Олон улсын нэршил:  Кетоконазол

Эмийн хэлбэр: Үтрээний лаа

Найрлага:

  1 лаанд:

• Идэвхитэй бодис: Кетоконазол – 400мг,
• Туслах бодис: бутилгидроксианизол, макроголын холимог (макрогол 1500, макрогол 400).

Эмийн эмчилгээний бүлэг: Мөөгөнцрийн эсрэг бэлдмэл

Эм судлалын үйлдэл:

  Фармакодинамик

Идэвхитэй үйлчлэгч бодис нь имидазолдиоксоланы уламжлал хэсэг газарт хэрэглэх өргөн хүрээний үйлдэлт кетоконазол юм. Дерматофитүүд ( Trichophyton spp., Epidermophyton floccosum, Microsporum spp.) ба дрожж ( Сandida spp., Pityrosporum spp.) зэрэг мөөгөнцрүүдийн өсөлт үржлийг зогсоох, үхүүлэх үйлдэлтэй. Бэлдмэл нь стафилококкууд болон стрептококкуудад өндөр идэвхтэй.

Үйлдлийн механизм нь мөөгөнцөрийн мембраны липидийн найрлагыг өөрчлөх ба эргостеролын бионийлэгжилтийг дарангуйлдагтай холбоотой юм.

  Фармакокинетик

Үтрээгээр лааг хэрэглэхэд системийн шингээлт багатай.

Хэрэглэх заалт:

Ливарол лааг цочмог ба архаг хэлбэрийн дахилттай үтрээний мөөгөнцөр эмчлэхэд хэрэглэнэ. Биеийн дархлаа муудахад болон нянгийн эсрэг ба үтрээний хэвийн орчинг дарангуйлах үйлчилгээтэй бусад эмээр эмчлүүлж байгаа үед үтрээний мөөгөнцөрийн халдвараас сэргийлэх зорилгоор хэрэглэнэ.

Хориглох заалт:

Бэлдмэлийн найрлаган дах аль нэгэн бодист хэт мэдрэгшсэн өвчтөнд, жирэмсэн, хөхүүл, 18 хүртэлх насны хүүхдэд хориглоно.

Жирэмсэн, хөхүүл эхийн хэрэглээ:

Жирэмсэн ба хөхүүл үед эмэгтэйчүүдэд кетоконазол бэлдмэл хэрэглэх талаар эмнэлзүйн өгөгдөл хязгаарлагдмал байдаг. Жирэмсэн үед хэрэглэхийг хориглодог.
Хөхүүл үед эмийг хэрэглэх зайлшгүй шаардлагатай үед хөхөөр хоололтыг зогсооно.

Гаж нөлөө:

Үтрээний салст бүрхүүл цочирч улайх, загатнах. Харшлын урвал: арьсны тууралт, чонон хөрвөс илэрч болно.

Хэрэв зааварт тусгасан эсвэл зааварт ороогүй бусад гаж нөлөө ажиглагдвал эмчид хандаарай.

Тун, хэрэглэх арга:

• Үтрээнд хийж хэрэглэнэ.
• Лааг савлагааны хэсгээс салгаж авна. (үүрэн саванд лаа бүр тусдаа байх ба лааг гэмтээхгүйгээр салгах).
• Нуруугаар хэвтэн лааг үтрээнд гүн оруулна.
• 1 ширхэгээр өдөрт 1 удаа өвчний явцаас хамааран 3-5 хоногийн турш хэрэглэнэ. Мөөгөнцөрийн архаг хэлбэрийн үед 1 ширхэгээр хоногт 1 удаа 10 хоног хэрэглэнэ.
• Өвчнийг архагшуулж болох тул шинж тэмдэг арилсан хэдий ч курс эмчилгээг дутуу зогсоож болохгүй.

Хэрэв өвчний шинж тэмдгүүд эмчилгээний явцад үргэлжилж эсвэл эрчимжиж байвал эмчилгээгээ зогсоож эмчид хандаарай.

Эмийн сангаас олгох нөхцөл:

Жоргүй олгоно. Эмчийн зааврын дагуу хэрэглэнэ.

Эмийн хуудасруу энд дарж ороорой.