Олон улсын нэршил:

• Толперизон (Tolperisone)

Мидокалм  аль  бүлгийн эм бэ? Түүнийг ямар үед хэрэглэх вэ?

• Мидокалм бэлдмэлийн найрлаганд толперизон гэдэг үйлчлэгч бодис орно. Толперизон нь төв мэдрэлийн тогтолцоонд нөлөөлдөг бэлдмэл. Түүнийг булчингийн тонус ихэссэн, булчин чангарсан болон захын мөчдийн цусан хангамж алдагдсан тохиолдолд хэрэглэнэ.

Эмийг эхлэхийн өмнө юуг мэдэх шаардлагатай вэ?

Хориглох заалт:

• Үйлчлэгч бодис болох толперизон гидрохлорид мөн химийн төст бодис болох - эперизон болон уг бэлдмэлийн найрлаганд орсон ямар нэг бодист харшилтай эсвэл хэт мэдрэг байх
• Миастени (булчингийн сулралтай холбоотой дархлааны эмгэг)
• Хөхүүл эх

Тусгай анхааруулга болон авах арга хэмжээ:

  Хэт мэдрэгшилтийн  урвал:

• Уг бэлдмэлийг хэрэглэх явцад хэт мэдрэгшилтийн урвал илэрсэн тохиолдол мэдээлэгдсэн. Хөнгөн хэлбэрийн арьсны тууралтаас эхлэн хүнд хэлбэрийн харшлын урвал болох анафилаксийн шокоор илэрсэн.
• Эмэгтэй, хижээл настан болон үрэвслийн эсрэг стероид бус бэлдмэл хэрэглэж байгаа эмэгтэйчүүд уг бэлдмэлд харшлах өндөр эрсдэлтэйг анхаар. Энэ эрсдэлт бүлэгт асуумжинд эмийн харшилтай, харшлын эмгэг (харшлын ринит, астма, ийлдсэнд IgE-ийн агууламж өндөртэй атопик дерматиттэй өвчтөн, чонон хөрвөс) болон уг бэлдмэлээр эмчлэх үед вирүсийн халдвар хавсарсан өвчтөн ордог.
• Хэт мэдрэг урвалын эхний шинжид: арьс улайх, туурал гарах, арьс загатгаж хавагнах, амьсгаадах, амьсгал авахад саадтай болох нүүр, уруул, хэл болон төвөнх хавагнах/хавангүй ч байж болно. Юм залгахад саадтай болох, зүрх дэлсэх, артерийн даралт буурах, цусны даралт огцом буурах шинжээр илэрнэ.
• Дээрх шинж тэмдэг таньд байвал эмийн эмчилгээг яаралтай зогсоож эмчлэгч эмчид үзүүлэх шаардлагатай.
• Толперизонд харшилсан тохиолдолд цаашид өвчтөн хэрэглэхгүй байхыг анхаар.
• Хэрэв өвчтөн лидокаинд хэт хүчтэй харшилдаг бол толперизонд харшлах эрсдэлд бүлэгт орохыг анхаар. Иймд эмийн эмчилгээг эхлэхээс өмнө эмчлэгч эмчтэйгээ зөвшөлцөх шаардлагатайг анхаар.

  Хүүхэд болон өсвөр үе

• Хүүхдэд бэлдмэлийн аюулгүй болон үр дүнгийн судалгаа хязгаарлагдмал.

  Бусад бэлдмэлийг хэрэглэдэг бол

• Хэрэв та ямар нэгэн жортой болон жоргүй олгодог бэлдмэлийг хэрэглэж байгаа эсвэл саяхан хэрэглэсэн бол энэ тухайгаа эмчлэгч эмч болон эмзүйчид хэлэх хэрэгтэй.
• Фармакокинетикийн харилцан нөлөөллөөс үзэхэд толперизоныг тиоридазон, толтеродин, венлафаксин, атомоксетин, дезипрамин, декстрометорфан, метопролол, небивалол болон перфеназин зэрэг бэлдмэлтэй хэрэглэхэд эдгээр эмийн цусанд агуулагдах хэмжээг ихэсгэдэг.
• Толперизон нь ТМТ-нд нөлөөлдөг бүлгийн бэлдмэл боловч түүний тайвшруулах үйлдэл маш бага. Толперизоныг бусад бүлгийн төвийн гаралтай миорелаксанттай хамт хэрэглэх үед түүний эмчилгээний тунг багасгах шаардлагатай.
• Мидокалм нь нифлумын хүчлийн үйлдлийг илэрхий ихэсгэдэг тул хамт хэрэглэх тохиолдолд нифлумын хүчил эсвэл стероид бус үрэвслийн эсрэг бэлдмэлийн тунг багасгах шаардлагатай.
• Мидокалмыг хоол ундтай хамт хэрэглэх
• Толперизоныг өлөн элгэн дээр уухыг зөвлөдөггүй, учир нь хоол унд багассанаар толперизоны биохүрэхүйг бууруулдаг.
• Өөх тос ихээр агуулсан хоолтой хамт хэрэглэхэд Толперизоны биохүрэхүй 100% хүрч цусанд агуулагдах плазмын дээд хэмжээг өлөн элгэн дээр хэрэглэсэн хэмжээтэй харьцуулахад 45%-иар ихэсч мөн цусанд дээд хэмжээнд хүрэх хугацаа 30 минутаар уртасдаг.

