Худалдааны нэр:

Трахисан

Эмийн хэлбэр:

Хүлхдэг шахмал

Найрлага:

Нэг шахмалд тиротрицин 0,5мг, лидокайн гидрохлорид 1 мг, хлоргексидин диглюконат 1 мг зэрэг идэвхтэй бодис, сорбитол (Е 420), магнийн стеарат, гааны тос зэрэг туслах бодис тус тус агуулагдана.

Эмийн эмчилгээний бүлэг:

Хоолойн өвчнийг эмчлэх эмийн бэлдмэл

Хэрэглэх заалт:

Стоматит, гингивит, пародонтит, глоссит, тонзиллит, фарингит зэрэг амны хөндийн болон залгиурын нянгийн гаралтай үрэвсэлт өвчин мөн залгиурын үйл ажиллагааны алдагдалд хүргэх эмгэгүүдийн үед хэрэглэнэ. Амны хөндий болон залгиурын хэсэгт хийгдэх мэс ажилбарын (шүд авах, хоолойны мах авах) өмнө халдвараас урьдчилан сэргийлэх зорилгоор хэрэглэнэ.

Хориглох заалт:

Фруктозаг шингээх чадваргүй бол бэлдмэлийг хэрэглэж болохгүй. Эмийн бэлдмэлийн найрлаганд орсон бодисын аль нэгэнд хэт мэдрэг бол хэрэглэж болохгүй.

Бусад эмийн бэлдмэлтэй харилцан үйлчлэл:

Бусад төрлийн эмийн бэлдмэлтэй харилцан үйлчлэл одоог хүртэл тогтоогдоогүй байна.

Хэрэглэхэд онцгой анхаарах, болгоомжлох зүйлс:

Эмийн бэлдмэлийг заавал хүлхэх шаардлагатай байдаг учраас 4-өөс доош насны хүүхдэд хэрэглэхийг зөвлөдөггүй. Трахисаныг жирэмсэн болон хөхүүл үед хэрэглэх болвол бусад бүх төрлийн эмийн бэлдмэлүүдийн нэгэн адил эмчээс заавал урьдчилан зөвлөгөө авсаны дараагаар хэрэглэнэ.

Хэрэглэх арга, тун:

2 цаг тутамд 1 шахмалыг амандаа хүлхэж хэрэглэнэ. Насанд хүрэгсэд болон 12-оос дээш настай хүүхдийн хоногийн тун нь 8 шахмал, 4-12 насны хүүхдийн хоногийн тун нь 6 шахмал байна.
Ихэвчлэн эмийн бэлдмэлийг хэрэглэснээс хойш хэд хоногийн дараа өвчний шинж тэмдэг арилах бөгөөд тогтвортой эмчилгээний үр нөлөөнд хүрэхийн тулд эмчилгээг дахин 2-3 хоног үргэлжлүүлэхийг зөвлөдөг.
Хэрэв эмийн бэлдмэлийг 5 хоног хэрэглээд өвчтөний биеийн байдал төдийлөн сайжрахгүй бол заавал эмчид хандах хэрэгтэй.

Гаж нөлөө:

Трахисан нь ерөнхийдөө зохимж сайтай байдаг. Түр зуур амтлах чадвар өөрчлөгдөх, хэл дарвигнах шинжүүд илэрч болно.
Удаан хугацааагаар эмийн бэлдмэлийг хэрэглэсэн үед цөөн тохиолдолд шүдний өнгө, шүдний ломбо, хиймэл шүдний эсвэл хэлний өнгө бага зэрэг шарлах, цайвар хүрэн өнгөтэй болж болох бөгөөд энэ тохиолдолд амны хөндийн ариун цэврийн чанд баримтлах хэрэгтэй байдаг. Эмийн бэлдмэлийг хэрэглэхийг больсон тохиолдолд уг өнгөний өөрчлөлтүүд аяндаа өөрөө арилна.