Худалдааны нэр:

• Курантил® N25

Олон улсын нэршил:

• Дипиридамол

Эмийн хэлбэр:

• Бүрхүүлтэй шахмал

Найрлага:

  1 шахмалд:

• Үйлчлэгч бодис: Дипиридамол 25мг
• Туслах бодис: Шахмалын цөмийн найрлага: эрдэнэшишийн цардуул, лактозын моногидрат, цардуул натрийн гликолят (А тип), желатин, коллоид усгүй кремнийн хоёрч исэл, магнийн стеарат.
• Бүрхүүл: Гипромеллоза, тальк, макрогол 6000, титанийн хоёрч исэл (Е 171), хинолины шар (Е 104), симетиконы цийдмэг тус тус агуулагдана.

Дүрслэл:

• Дугуй, хавтгай бортого хэлбэртэй, бараг зэрэгцээ хавтгай гадаргуутай, шар өнгөтэй, нимгэн бүрхүүлтэй шахмал.

Эмийн эмчилгээний бүлэг:

• Цусны бүлэгнэлтийг саатуулах эм. Гепаринаас бусад тромбоцитын агрегацийг саатуулагч эм.

АТХ код:

• В01АС07

Фармакологийн шинж

  Фармакокинетик:

• Бэлдмэлийг ууж хэрэглэсний дараа дипиридамол хоол боловсруулах замаар түргэн шимэгдэнэ. (ихэнх хэсэг нь ходоодонд, зарим хэсэг нь нарийн гэдсэнд).
• Ууж хэрэглэснээс хойш 1 цагийн дараа цусан дахь концентраци нь дээд хэмжээндээ хүрдэг. Дипиридамол цусны сийвэнгийн уурагтай бараг бүрэн холбогдоно. Тэрээр зүрх болон эритроцитод хуримтлагдах ба элгэнд глюкуроны хүчилтэй холбогдох замаар метаболизмд орно.
• Хагас ялгарлын хугацаа нь 20-30 минут. Дипиридамол нь моноглюкуронид хэлбэрээр цөстэй гадагшилдаг.

  Фармакодинамик:

• Курантил бэлдмэл нь тромбоцитын агрегацид саатуулах үйлдэл үзүүлэх ба бичил цусны эргэлтийг сайжруулдаг. Бэлдмэл бага зэрэг судас өргөсгөх үйлдэлтэй.
• Дипиридамолын тромбоцитын агрегацийг саатуулах үйлдлийн механизм нь аденозины (тромбоцитын хариу үйлдэл үзүүлэхийг дарангуйлагч) шингээлтийг дарангуйлах, тромбоцитын фосфодиэстераза ферментийг дарангуйлах буюу эсвэл простациклины (PGI2) чөлөөлөгдөлтийг идэвхжүүлэх зэргээр нөхцөлдөж болно.
• Дипиридамол нь эндотелиаль эс, эритроцит, тромбоцитын аденозины шингээлтийг саатуулдаг.
• Дипиридамолыг хэрэглэсний дараа цусан дахь аденозины концентрацийн ихсэлт ажиглагддаг бөгөөд тромб үүсэх болон тромбоцитын агрегаци багасдаг. Үүнээс гадна аденозины судас өргөсгөх үйлдэл хүчиждэг.
• Фосфодиэстераза фермент нь тромбоцитын агрегацийг дарангуйлдаг тромбоцит дахь цагирагт аденозинмонофосфатыг (цАМФ) задалдаг. Дипиридамол нь фосфодиэстераза ферментийг дарангуйлснаар тромбоцитэд цАМФ хуримтлагддаг байна.

Хэрэглэх заалт:

• Зүрхний хиймэл хавхлагын мэс заслын дараа тромбоэмболи үүсэхээс сэргийлэх зорилгоор ууж хэрэглэдэг цусны бүлэгнэлтийг саатуулах (антикоагулянт) бэлдмэлтэй хамт хэрэглэнэ.
• Курантил® N25 бэлдмэлийг ацетилсалицилын хүчилтэй хамт хэрэглэх үед эмч бэлдмэлийн тунг сайтар хянах хэрэгтэй.

