Олон улсын нэршил:

• Панкреатин

Найрлага: 

  1 капсулд үйлчлэгч бодис:

• Липаза 10000ЕД
• Амилаза 7200ЕД
• Протеаза 400ЕД ферментийн идэвх бүхий гахайн панкреатин агуулагдана.

  Туслах бодис:метакрилын хүчил – этакрилатын сополимер (1:1), триэтилцитрат, тальк, симетикон.

Эмийн эмчилгээний бүлэг:

• Хоол боловсруулах ферментийн бэлдмэл.

Фармакологийн үйлдэл:

  Фармакодинамик:

• Панзинорм 10000 бэлдмэл нь нойр булчирхайн гадаад шүүрлийн үйл ажиллагааны дутагдлыг нөхөж хоол боловсруулалтыг түргэсгэх бөгөөд хоол боловсруулалтын алдагдлын улмаас илрэх эмнэлзүйн шинжийг арилгана. Үйлчлэгч ферментүүд нь нарийн гэдсэнд чөлөөлөгдөж шууд үйлдлээ үзүүлдэг.
• Нойр булчирхайн гадаад шүүрлийн дутагдлын улмаас үүссэн хоол боловсруулах үйл ажиллагааны алдагдлын эмчилгээний үед хамгийн чухал нь липазын өндөр идэвх юм. Липаза нь өөх тосыг өөхний хүчил ба глицерин болтол задалж тэдгээрийн болон тосонд уусдаг витамины шимэгдэлтийг нөхцөлдүүлдэг.
• Амилаза нь нүүрс усыг декстрин ба сахар болтол, протеаза нь уургийг тус тус задална. Панзинорм 10000 нь хоолны найрлага дахь бүх үндсэн бүрэлдэхүүний шимэгдэлтийг бүрэн нөхцөлдүүлж хооллолтыг сайжруулна.
• Бэлдмэл стеатореи (тослог ихтэй өтгөн) ба хоол боловсруулалтын алдагдлын бусад шинжийг багасгаж арилгадаг.
• Панкреатин нь нойр булчирхайн архаг үрэвслийн үед өвдөлтийн хүчийг багасгадаг. Уг үйлдэл нь нойр булчирхайн өөрийх нь ферментийг дарангуйлах протеазын үйлчлэлээр нөхцөлдөнө.

  Фармакокинетик:

• Нойр булчирхайн фермент нь хоол боловсрох ба шингэх явцыг нөхцөлдүүлдэг жинхэнэ бодис. Бэлдмэлийн бүрээсд агуулагдах үрлийн нимгэн бүрхүүл нь үйлчлэгч ферментийг ходоодны хүчиллэг орчны үйлчлэлээс хамгаалах бөгөөд фермент нь үрлээс нарийн гэдсэнд чөлөөлөгддөг. Нойр булчирхайн фермент бүх уургийн нэгэн адилаар үндсэндээ аутолиз ба протеолизийн дүнд гэдсэнд задарч идэвхгүйжнэ.
• Бэлдмэлийн багахан хэсэг нь өтгөнтэй гадагшилдаг.

Хэрэглэх заалт:

• Бэлдмэлийг дараах эмгэгийн үед хэрэглэнэ.
• Нойр булчирхайн гадаад шүүрлийн дутагдал (нойр булчирхайн архаг үрэвсэл, муковисцидоз)
• Ходоод ба гэдэс, элэг, цөсний хүүдийн архаг үрэвсэлт сөнөрөлт өвчин; хоол боловсруулах үйл ажиллагаа алдагдах, гэдэс дүүрэх, суулгах шинж бүхий дээрх эрхтний хагалгааны (тайрах) буюу туяа эмчилгээний дараа (хавсарсан эмчилгээнд)
• Хоол боловсруулах замын үйл ажиллагаа хэвийн хүмүүсийн хооллолтын алдагдлын үед хоол боловсруулалтыг сайжруулах зорилгоор хэрэглэнэ.

Хэрэглэх арга, тун:

• Бүрээсийг зажлалгүйгээр бүтнээр нь хангалттай хэмжээний шингэнээр даруулж залгиж ууна. Тунг өвчтөн бүрт тохируулж сонгоно. Эмчилгээг бага тунгаас эхэлнэ. Бүрээсийг 1-2 ширхгээр өдөрт 3 удаа үндсэн хоолны үед хэрэглэнэ.  Мөн хөнгөн хоолны үед ч хэрэглэж болно.
• Хэрэв хэрэглэж буй тун нь хоол боловсруулалтын алдагдлыг арилгаж чадахгүй байвал тунг аажим нэмж болно.
• Ялангуяа муковисцидозтой өвчтөнд эмчилгээний бага тунгаар хэрэглэнэ.
• Мөн хүүхдэд ердийн эмчилгээний бага тунгаар хэрэглэнэ.

Гаж нөлөө:

• Бэлдмэлийг хэрэглэх үед гаж нөлөө ховор тохиолддог бөгөөд хэрэв гаж нөлөө илэрвэл эмчилгээг зогсооно.

