Худалдааны нэр:

• Дротаверин

Эмийн олон улсын нэр:

• Дротаверины гидрохлорид (Drotaverine hydrochloride)

Эмийн хэлбэр:

• Тун шилтэй тарилгын уусмал
• Шахмал эм

Эмийн найрлага, тун хэмжээ:

• Дротаверины гидрохлорид 40 мг
• Натрийн метабисульфит 2 мг
• Этилийн спирт 95% 0.132 мл
• Тарилгын ус 2 мл хүртэл

Эмийн эмчилгээний бүлэг:

• Агчил сулруулах бэлдмэл

Код АТХ: А03АD02

Фармакологийн үйлдэл:

• Миотроп үйлдэлтэй спазмолитик. Химийн бүтэц болон фармакологийн үйлдлийн хувьд папаверинтай ойролцоо, гэхдээ илүү хүчтэй, удаан хугацааны үйлдэлтэй. Гөлгөр булчингийн эсэд кальцийн ион орж ирэхийг бууруулна (фосфодиэстераза-г дарангуйлж эсийн дотоод цАМФ-ын хэмжээг ихэсгэнэ). Дотор эрхтний гөлгөр булчингийн тонус, нарийн гэдэсний гүрвэлзэлтийг бууруулж, цусны судсыг өргөсгөнө. Ургал мэдрэлийн тогтолцоонд нөлөөлөхгүй, төв мэдрэлийн тогтолцоонд нэвтрэхгүй.
• Гөлгөр булчинд шууд үйлчилдэг үйлдэлтэй учраас м-холинблокаторын бүлгийн эмийн бэлдмэл хориотой үед (хаалттай өнцөгт глауком, түрүү булчирхайн гипертрофи) спазмолитик байдлаар ашиглаж болно.

  Фармакокинетик:

• Ууж хэрэглэхэд шимэгдэлт өндөр идэвхитэй, хагас шимэгдэлтийн хугацаа 12 мин. Биохүртэмжит байдал 100%. Эдэд жигдхэн тархана, гөлгөр булчингийн эсэд нэвчинэ. Максимум концентрацид хүрэх хугацаа 2 цаг. Сийвэнгийн уурагтай холбогдох чадвар 95-98%. Үндсэндээ бөөрөөр ялгарна, бага зэрэг цөсөөр ялгарна. Цус тархины хоригийг нэвтрэхгүй.

Хэрэглэх заалт:

• Цөсний замын гөлгөр булчингийн агчил, цөсний чулуужих өвчний өвчин хөдлөлт /агчил/
• Шээсний замын гөлгөр булчингийн агчил
• Гэдэс ходоодны агчил, өтгөн хатаж дүлүүлэх, цусан суулгын хий дүлэлт
• Эмэгтэйчүүдийн практикт сарын юм өвдөлттэй ирэх үед, жирэмсэн үеийн умайн сэрэмтгий чанарыг багасгах зорилгоор, төрөх үед умайн амсар агчих буюу удаан нээгдэх, үр зулбах аюул тулгарах, захын судасны агчил зэрэгт хавсарсан эмчилгээнд тус тус хэрэглэнэ.

Хориглох заалт:

• Түүний найрлага дахь аль нэгэн бодист хэт мэдрэгшсэн хүмүүс
• Элэг, бөөр, зүрхний үйл ажиллагааны илэрхий дутагдал, тосгуур ховдлын хориг 2-3-р зэрэг, зүрхний гаралтай шок болон артерийн даралт бага үед тус тус хэрэглэхгүй.
• 2-оос бага настай хүүхдэд хэрэглэхгүй.
• Титэм судасны илэрхий хатуурал, түрүү булчирхайн томрол, хаалттай өнцөгт нүдний даралт ихсэх өвчин, жирэмсэн ба хөхүүл үе зэрэгт бэлдмэлийг болгоомжтой хэрэглэнэ.