Хэрэглэх аргa:

• Хэрэв өөрөөр зөвлөөгүй бол дараах тунгийн зааврыг баримтална.
• Тромбоцитын агрегацийг багасгах зорилгоор дипиридамолыг хоногт 75-225мг (Курантил® N25 нимгэн бүрхүүлтэй 3-9 шахмал) тунгаар хэд хувааж хэрэглэнэ. Хүнд тохиолдолд бэлдмэлийн хоногийн тунг 600мг хүртэл ихэсгэж болно.
• Эмчилгээг тунг аажим ихэсгэх байдлаар эхлэх ба нимгэн бүрхүүлтэй шахмалыг зажилж  хугалахгүйгээр шингэнээр даруулж өлөн үедээ ууж хэрэглэнэ.
• Эмчилгээний үргэлжлэх хугацаа болон бэлдмэлийн тунг хувь хүн бүрийн хэрэгцээ болон зохимж зэргээс хамаарч тогтооно.
• Курантил® N25 бэлдмэлийг удаан хугацаагаар хэрэглэхэд тохиромжтой байдаг.

Гаж нөлөө:

Курантил® N25 бэлдмэлийг эмчилгээний тунгаар хэрэглэх үед илэрч буй гаж нөлөө нь хөнгөн явцтай түр зуурын шинжтэй байдаг.

  Хааяа

• Бөөлжих, суулгах, дотор муухайрах
• Толгой эргэх, толгой өвдөх (судасны шалтгаантай толгойн өвдөлтийг оруулаад), булчингийн өвдөлт (эдгээр гаж нөлөө ерөнхийдөө Курантил® N25 бэлдмэлийг илүүудаан хугацаагаар хэрэглэх үед арилдаг).

  Ховор

• Арьсны тууралт, чонон хөрвөс зэрэг түргэн хугацаанд түр зуур илрэх харшлын урвал
• Ганц нэг тохиолдол
• Мэс ажилбар хийлгэх үед буюу хийлгэсний дараа цус алдамтгай байдал ихсэх
• Зүрхний бах өвчний хөдлөл
• Зүрхний булчингийн шигдээс

  Давтамж тодорхойгүй

• Аюулхай орчим өвдөх
• Зүрх дэлсэх, зүрхний цохилт олшрох, зүрхний цохилт цөөрөх, нүүр улайх, титэм судасны үйлдэл завших хам шинж (хоногт 225мг-с их тунгаар хэрэглэж байгаа үед)
• Тромбоцитын тоо цөөрөх, тромбоцитын үйл ажиллагааны шинж өөрчлөгдөх, цус алдамтгай болох.
• Сульдах, хамар битүүрэх мэдрэмж төрөх,толгой шуугих,үений үрэвсэл, хамрын салст бүрхүүлийн үрэвсэл

Илэрч болох судас өргөсгөх үйлдлийн үр дүнд Курантил® N25 бэлдмэл нь өндөр тунгаараа гипотензи, халуун оргих, зүрхний цохилт олшрох (ялангуяа бусад судасны бэлдмэл хэрэглэж байгаа өвчтөнд) зэрэгт хүргэж болно.

Дипиридамол нь цөсний хүүдийн чулууны найрлаганд орж болдог болох нь тогтоогдсон.

  Илэрч болох гаж нөлөөний талаар мэдээлэх нь

• Эмийн бэлдмэлийн бүртгэгдсэний дараа илэрч болох гаж нөлөөг мэдээлэх нь маш чухал ач холбогдолтой. Энэ нь уг бэлдмэлийн эмчилгээний ашигтай үр нөлөө/ эрсдлийн харьцааг үргэлжлүүлэн ажиглах боломж олгодог. Эрүүл мэндийн системийн ажилтан  ямар нэгэн илэрч болох гаж нөлөөний талаар мэдээлэх хэрэгтэй.

Цээрлэлт:

• Зүрхний булчингийн шигдээсээр өвдөөд удаагүй байгаа өвчтөн
• Тогтворгүй зүрхний бах
• Титэм судасны тархмал нарийсалт хатуурал
• Субаорталь нарийсал
• Ээнэгшилгүй зүрхний дутагдал
• Артерийн гипотензи, коллапс
• Зүрхний хүнд хэлбэрийн хэмнэл алдагдал
• Цусархаг эмзэгшил
• Цус алдамтгай өвчин (ходоод ба 12 хуруу гэдэсний шархлаат өвчин ба бусад)
• Бэлдмэлийн найрлага дахь бүрэлдэхүүн хэсгүүдэд хэт мэдрэг хүмүүс
• Бэлдмэлийн найрлага дахь туслах бодисуудтай үл нийцэл үүсгэж болзошгүй ховор тохиолдох удамшлын өвчин.
• 18 хүртэл насны хүүхэд болон өсвөр насныхан
• Хөхүүл үе

Эмийн харилцан үйлчлэл:

