Найрлага:

Зөгийн бал болон нимбэгний амттай шимж хэрэглэхэд зориулсан Анзибелын шахмал бүрд:

Үйлчлэгч бодис: Хлоргексидины гидрохлорид 5мг, бензокайн 4мг, эноксолон 3мг; амт оруулагч лимон болон зөгийн бал, чихэрлэг амт оруулагч калийн ацесульфам, сорбитол тус тус агуулагдана.

Фармакологийн үйлдэл:

Фармакодинамик:

Зөгийн бал болон нимбэгний амттай шимж хэрэглэхэд зориулсан Анзибелын шахмал нь ам залгиурын хэсэгт хэсэг газрын цочрол хэлбэрээр илрэх үндсэн зовиур шинжээс сэргийлнэ. Учир нь хлоргексидин нь үжилгүйжүүлэх, эноксолон нь хацар хоолойн салст бүрхүүлд үрэвслийн эсрэг, бензокаин нь хэсгийг мэдээгүйжүүлэх үйлдэл үзүүлдэг.

Фармакокинетик:

Бензокаин нь хэсгийг мэдээгүйжүүлэх ихэнх эмийн адилаар гэмтсэн арьс болон салст бүрхүүлээр түргэн шимэгдэнэ.
Бензокаин нь хэсгийг мэдээгүйжүүлэх эм бөгөөд химийн бүтцээр нийлмэл эфир. Нийлмэл эфирийн хэсгийг мэдээгүйжүүлэх бэлдмэл нь эстераза ферментийн нөлөөгөөр үндсэндээ цусны сийвэнд, бага хэмжээгээр элгэнд задардаг.
Нийлмэл эфирийн хэсгийг мэдээгүйжүүлэх ихэнх эм цусны сийвэнгийн уурагтай бага хэмжээгээр холбогддог.
Хлоргексидин нь катион идэвхт гаралтай учир арьс, салст бүрхүүл бусад эдтэй нягт холбогддог. Иймээс муу шимэгддэг. Хлоргексидиныг ууж хэрэглэсний дараа түүний концентраци цусны сийвэнд илэрдэггүй.
Эноксолон нь 11β-гидроксистероид дегидрогеназа ферментийг дарангуйлагч бөгөөд уг фермент нь кортизолын идэвхийг дарангуйлдаг фермент юм. Амьтанд гидрокортизонтой хамт хэрэглэж судалгаа хийхэд арьсан дахь гидрокортизоны идэвхийг нэмэгдүүлдэг болох нь тогтоогдсон.

Хэрэглэх заалт:

Зөгийн бал болон нимбэгний амттай шимж хэрэглэхэд зориулсан Анзибелын шахмал нь дунд зэргийн халдварын үед хэсэг газрын, ам залгиурын үрэвсэлт байдлын шинж тэмдгийг түр зуур хөнгөвчлөх үйлдэл үзүүлнэ.

Цээрлэлт:

Анзибелыг бэлдмэлийн найрлага дахь бүрэлдэхүүн хэсэгт болон хэсгийг мэдээгүйжүүлэх үйлдэлтэй нийлмэл эфирийн уламжлалын эмэнд хэт мэдрэг хүмүүст хэрэглэхийг цээрлэнэ. Мөн фенилкетонуритай өвчтөнд хэрэглэхгүй.

Болгоомжлол ба авах арга хэмжээ

Тамирчдын хэрэглээ:

Бэлдмэл бензокаин агуулдаг учир сэргээшийн хяналтын үед эерэг үр дүнгийн шалтгаан болж болохыг анхаарах шаардлагатай.

Бэлдмэлийн найрлага дахь туслах бодистой холбоотой болгоомжлол:

Анзибелын шимж хэрэглэхэд зориулсан шахмал бүрд чихэрлэг амт оруулагч сорбитол агуулагддаг. Сорбитол нь ходоодыг цочроох ба суулгалт үүсгэж болно.
Анзибелын шахмалыг удамшлын шалтгаантай фруктоз зохидоггүй хүмүүст хэрэглэхгүй.
Түүнчлэн бэлдмэл чихэрлэг амт оруулагч калийн ацесульфам агуулдаг учир калийн шимэгдэлт хангалтгүй өвчтөнд бэлдмэлийг хэрэглэх нь эрсдэлтэй. Ийм өвчтөнд бэлдмэлийг ууж хэрэглэсний дараа цусан дахь калийн хэмжээ ихсэж ходоод цочрох ба суулгах шинжийн шалтгаан болж болно.
Бэлдмэлийг хэрэглэхийн өмнө хэрэглэх заавартай сайтар танилцана. Бусад бэлдмэлийг хэрэглэх үед энэ тухай эмч болон эм зүйч мэдэх шаардлагатай.

Гаж нөлөө:

Ховор тохиолдолд тархмал харшлын урвал ба хоол боловсруулах замын хямрал илэрнэ. Бэлдмэлийг удаан хугацаагаар хэрэглэх буюу эсвэл тун хэтрэх үед хавагнах, артерийн даралт ихсэх шинж илэрч болно.
Ялангуяа шүдний хатуу өнгөртэй (бактери, эпители эсийн үлдэгдэл, шүлсний полимерээс тогтсон масс шүдний гадаргууд бэхлэгдэх) өвчтөнд шүдний өнгө өөрчлөгдөж болно.
Ховор тохиолдолд амтлах мэдрэхүй өөрчлөгдөх ба эмчилгээг үргэлжлүүлэх үед аажим арилна.
Гаж нөлөө илэрвэл эмчдээ мэдэгдэж зөвлөгөө авах шаардлагатай.

Эмийн харилцан үйлчлэл:

Мэдээлэл байдаггүй.

Хэрэглэх арга, тун:

Зөгийн бал болон нимбэгний амттай шимж хэрэглэхэд зориулсан Анзибелын шахмалыг ам залгиурын хэсэгт хэрэглэнэ.

Насанд хүрэгсэд ба 12-оос дээш насны хүүхдэд:

1 шахмалыг аажим шимнэ. Хоногийн дээд тун нь 8 шахмал бөгөөд 2-3 цагийн зайтай хэрэглэнэ.

6-12 насны хүүхдэд:

1 шахмалыг аажим шимнэ. Хоногийн дээд тун нь 6 шахмал бөгөөд 4-5 цагийн зайтай хэрэглэнэ.
Шимж хэрэглэдэг шахмалыг зажилж болон залгиж хэрэглэхгүй. Шахмалыг амны хөндийд аажим шимэх шаардлагатай. Шахмалыг зажилж болон залгиж болохгүй. Учир нь Анзибел шахмал нь ам залгиурын үрэвсэл бүхий хэсэгтэй шууд хүрэлцсэнээр удаан хугацаагаар эмчилгээний эерэг нөлөө үзүүлнэ.

Жирэмсэн болон хөхүүл үеийн хэрэглээ:

Зөгийн бал болон нимбэгний амттай шимж хэрэглэхэд зориулсан Анзибелын шахмалыг жирэмсэн болон хөхүүл үед хэрэглэсэн хангалттай судалгаа мэдээлэл байдаггүй.