  Дархлалын системийн зүгээс:

• Харшлын урвал (ялангуяа арьсны тууралт, загатнаа, түүнчлэн амьсгалын замын бөглөрөл) ажиглагдаж болно.
• Хоол боловсруулах замын зүгээс: Ялангуяа бэлдмэлийг өндөр тунгаар хэрэглэж байгаа үед дотор муухайрах, бөөлжих, хэвлийгээр өвдөх, өтгөн хатах ба суулгах, ам ба хошного орчмын арьс цочрох зэрэг шинж илэрнэ.
• Муковисцидозтой өвчтөнд нойр булчирхайн ферментийн бэлдмэлийг өндөр тунгаар (липазыг хоногт 10000ЕД/кг-с их тунгаар хэрэглэх) хэрэглэх үед ховор тохиолдолд нарийн бүдүүн гэдэсний уулзвар орчим ба бүдүүн гэдэсний өгсөх хэсэгт нарийсал үүсэж (бүдүүн гэдэсний хатууралт эмгэг) болзошгүй. Хэвлий дүүрэх, өвдөлт илрэх буюу хүчижвэл бүдүүн гэдэсний хатууралт эмгэгийг үгүйсгэнэ.
• Бусад: Цус ба шээсэн дэх шээсний хүчлийн хэмжээ ихсэх, фолийн хүчлийн дутагдал.

Цээрлэлт:

• Бэлдмэлийг дараах тохиолдолд хэрэглэхийг цээрлэнэ.
• Бэлдмэлийн найрлага дахь бүрэлдэхүүн хэсгүүд болон гахайн уурагт хэт мэдрэг өвчтөн
• Нойр булчирхайн цочмог үрэвсэл, нойр булчирхайн архаг үрэвслийн хурцдал
• Муковисцидозтой 15 хүртлэх насны хүүхэд

Болгоомжлол ба онцгой анхааруулга!

• Хэрэв панзинорм 10000 бэлдмэлийг хэрэглэх үед гэдэсний түгжрэлийн шинж илэрвэл бүдүүн гэдэсний хатууралт эмгэгийг үгүйсгэх шаардлагатай.
• Хүүхдэд хэрэглэхэд аюулгүй эсэх нь тогтоогдоогүй.

Жирэмсэн ба хөхүүл үеийн хэрэглээ:

• Жирэмсэн болон хөхүүл үед панкреатиныг хэрэглэхэд аюулгүй эсэх нь тогтоогдоогүй. Нойр булчирхайн фермент нь хоол боловсруулах замаар шимэгдэхгүй. Жирэмсэн ба хөхүүл эмэгтэй зөвхөн эмчийн заавраар хэрэглэж болно.
• Автомашин жолоодох ба машин механизмтай ажиллах чадварт бэлдмэлийн үзүүлэх нөлөө:
• Автомашин жолоодох ба машин механизмтай ажиллах чадварт нөлөөлдөг эсэх нь тогтоогдоогүй.

Эмийн харилцан үйлчлэл:

• Нойр булчирхайн фермент нь фолийн хүчлийн шимэгдэлтийг дарангуйлна.
• Адил үйлдэлтэй бусад бэлдмэлтэй (бикарбонат, циметидин) хамт хэрэглэх буюу панкреатиныг өндөр тунгаар удаан хугацаагаар хэрэглэж байгаа үед цусан дахь фолатын хэмжээг хянах буюу фолийн хүчил нэмж өгнө.
• Панкреатин нь акарбоза ба миглитолын үйлдлийг сулруулж болно.
• Хүчилд тэсвэртэй панзинорм 10000 бүрээсд агуулагдах үрэл нь дээрх гэдсэнд задардаг. Хэрэв дээрх гэдэсний орчин хэт хүчиллэг байвал ферментүүд нь цагтаа чөлөөлөгдөхгүй байж болно. Ходоодны давсны хүчлийн шүүрлийг багасгах бэлдмэл (гимтамины Н2 рецепторыг хориглогч болон протоны шахуургыг дарангуйлагч) хамт хэрэглэж байгаа тохиолдолд  зарим өвчтөний панзинорм 10000 бэлдмэлийн тунг багасгаж болно.
• Панкреатин төмрийн шимэгдэлтийг багасгадаг боловч энэ харилцан үйлчлэлийн эмнэлзүйн ач холбогдол тогтоогдоогүй.

  Тун хэтэрсний улмаас илрэх нөлөө:

• Шинж тэмдэг: Дотор муухайрах, бөөлжих, суулгах, цус ба шээсэнд шээсний хүчлийн хэмжээ ихсэх, хошного орчмын арьс цочрох, муковисцидозтой өвчтөнд ховор тохиолдолд бүдүүн гэдэсний хатууралт эмгэг илэрнэ.

  Эмчилгээ:

• эмчилгээг зогсоож шингэн хэрэглэж, шинэ тэмдгийн эмчилгээ хийнэ.

Хадгалалт:

• 30°С-ээс ихгүй хэмийн хуурай, хүүхэд хүрэхээргүй орчинд хадгална.

Эмийн сангаас олгох нөхцөл:

• Эмчийн заавар зөвлөгөөний дагуу хэрэглэнэ.
• Жоргүй олгоно.

Эмийн хуудасруу энд дарж ороорой.