Гидрокортизон (hydrocortisone) тос хэрэглэх заавар
Эмийн хэлбэр: Тос
Найрлага: 1г-д
Идэвхитэй бодис: гидрокортизон ацетат - 10,0 мг; туслах бодис: вазелин, ланолин, пентаэритритил диолеат (пентол), стеарины хүчил 95, метилпарагидроксибензоат, пропилпарагидроксибензоат, цэвэршүүлсэн ус агуулна.
Эмийн тухай:
Гидрокортизон нь хэсэг газарт хэрэглэхэд зориулагдсан нийлэгжүүлж гарган авсан глюкокортикоидын бэлдмэл нь үрэвслийн эсрэг, хаван бууруулах, загатнаа намдаах үйлдэл үзүүлдэг. Лейкоцит ба макрофаг эсээс цитокинууд ялгарахыг саатуулдаг (интерлейкин ба интерферонууд), эозинофилүүдээс үрэвслийн медиаторуудын ялгаралыг дарангуйлан, арахидоны хүчлийн хувиралд орох, простогландинуудын нийлэгжилтийг бууруулдаг. Стероидуудын рецепторуудыг идэвхжүүлснээр липокортины үүсэлтийг идэвхжүүлдэг. Эсийн үрэвслийн дүнд үүссэн шүүрлийг багасган, үрэвслийн голомтод лимфоцитууд ба лейкоцитуудын шилжих явцыг бууруулдаг. Заасан тунгаар хэсэг газарт хэрэглэхэд системийн гаж нөлөө үзүүлдэггүй.
Хэрэглэх заалт:
Гидрокортизон тос нь арьсны нянгийн бус гаралтай үрэвсэл болон харшилын өвчинд: намарс, харшилын болон хавьтлын дерматит, нейродермит, хайрст үлдийн эмчилгээнд хэрэглэнэ.
Хориглох заалт:
Гидрокортизон, бэлдмэл дэх бодисуудад мэдрэг ихэссэн, арьсны идээт үрэвсэл гэмтсэн ба шархалсан хэсэг, нянгийн, вирусын, мөөгөнцрийн гаралтай арьсны үрэвсэлт сүрьеэ, тэмбүүгээс үүссэн арьсны үрэвслүүдэд хэрэглэж болохгүй.
Ёлом, батга, ам орчмын арьсны үрэвсэл, арьсны хавдар, 2 хүртэлх насны хүүхдэд, жирэмсэн эхэд хэрэглэхийг цээрлэнэ.
Болгоомжлол:
Чихрийн шижин ба сүрьеэ өвчний (системийн хүндрэл) үед болгоомжтой хэрэглэнэ.
Тун, хэрэглэх арга:
Гадуур хэрэглэнэ. Тосыг өдөрт 2-3 удаа гэмтэлтэй арьсны хэсэгт нимгэн түрхэнэ. Ээлж эмчилгээ нь өвчний шинж чанар ба эмчилгээний үр дүнгээс хамааран ойролцоогоор 6-14 хоног; өвчин нь их архагшсан байвал эмчилгээг 20 хоног хүртэл сунгаж болно. Хязгаарлагдсан хэсэгт эмчилгээний үйлдэлийг нэмэгдүүлэх зорилгоор боолт тавьж болно. 2 ба түүнээс дээш насны хүүхдэд эмчилгээний ерөнхий хугацааг хязгаарлах хэрэгтэйн дээр стероидын шингээлтийг (шимэгдэлт) нэмэгдүүлэх шаардлагагүй (дулаан, тохирох хувцас).
Гаж нөлөө:
Тос түрхсэн газарт халуун оргин улайх, хавдах, загатнах шинж илэрч болно. Удаан хугацаанд хэрэглэвэл арьсны хоёрдогч халдварт өвчнүүд, тэжээлгүйтэлийн гипертрихоз үүсч болзошгүй. Удаан хугацаанд, арьсны өргөн талбайд хэрэглэснээр гидрокортизоны ацетатын шингээлтийн дүнд гиперкортицизмын шинж тэмдэг илэрч болно.
Эмийн сангаас олгох нөхцөл:
Жороор олгоно. Эмчийн зааврын дагуу хэрэглэнэ.
Эмийн хуудасруу энд дарж ороорой.