Онцгой анхааруулга:

  Тун хэтэрсний улмаас илрэх гаж нөлөө:

• Бэлдмэлийг өндөр тунгаар хэрэглэж байгаа үед тосгуур ховдлын сэрэл дамжилт өөрчлөгдөх, зүрхний булчингийн сэрэмтгий чанар багасах зэрэг шинж илрэхээс гадна амьсгал саажих ба зүрх зогсож ч болзошгүй.

Гаж нөлөө:

• Ходоод гэдэсний замын хямрал: Огих, бөөлжих, өтгөн хатах
• Мэдрэлийн системийн талаас:Толгой өвдөх, толгой эргэх, нойргүйдэх
• Зүрх судасны систем: Зүрхний цохилт түргэсэх, артерийн даралт буурах, зүрхний хэмнэл өөрчлөгдөх, амьсгал дарангуйлагдах гаж нөлөө илэрч болзошгүй.
• Дархлалын тогтолцоонд: Харшлын урвал, ангионевропатын хаван, чонон хөрвөс, арьс туурах, загатнах
• Ерөнхий болон хэсгийн урвал: Тарьсан хэсэгт улайх, өвдөх, хавдах, загатнах.

Гаж нөлөө илэрсэн тохиолдолд бэлдмэлийг хэрэглэхгүй.

  Бусад эмтэй харилцан үйлчлэл:

• Леводопын Паркинсоны үйлдлийг сулруулна.
• Папаверин, Бендазол зэрэг бусад агчил тавиулах бэлдмэлийн (ялангуяа М-холинолитик) үйлдлийг ихэсгэх ба прокайнамид, хинидин ба 3 цагирагт бүтэцтэй сэтгэл уналын эсрэг эмийн даралт бууруулах үйлдлийг хүчжүүлнэ.
• Морфины агчил үүсгэх идэвхийг сулруулна.
• Фенобарбитал дротаверины агчил тавиулах үйлдлийг ихэсгэнэ.

Хэрэглэх арга:     

  Тарилгаар хэрэглэх үед эмнэлгийн нөхцөлд хэрэглэнэ.

• Булчин, венийн судсанд тарина.
• Насанд хүрэгсдэд 2-4 мл-ээр хоногт 2-3 удаа булчинд тарьж хэрэглэнэ.
• Гөлгөр булчингийн агчлын үед судсанд 2-4 мл-ийг аажим тарина.
• Захын судасны өвчнүүдийн үед артерийн судсанд тарьж болно.
• 6 хүртэл насны хүүхдийн нэг удаагийн тун 10-20 мг, хоногийн дээд тун 120 мг, 6-12 настайд 20 мг, хоногийн дээд тун 200 мг тус тус байна.

  Шахмалаар ууж хэрэглэхэд үед

• Дотуур ууж хэрэглэнэ, насанд хүрэгсдэд 40-80мг (1-2 шахмал) өдөрт 2-3 удаа. Хоногийн дээд тун – 6 шахмал (240 мг).

    Дротавериныг хүүхдэд хэрэглэх бол:

• 6-12 настай: өдөрт 1 шахмалаар 1-2 удаа ууна. Хоногийн дээд тун - 2 шахмал (80 мг);
• 12-с дээш настай: өдөрт 1 шахмалаар 1-4 удаа, эсвэл 2 шахмалаар 1-2 удаа ууна. Хоногийн дээд тун - 4 шахмал (160 мг).

Хадгалах нөхцөл ба анхааруулга:

1. 25⁰C ихгүй хэмд, хуурай, гэрлээс хамгаалсан нөхцөлд хадгална. Хүүхэд хүрэхгүй газар хадгална.

Олгох нөхцөл:

• Тарилгын уусмалаар хэрэглэх үед эмчийн зөвлөгөө зааврын дагуу эмнэлгийн нөхцөлд эмийн жороор хэрэглэнэ.
• Шахмалаар хэрэглэж байгаа үед эмчийн зөвлөгөө зааврын дагуу жоргүй авч хэрэглэнэ.

Та бүтээгдэхүүний сонирхож байвал энд дарна уу.