  Жирэмсэн болон хөхүүл эхийн хэрэглээ

• Ямар нэгэн бэлдмэл хэрэглэхийн өмнө эмчлэгч эмч болон эмзүйчээс зөвлөгөө авах шаардлагатай.
• Хэрэв та жирэмсэн эсвэл жирэмслэх төлөвлөгөөтэй байвал энэ тухайгаа эмчлэгч эмчид хэлэх шаардлагатай.
• Мидокалм нь хүүхдэд сөрөг нөлөө үзүүлдэггүй нь батлагдаагүй тул жирэмсний эхний гурван сард гарах үр дүнг эрсдэлтэй хамт тооцсоны үндсэн дээр хэрэглэх эсэхийг шийднэ.
• Хөхүүл эх Мидокалмыг хэрэглэхгүй.

  Автотээврийн хэрэгсэл болон бусад техниктэй харьцах чадварт нөлөөлөх байдал

• Мидокалм нь автотээвэр болон хүнд механизмтай ажиллах чадварт нөлөөлдөггүй.
• Бэлдмэлийг хэрэглэх явцад толгой эргэх, нойрмоглох, анхаарал буурах, таталт, хараа болон булчин сулрах зэрэг зовиур илэрвэл эмчлэгч эмчид хандах шаардлагатай.

  Бэлдмэлийн найрлаганд агуулагдаж байгаа мэдээллийн тухай

• Мидокалм 50мг хальсан бүрхүүлтэй шахмалын туслах бодист лактоз (48,892мг шахмал бүрд) болон титаны диоксид (E 171) агуулдаг.
• Мидокалм 150мг хальсан бүрхүүлтэй шахмалын туслах бодист лактоз (146,285мг шахмал бүрд) болон титаны диоксид (E 171) агуулдаг.
• Хэрэв таньд галактозыг тэсвэрлэдэггүй болон Лаппа лактазын дутагдалтай эсвэл глюкоз-галактозын мальабсорбцтой бол Мидокалмыг хэрэглэхийг хориглоно.

Мидокалмийг яаж хэрэглэх вэ?

• Эмчлэгч эмчийн зөвлөсний дагуу Мидокалмыг зааврын дагуу хэрэглэнэ. Хэрэв таньд лавлах зүйл гарвал эмч болон эмзүйчээс асуух зүйлээ тодруулаарай.
• Шахмалыг хоолны дараа тодорхой хэмжээний усаар даруулж ууна.

  Ердийн эмчилгээний зарчим

• Мидокалм 50мг шахмалыг 1-3 шахмалаар өдөрт 3 удаа уух
• Мидокалм 150мг шахмалыг өдөрт 3 удаа ууна.

  Хүүхдэд эмчийн зааврын дагуу хэрэглэнэ. Үүнд:

• Эмийн бэлдмэлийг 30кг болон түүнээс дээш жинтэй хүүхдэд (10-аас дээш насны хүүхдэд) хоногийн тун 2-4мг/кг-д тооцон, тунг тунг 3 хувааж хэрэглэнэ.
• Хүүхдэд өгөх хоногийн тун бага учир Мидокалм 50мг бүрхүүлтэй шахмалыг зөвлөдөг. Учир нь уг бэлдмэлийг хуваадаггүй учир 30кг болон түүнээс дээш жинтэй хүүхдэд хэрэглэхээр зориулагдсан болно.

  Бөөрний үйл ажиллагааны алдагдалтай өвчтөн

• Мидокалм эмийн эмчилгээний явцад илрэх гаж нөлөөний давтамж өндөр байхын зэрэгцээ бөөрний үйл ажиллагаа болон өвчтөний ерөнхий байдлыг хянах шаардлагатай.
• Толперизоныг хүнд хэлбэрийн бөөрний үйл ажиллагаа алдагдсан өвчтөнг хэрэглэхгүй.

  Элэгний үйл ажиллагааны алдагдалтай өвчтөн

• Мидокалм эмийн эмчилгээний явцад илрэх гаж нөлөөний давтамж өндөр байхын зэрэгцээ элэгний үйл ажиллагаа болон өвчтөний ерөнхий байдлыг хянах шаардлагатай.
• Толперизоныг хүнд хэлбэрийн элэгний үйл ажиллагаа алдагдсан өвчтөнг хэрэглэхгүй.

  Эмийн тунг хэтрүүлэн хэрэглэсэн тохиолдолд

• Хэрэв та уувал хэмжээнээс илүү тунгаар Мидокалмыг хэрэглэсэн тохиолдолд эмчлэгч эмч, эмзүйчид хандах эсвэл түргэн тусламж дуудах шаардлагатай.