• Ксантины уламжлал нь (жишээ нь кофе ба цайнд агуулагддаг) Курантил® N25 бэлдмэлийн судас өргөсгөх үйлдлийг сулруулж болно.
• Курантил® N25 бэлдмэл ба цусны бүлэгнэлтийг саатуулах бэлдмэлийг (ацетилсалицилын хүчил, клопидогрел) хамт хэрэглэхдээ сүүлийн бэлдмэлийн тромбозын эсрэг үйлдэл ихсэж болохыг анхаарах хэрэгтэй. Хэрэв Курантил® N25 бэлдмэлийг цусны бүлэгнэлтийг саатуулах бэлдмэл буюу ацетилсалицилын хүчилтэй хамт хэрэглэж байгаа бол уг бэлдмэлүүдийн үл нийцэл болон эрсдлийн талаарх мэдээллийг анхаарах хэрэгтэй.
• Дипиридамол нь цусны даралт буурулах эмийн үйлдлийг хүчжүүлж болно.
• Дипиридамол нь холинэстеразын эсрэг эмийн холинидэвхт үйлдлийг сулруулж болно.
• Ходоодны хүчил саармагжуулагч бэлдмэл нь Курантил® N25 бэлдмэлийн үйлдлийг сулруулж болно.
• Дипиридамол нь цусны сийвэн дэх аденозины концентраци болон түүний зүрх судсанд үзүүлэх нөлөөг ихэсгэж болно. Хэрэв дипиридамолтой хамт хэрэглэх зайлшгүй шаардлага байгаа бол аденозины тунг зохицуулна.
• Дипиридамол нь түүнчлэн флударабины шимэгдэлтийг дарангуйлж үйлдлийг нь багасгаж болно. Дипиридамол дигоксины шимэгдэлтийг бага зэрэг ихэсгэж болно.

Онцгой анхааруулга!

  Жирэмсэн үе

• Курантил® N25 бэлдмэлийн жирэмсэн үед хэрэглэх үеийн аюулгүй байдал нь тогтоогдоогүй тул бэлдмэлийн өвчтөнд үзүүлэх эмчилгээний ашигтай үйлдэл нь урагт үзүүлэх эрсдлээс илүү шаардлагатай байгаагаас бусад тохиолдолд түүнийг жирэмсэн үед, ялангуяа жирэмсний эхний 3 сард хэрэглэж болохгүй.

Бэлдмэлийн 1 шахмалд 28,5мг лактозын моногидрат агуулагддаг тул Курантил® N25 бэлдмэлийг галактоз зохидоггүй хүмүүс, Лапп-лактазын дутагдал, глюкоз-галактозын  шимэгдэлтийн алдагдлын хам шинж зэрэг ховор тохиолдох удамшлын өвчтэй хүмүүст хэрэглэхийг зөвлөхгүй.

  Тээврийн хэрэгсэл жодоодох болон машин механизмтай ажиллах чадварт бэлдмэлийн үзүүлэх нөлөө

• Курантил® N25 бэлдмэлийг зохистой хэрэглэсэн ч тээврийн хэрэгсэл жолоодох болон машин механизмтай ажиллах чадварт шууд бусаар нөлөөлж болно. Учир нь цусны даралт хэт багассаны дүнд урвалын өөрчлөлт илэрч болдог.

Тун хэтэрсний улмаас илрэх нөлөө:

• Шинж тэмдэг: цусны судасны ерөнхий өргөсөлтэй гипотони, зүрхний бахын үндсэн зовиур, зүрхний цохилт олшрох, халуун оргих,  сульдах, толгой эргэх, тайван бус болох зэрэг шинж дагалдаж илэрнэ.
• Эмчилгээ: ууж хордсон үед шинж тэмдгийн эмчилгээ хийнэ.
• Хорыг гадагшлуулна. (ходоод угаана, бөөлжилт үүсгэнэ)

  Шимэгдэлтийг багасгах арга хэмжээ авна.

• Курантил® N25 бэлдмэлийн сунжирсан үйлдлийг аминофиллиныг судсанд аажим тарьснаар (60 секундын турш 50-100мг) арилгаж болно. Хэрэв үүний дараа зүрхний бахтой холбоотой шинж хадгалагдаж байвал нитроглицерин хэлэн доор тавьж хэрэглэнэ.

Хадгалалт:

• 25°С-аас доош хэмд хадгална.
• Хүүхэд үзэж хүрэхээргүй газар хадгална.
• Савлалтан дээрх хүчинтэй хугацаа дууссанаас хойш бэлдмэлийг хэрэглэхгүй.

Эмийн сангаас олгох нөхцөл:

• Жороор олгоно. Эмчийн зааврын дагуу хэрэглэнэ.

Эмийн хуудасруу энд дарж ороорой.