дархлын тогтолцооны зүгээс: судас-мэдрэлийн хаван, хэт мэдрэг урвал, чонон хөрвөс, анафилаксийн урвал ба анафилаксийн шок;
• Мэдрэлийн тогиолцооны зүгээс: толгой эргэх;
• Арьс, арьсан доорх өөхлөгийн зүгээс: улайлтат үрэвсэл.

Хориглох заалт:

• Эмийн бэлдмэлийн үйлчлэгч бодис ба туслах бодист хэт мэдрэг байх
• Бөөр, шээсний замын өвчин.
• Бөөрний хүнд буюу III зэргийн дутагдал.
• Нэг нас хүрээгүй хүүхэд.
• Жирэмсэн ба хөхүүл эх.
• Тулай өвчний цочмог сэдрэлийн үе ба цусанд шээсний хүчил ихэссэн хүнд Гроприносинийг хэрэглэх шаардлагагүй.

  Тун хэтрэх

• Гроприносин бэлдмэлийн тунг хэтрүүлсэн тохиолдол бүртгэгдээгүй. Туршилтын амьтанд хоруу чанарыг судлахаар хийсэн судалгааны үр дүнгээс үзэхэд сийвэнд шээсний хүчил ихсэхээс өөр ноцтой гаж үйлчилгээ илрээгүй. Тунг хэтрүүлсэн тохиолдолд шинж тэмдгийн ба дэмжих эмчилгээ хийнэ.

  Үр тогтох, жирэмсэн ба хөхүүл үе

• Хүний ургийн хөгжилд инозин хэрхэн нөлөөлдөг болохыг судлаагүй. Мөн инозин хөхний сүүнд ордог эсэхийг тогтоогоогүй. Иймээс, Гроприносинийг жирэмсэн ба хөхүүл эх хэрэглэж болохгүй.

  Хүүхэд

• 1-ээс дээш насны хүүхдэд хэрэглэнэ.

  Настай өвчтөн

• Насанд хүрсэн дундаж насны хүмүүстэй ижил тунгаар хэрэглэнэ, тунг өөрчлөх шаардлагагүй.
• Настангийн цус, шээсэнд шээсний хүчлийн хэмжээ дундаж насны хүмүүсийнхээс илүү их байх нь элбэг.

  Хэрэглэх онцлог ба аюулгүй байдал

• Гроприносин нь богино хугацаагаар цус ба шээсэнд шээсний хүчлийн түвшрүүлгийг хэвийн хэмжээний хүрээнд (0,18-0,42 ммоль/л) гол төлөв эрэгтэйчүүд ба хоёр хүйсний настанд ихэсгэдэг. Инозин шээсний хүчлийг үүсгэхэд оролцдог, харин эсэгийн үйл ажиллагаа ба бөөрний клиренстэй холбоотой өөрчлөлт хийдэггүй. Иймээс Гроприносинийг асуужимдаа тулай, гиперурикем, бөөр-шээсний замын чулуу, бөөрний үйл ажиллагаа алдагдсан өвчтөнд болгоомжтой хэрэглэх нь зүйтэй. Эдгээр өвчтөний шээсний хүчлийн хэмжээг эмчилгээний явцад сайн хянаж байх нь зүйтэй. Зарим өвчтөнд хүнд хэлбэрийн хэт мэдрэг урвал (чонон хөрвөс, судас-мэдрэлийн хаван, анафилакси) үүсэж болзошгүй. Энэ тохиолдолд Гроприносин эмчилгээг зогсооно. Удаан хугацаагаар эмчилгээ авч буй өвчтөний бөөрөнд чулуу үүсэх магадлалтай.
• Удаан хугацаагаар 3 сараас дээш хугацаагаар эмчилгээ авч буй өвчтөний цус, шээсэнд шээсний хүчил, элэг, бөөрний үйл ажиллагааг (трансаминазын идэвхи, креатинины түвшин) шалгаж байх ёстой. Шээсний хүчил нилээд ихэссэн өвчтөнд түүнийг бууруулах эм хэрэглэж болно.

  Бусад эмтэй харилцан үйлчлэл ба бусад хэлбэрийн харилцан үйлчлэл

  Гроприносинийг дараах бэлдмэл хэрэглэж буй өвчтөнд болгоомжтой хэрэглэх нь зүйтэй:

• Ксантиноксидазийн ингибитор (жишээ нь, аллопуринол)
• Шээсээр шээсний хүчлийн ялгаруулалтыг ихэсгэдэг шээс хөөх бэлдмэл, үүнд тиазидийн бүлгийн (жишээ нь, гидрохлортиазид, хлорталидон, индапамид) мөн гогцооны шээс хөөх бэлдмэл (фуросемид, торасемид, этакриний хүчил).
• Гроприносинийг дархлаа дарангуйлах бэлдмэлтэй хамт (эсвэл эмчилгээ дөнгөж дууссаны дараа) хэрэглэж болохгүй, учир нь Гроприносин бэлдмэлийн фармакокинетикт нөлөөлснөөр эмчилгээний үр дүнг өөрчлөгдөх магадлалтай.
• Гроприносин бэлдмэлийг Азидотимидинтай (АЗТ) хамт хэрэглэхэд АЗТ-ний үйлчилгээнд нуклеотид үүсэх нь ихэсдэг, жишээ нь АЗТ-ийн биохүртэхүй ихэсдэг ба моноцит эс доторх фосфоржилт ихэсдэг. Үр дүнд нь Гроприносин АЗТ-ийн үйлчилгээг ихэсгэдэг.

  Машин тээвэр жолоодох ба техниктэй ажиллах чадварт нөлөөлөх байдал

• Инозин пранобексийн фармакодинамикийг үндэслэн энэхүү бэлдмэл нь машин жолоодох ба техниктэй харьцахад нөлөөлөх магадлал маш багатай юм.

Хадгалах нөхцөл

• 25⁰С хэмээс дээш халуун орчинд хадгалахгүй.
• Хүүхэд хүрэх боломжгүй газар хадгалах.

Эмийн сангаас олгох нөхцөл:

• Жороор олгоно. Эмчийн зааврын дагуу хэрэглэнэ.

Эмийн хуудасруу энд дарж ороорой.