  Хэрэв та уух эмийн тунг мартсан тохиолдолд

• Хэрэв та уух зохих тунг мартсан тохиолдолд мартсан тунг нөхөх зорилгоор эмийг давхарлаж уухыг хориглоно. Учир нь эмийн тунг хэтрүүлэн хэрэглэснээр та өөрийгөө хордуулах эрсдэлд өртөнө.

  Хэрэв та Мидокалм эмийн хэрэглээг зогсоох тохиолдолд

• Эмийн эмчилгээний үйлдэл нь таньд хэт их эсвэл хэт бага байгаа мэт санагдаж байгаа үед эмчлэгч эмчид хандах ёстой.

Гаж нөлөө:

• Бусад эмийн нэгэн адил Мидокалмыг хэрэглэх явцад гаж нөлөө илэрдэг боловч бүх хүнд илэрдэггүй. Эдгээр гаж нөлөө нь ерөнхийдөө бүдэг илэрдэг бөгөөд эмийн эмчилгээг зогсооход арилдаг.
• Толперизон агуулсан эмийн бэлдмэлийн аюулгүйн байдлын судалгааг 12,000 өвчтөнг хамарсан өргөн хүрээний судалгаа нотлоно. Нотлогдсон үзүүлэлтээс харахад ихэвчлэн арьс, халиман давхаргын солилцоо, ерөнхий болон ходоод гэдэсний хямрал зэрэг гаж нөлөө илэрсэн.
• Бүртгэлийн дараах үед, толперизон хэрэглэсэн өвчтөнд илэрсэн гаж нөлөөний нийт мэдээллийн 50-60%-ийг хэт мэдрэг урвал эзэлсэн. Ихэнх гаж нөлөө нь ноцтой бус шинжтэй байсан.  Амь насанд аюултай мэдээлэл бага байв.

  Байнгын бус

• Доод тал нь 100 өвчтөний нэг нь, дээд тал нь 1000 өвчтөнөөс нэг нь өртдөг.

  Ховор

• Доод тал нь 1000 өвчтөний нэг нь, дээд тал нь 10000 өвчтөнөөс нэг нь өртдөг.

  Цөөн

• Доод тал нь 10000 өвчтөний нэг нь, ганц нэг тохиолдол бүртгэгдсэн.

  Байнга биш гаж нөлөөнд:

• Хоолны дуршил буурах, нойргүйдэл, толгой өвдөх, толгой эргэх, нойрмоглох, артерийн даралт буурах гипотензи, хэвлий орчмоор эвгүй болох, ам хатах, диспепси, дотор муухайрах, булчин өвдөх, үе мөчөөр өвдөх, амархан ядрах, бие сулрах шинж багтана.

  Ховор гаж нөлөөнд:

• Харшлын урвал, хэт мэдрэгшилт, идэвх буурах, депресс, анхаарал өөрчлөгдөх, салганах, эпилепси, мэдрэг чанар буурах, парестези, эмгэг эмгэгээр хэт унтах, хараа бүүдийх, толгой эргэх, чих шуугих, зүрхний бах, зүрхний цохилтын тоо олшрох, тахикарди, зүрх дэлсэх, цусны даралт буурах, эмгэг улайралт, амьсгал авахад саадтай болох, хамраас цус гарах – эпистаксис, аюулхай орчмоор өвдөх, өтгөн хатах, гэдэс дүүрэх, бөөлжих, элэгний талаас бага зэргийн өөрчлөлт илрэх,арьсанд харшлын урвал илрэх, хэт их хөлрөх, шээсээ хянаж чадахгүй болох – энурез, халуун дүйх, ам хатах, цочромтгой болох, элэгний ферментийн үйл ажиллагааны өөрчлөлт, тромбоцитын тоо багасах, лейкоцитозоор илэрнэ.

  Цөөн гаж нөлөөнд:

• Анеми, хүнд хэлбэрийн харшлын урвал, лимфаденопати, хүнд хэлбэрийн харшлын урвал, полидипси, зүрхний цохилтын тоо цөөрөх, брадикарди, остеопени, цээжээр эвгүй оргих, цусанд агуулагдах креатинины  хэмжээ ихсэх болон ухаан санаа самуурах зэргээр илэрнэ.

Дээр дурьдсан эмийн гаж нөлөө ноцтой хүндрэх эсвэл дээр дурьдагдаагүй гаж нөлөө илэрвэл энэ тухайгаа эмч болон эмзүйчид заавал мэдээлэх хэрэгтэй.

Хадгалах нөхцөл:

• Тасалгааны 15⁰С –30⁰С хэмийн хооронд хадгална.
• Хүүхдийн гар хүрэхээргүй газар хадгална.
• Хадгалах хугацаа дууссан тохиолдолд хэрэглэхийг хатуу хориглоно.

Эмийн сангаас олгох нөхцөл:

• Жороор олгоно. Эмчийн зааврын дагуу хэрэглэнэ.

Эмийн хуудасруу энд дарж ороорой.