Клопидогрел нь эмийн урьдал бодис бөгөөд түүний идэвхтэй метаболитын нэг нь тромбоцитын бөөгнөрөмтгий чанарыг дарангуйлдаг.

Найрлага:

1 шахмалд:

Үйлчлэгч бодис: клопидогрел гидросульфат II хэлбэрээр 97,875мг (75мг клопидогрелтэй тэнцэнэ).

Туслах бодис:маннитол 68.925мг, макрогол-6000-34мг, бичил талст целлюлоза (усны агууламж бага, 90мкм)-31мг, бага халагдсан гипролоза-12,9мг, гидрогенжүүлсэн касторын тос-3,3мг.

Хэрэглэх заалт:

Атеротромбозын хүндрэл үүсэхээс сэргийлэх

• Насанд хүрэгсдийн зүрхний булчингийн шигдээс (хэдэн өдрөөс 35 өдөр хүртэл), цус хомсролын цус харвалт (7 өдрөөс 6 сар хүртэл) буюу эсвэл оношлогдсон захын артерийн судасны бөглөрөлт өвчин
• Титэм судасны цочмог хам шинж бүхий насанд хүрэгсэд

1. Зүрхний бичлэгийн ST сегмент нь өргөгдөөгүй өвчтөн (тогтворгүй зүрхний бах буюу эсвэл Q шүдгүй зүрхний шигдээс), үүнд титэм судсанд стент тавиулсан өвчтөн хамаарна.
2. Бүлэн хайлуулах эмийн эмчилгээ явуулах боломжтой болон эмийн эмчилгээний үед зүрхний бичлэгийн ST сегмент нь өргөгдсөн (зүрхний цочмог шигдээс) өвчтөн (ацетилсалицилын хүчилтэй хамт хэрэглэнэ.):

Атеротромбын болон тромбэмболийн хүндрэлээс (цус харвалт, тосгуурын фибриляцийн үед (мерцательный аритми)) сэргийлэх

Тосгуурын фибриляцитай (мерцательный аритми) өвчтөн: цус алдалт үүсэх эрсдэл багатай болон шууд бус үйлдэлтэй цусны бүлэгнэлтийг саатуулах эм хэрэглэхэд тохиромжгүй, судасны хүндрэл үүсгэх дор хаяж 1 эрсдэл хүчин зүйлтэй өвчтөнд (ацетилсалицилын хүчилтэй хамт).

Цээрлэлт:

Бэлдмэлийг дараах тохиолдолд хэрэглэхийг цээрлэнэ.

• Клопидогрел болон бэлдмэлийн найрлага дахь туслах бодист хэт мэдрэг өвчтөн
• Хүнд явцтай элэгний дутагдал
• Цочмог цус алдалт, жишээ нь идэгдмэл шархлаанаас цус алдах, гавлын доторх цус харвалт
• Лактоз зохидоггүй удамшлын ховор эмгэг, лактазын дутагдал, глюкоз-галактозын шингээлтийн алдагдал
• Жирэмсэн ба хөхүүл үе (жирэмсэн ба хөхүүл үеийн хэрэглээ гэсэн хэсгийг үз)
• 18 хүртэл насны хүүхэд (эмчилгээний үр нөлөө болон аюулгүй эсэх нь тогтоогдоогүй)

Болгоомжлол:

• Дунд зэргийн явцтай элэгний дутагдал (цус алдах эрсдэл бүхий) – хэрэглэсэн эмнэлзүйн туршлага бага.
• Бөөрний дутагдал – хэрэглэсэн эмнэл зүйн туршлага бага
• Гэмтэл, мэс ажилбар.
• Цус алдах эрсдэл бүхий өвчин (ялангуяа хоол боловсруулах замын, нүдний доторх цус алдалт), ялангуяа хоол боловсруулах замын салст бүрхүүлийг гэмтээдэг эмийн бэлдмэлтэй (ацетилсалицилын хүчил, стероид бус үрэвслийн эсрэг эм) хамт хэрэглэх.
• Цус алдах эрсдэл ихэссэн хүмүүс: гэмтэл, мэс ажилбар ба бусад эмгэг байдлын улмаас, түүнчлэн ацетилсалицилын хүчил, гепарин, варфарин,гликопротеин IIb/IIIа–г саатуулагч бэлдмэл, циклооксигеназа-2 (ЦОГ-2) ферментийг сонгомлоор саатуулдаг эм, цус алдах эрсдэлд хүргэдэг бусад бэлдмэл,серотонины мэдрэлийн төгсгөлд эргэн орохыг сонгомлоор саатуулдаг эм хэрэглэж байгаа өвчтөн.
• CYP2C8 изоферментийн тусламжтайгаар метаболизмд ордог эмийн бэлдмэлтэй (репаглинид, паклитаксел) хамт хэрэглэх.
• CYP2C19 изоферментийн идэвх бага өвчтөн.
• Бусад тиенопиридины уламжлалын бэлдмэлд (тиклопидин, празугрел) харшлын болон цусны зүгээс урвал илэрч байсан өгүүлэмжтэй үед (харшлын болон цусны зүгээс солбицсон урвал илэрч болзошгүй.
• Тархины цусны эргэлтийн түр зуурын өөрчлөлт буюу эсвэл цус хомсролын цус харвалтаар өвдөөд удаагүй байгаа өвчтөн.

Жирэмсэн ба хөхүүл үеийн хэрэглээ:

Жирэмсэн үе:

Амьтанд хийсэн судалгаагаар клопидогрел нь жирэмсэн үе, үр хөврөлийн хөгжил, төрөлт, төрсний дараах хөгжилд шууд болон шууд бус сөрөг нөлөө үзүүлээгүй байна. Амьтан дээр хийгдсэн судалгааны үр дүнгээр хүнд үзүүлэх урвалыг урьдчилан хэлэх боломжгүй хийгээд клопидогрелыг жирэмсэн эмэгтэйд хэрэглэсэн эмнэл зүйн хяналтат судалгаа байдаггүй учир болгоомжлох үүднээс бэлдмэлийг жирэмсэн үед зайлшгүй шаардлагатайгаас бусад тохиолдолд хэрэглэхгүй.

Хөхүүл үеийн хэрэглээ:

Хархан дээр хийсэн судалгаагаар клопидогрел болон түүний метаболит нь хөхний сүүтэй ялгардаг болох нь тогтоогдсон. Харин хүний хөхний сүүнд нэвтэрдэг эсэх нь тодорхойгүй. Олонхи эмийн бэлдмэл хөхний сүүнд нэвтэрч хөхүүл хүүхдэд сөрөг нөлөө үзүүлж болох тул эмчлэгч эмч плавикс бэлдмэлийн эхэд үзүүлэх эмчилгээний ач холбогдлоос хамаарч түүнд нэг бол бэлдмэлийг хэрэглэхээ зогсоох, эсвэл хөхөөр хоололтыг зогсоох эсэхийг зөвлөнө.

Хэрэглэх арга, тун:

Клопидогрелыг хоолноос хамааралгүйгээр ууж хэрэглэнэ.

Бэлдмэлийг 75мг тунгаар хоногт 1 удаа хэрэглэнэ.

Плавикс эмийг тухайн өвчний эмчилгээнд эмчийн заавар, зөвлөгөө, жорын дагуу хэрэглэнэ.

Уг эмийн хуудас руу энд дарж ороорой.