Химийн хорт бодис болон вирусээр үүсгэгдсэн элэгний эсийн гэмтлийн эмчилгээнд хэрэглэнэ.

Найрлага:

Шахмал бүрдээ: Бифенил диметил дикарбоксилат 25 мг-ийг агуулна.

Хэрэглэх заалт:

Вирусын болон хорт бодисоор үүсгэгдсэн элэгний эсийн гэмтлийн эмчилгээнд хэрэглэнэ.

Хэрэглэх арга, тун хэмжээ:

Насанд хүрэгсэд 1-2 шахмалаар өдөрт 3 удаа хоолны дараа ууж хэрэглэнэ.

Хүүхэд : 6-12 настай хүүхдэд 1 шахмалаар, 2-6 настай хүүхдэд 1/2 шахмалаар өдөрт 3 удаа хоолны дараа ууж хэрэглэнэ. 2 хүртэлх настай хүүхдэд: эмчийн нарийн хяналтын дор тунг тохируулж хэрэглэнэ.

Фармакологийн үйлдэл:

Ниссел нь 4 хлорт нүүрстөрөгч, тиоацетамид, преднизолон зэрэг хортой бодисын элэг гэмтээх үйлдлийг багасгах ба элэг хамгаалах үйлдэл үзүүлнэ. Бэлдмэлийн үйлдлийн механизмыг липидийн хэт исэлдэлтийг багасгах ба 4 хлорт нүүрстөрөгчтэй холбогдсонтой холбоотой гэж үздэг.

Клиник үр дүн:

Элэгний ферментийн өндөрсөлт 80% нь хэвийн хэмжээндээ очсон. Нисселийн эмчилгээний дараа цусан дахь билирубин ба альфа-фетопротеин, элэгний фермент зэрэг элэгний үйл ажиллагааны үзүүлэлтүүд илэрхий сайжирдаг. Түүнчлэн эмээр /хавдрын эсрэг эм, антибиотик,сүрьеэгийн эм гэх мэт/ үүсгэгдсэн элэгний үрэвслийн үед үр дүн сайтай. Бэлдмэлийн нөлөөгөөр өвдөх, ядрах, гэдэс цанхайх зэрэг шинж тэмдэг багасна.

Ниссел элэгний архаг үрэвслийн үед силимарин ба глицирризинээс /стронжер нео минофаген/ илүү үр дүнтэй болох нь судалгаагаар тогтоогджээ.

Гаж нөлөө:

Мэдээлэгдээгүй. Ямар нэг сөрөг нөлөө мэдэгдвэл эмчдээ хандаарай.

Анхааруулга:

Зөвхөн эмчийн заавраар хэрэглэнэ.

Хэрэглэхийн өмнө хэрэглэх заавартай сайтар танилцана уу. Цаашдын зөвөлгөөг эмчээсээ авна уу. Хугацаа дууссан бол хэрэглэж болохгүй.

Эмийн сангаас олгох нөхцөл:

Жороор олгоно. Эмчийн зааврын дагуу хэрэглэнэ.

Эмийн хуудасруу энд дарж ороорой.