Эмийн эмчилгээний бүлэг: Нянгийн эсрэг үйлдэлтэй нийлмэл найрлагатай бэлдмэл.

Эм судлалын үйлдэл: Ингалипт хэсэг газарт хэрэглэх нйилмэл найрлагатай бэлдмэл. Түүний найрлаганд агуулагдах уусмал сульфаниламид нь нянгийн эсрэг үйлдэл(Амны хөндийн зальгиурын эмгэг үүсгэгч грам+ болон грам- бактериудын эсрэг үйлдэлтэй) үзүүлнэ. Тимол, эвкалиптын тос болон батрашын тос нь мөөгөнцрийн эсрэг(кандидын төрлийн мөөгөнцөр), нянгийн эсрэг, үрэвслийн эсрэг болон өвдөлт намдаах сулавтар үйлдэлтэй.

Хэрэглэх заалт: Гүйлсэн булчирхайн үрэвсэл, залгиур хоолойн үрэвсэл, түвэнхийн үрэвсэл, амны хөндийн шархлаат үрэвсэлд тус тус хэрэглэнэ.

Хориглох заалт: Бэлдмэлийн найрлаганд буй аль нэгэн бодист хэт мэдрэгшсэн өвчтөн болон 3 хүртэлх насны хүүхдэд хэрэглэхгүй.

Жирэмсэн болон хөхүүл үеийн хэрэглээ: Эхэд ашигтай тал нь ураг болон нярайд үзүүлэх сөрөг эрсдлээсээ давуутай тохиолдолд эмчийн заавраар хэрэглэж болно.

Гаж нөлөө: Харшлын урвалууд(арьсанд тууралт гарах, загатнах г.м.), түр зуур хорсох, хоолойд торох шинж илэрч болзошгүй. Гаж нөлөө илэрсэн тохиолдолд бэлдмэлийг хэрэглэхээ зогсоон эмчид хандах шаардлагтай. Ердийн бус гаж нөлөө илэрвэл эмчид хандан цаашид бэлдмэлийг хэрхэн хэрэглэх талаар зөвөлгөө авах шаардлагатай.

Тун хэтрэлт:
Шинж тэмдэгүүд: Бэлдмэлийн зарим хэсэг зальгигдсаны улмаас дотор муухайрах буюу бөөлжих шинж илэрч болзошгүй.
Авах арга хэмжээ: өвөрмөц анитидот байхгүй, шинж тэмдгийн болон дэмжих эмчилгээ хийнэ.

Бусад эмийн бэлдмэлтэй харилцан нөлөөлөл: Бусад эмийн бэлдмэлтэй эмнэлзүйн ач холбогдол бүхий харилцан нөлөөлөл үүсгэсэн тухай мэдээлэлгүй байна. Түүний эмчилгээний хүрээг өргөсгөж, үр дүнг нэмэгдүүлэх зорилгоор хэсэг газарт хэрэглэдэг нянгийн эсрэг бусад бэлдмэлүүдтэй хавсруулан хэрэглэж болно.

Тусгай анхааруулга: Ингалипт бэлдмэлийг хүүхдэд зөвхөн эмчийн зөвлөснөөр хэрэглэж болно. Бэлдмэл нь жолоо барих болон машин, механизмтай ажиллах чадварт сөргөөр нөлөөлөх тухай мэдээлэл байхгүй байна.

Хэрэглэх арга ба тун:

• Хэсэг газарт хэрэглэнэ.
• Баллоны хамгаалах тагийг аван амны хөндийрүү 1-2 секундын турш цацруулагчийг даран цацна.
• Цацагдсан бэлдмэлийг амны хөндийн 5-7 минутын турш байлгах хэрэгтэй.
• Хоногт 3-4 удаа цацан хэрэглэж болох бөгөөд эм цацахын өмнө амын хөндийг буцалгасан усаар зайлж байх шаардлагатай.
• Цацруулагчийн нүх бөглөрхөөс зайлсхийхийн тулд хэрэглэсний дараа түүнийг стакантай цэвэр усанд орхих хэрэгтэй.
• Хэрэглэх үедээ баллоныг босоо байрлалд барьсан байх шаардлагатай.

Эмийн сангаас олгох нөхцөл:

Жоргүй олгоно. Эмчийн зөвлөгөө, зааврын дагуу хэрэглэнэ.

Эмийн хуудасруу энд дарж ороорой.