Хеликобактер пилори (ХП) нь ДЭМБ-ийн ангиллаар 1-р зэрэглэлийн канцероген бөгөөд ходоодны хавдар үүсгэгч гол хүчин зүйл юм. Монгол улсад ХП-ийн халдвар хүн амын 75.9%-д нь илэрсэн нь дэлхийн өндөр тархалттай орны тоонд орж байна.

Хеликобактер пилори эсрэг гурвалсан эмчилгээ нь 12 судалгааны ажлын үр дүнгийн дунджийг харахад, 14 хоног эмчлэх нь 84%-ийн үр дүнтэй байсан.

Гүдфил кит шахм 1000мг+500мг+30мг n6 эм нь дараах найрлагатай.

(Амоксициллин шахмал 1000 мг, Лансопразол бүрээс 30 мг ба Кларитромицин шахмал 500 мг агуулсан багц)

Багц бүрт агуулагдах хэмжээ:

• 2 шахмал Амоксициллин 1000 мг (A)
• 2 бүрээс Лансопразол 30 мг (B)
• 2 шахмал Кларитромицин 500 мг (C)

Амоксициллин шахмал 1000 мг

• Бүрхүүлгүй шахмал бүрт агуулагдах хэмжээ:
• Амоксициллин Тригидрат BP
• Амоксициллин Ангидроз дүйцхүйц 1000 мг
• Туслах бодис хүрэлцэхүйц хэмжээгээр.

Лансопразол бүрээс 30 мг

• Хатуу царцмаган бүрээс бүрт агуулагдах хэмжээ:
• Лансопразол 30 мг
• (Пеллет бүрхүүлтэй)
• Туслах бодис хүрэлцэхүйц хэмжээгээр.
• Зөвшөөрөгдөх хэмжээний будагч бодисоор бүрээс будагдсан.

Кларитромицин шахмал 500 мг

• Бүрхүүлтэй шахмал бүрт агуулагдах хэмжээ:
• Кларитромицин 500 мг
• Туслах бодис хүрэлцэхүйц хэмжээгээр.
• Будагч бодис: улбар шар.

Хэрэглэх заалт:

Helicobacter pylori–г устгах, ходоодны архаг, идэвхитэй үрэвсэл, H. Pylori-гоор үүсгэгдсэн ходоод, 12 хуруу гэдэсний шарх.

Болгоомжлол ба анхааруулга:

Лансопразол:

• Ходоодны хавдартай байх нь Лансопразолыг шинж тэмдэгийн эмчилгээнд хэрэглэхэд хориглох заалт болохгүй.

Амоксициллин:

• Эмчилгээний явцад эмгэг бактери болон мөөгөнцрийн супер халдвар үүсч болзошгүйг анхаарах хэрэгтэй. Супер халдвар үүссэн тохиолдолд бэлдмэл хэрэглэхээ зогсоож тохирсон эмчилгээг хийнэ.
• Пенициллин эмчилгээ хийлгэж байсан өвчтөнүүдэд ноцтой, амь насанд аюултай анафилаксийн урвал илэрч байсан нь мэдээлэгдсэн. Энэ урвал нь пенициллинд хэт мэдрэг өгүүлэмжтэй эсвэл харшилтай хүмүүст илүү тохиолддог.
• Нянгийн халдвар гэдэг нь нотлогдоогүй эсвэл урьдчилан сэргийлэх зорилгоор амоксициллиныг хэрэглэхэд үр дүн тодорхойгүй ба антибиотикт тэсвэртэй нян үүсэх эрсдэлийг нэмэгдүүлнэ.
• Амоксициллин болон бүх төрлийн антибиотикийн эмчилгээний үед хөнгөнөөс хүнд хэлбэрийн псевдомемраноз колит тохиолддог. Иймд антибиотик эмчилгээ хийгдэх үед гүйлгэж буй өвчтөнд уг оношийг тодорхойлох нь чухал байдаг.
• Мононуклеозтой өвчтөнд ампициллины бүлгийн антибиотикуудыг хэрэглэхэд арьсанд улаан тууралт гарах тул хэрэглэхгүй.
• Удаан хугацаанд, өндөр тунгаар эмчилгээ хийхэд бөөрний болон цусны үзүүлэлтүүдийг хянах шаардлагатай.

Кларитромицин:

• Эмнэл зүйн хувьд өөр бэлдмэл хэрэглэх боломжгүй байдлаас бусад үед жирэмсэн эмэгтэйчүүдэд уг бэлдмэлийг хэрэглэхгүй.
• Кларитромицин болон бүх төрлийн антибиотикийн эмчилгээний үед хөнгөнөөс хүнд хэлбэрийн псевдомемраноз колит тохиолддог. Иймд антибиотик эмчилгээ хийгдэх үед гүйлгэж буй өвчтөнд уг оношийг тодорхойлох нь чухал байдаг.
• Кларитромицин нь элэг, бөөрөөр ялгарна. Бөөрний үйл ажиллагаа хэвийн, элэгний эмгэгтэй өвчтөнд кларитромицины тунг зохицуулах шаардлагагүй. Харин элэгний үйл ажиллагаа хэвийн эсвэл эмгэгтэй, бөөрний үйл ажиллагааны алдагдалтай өвчтөнд тунг багасгах эсвэл тун хоорондын хугацааг уртасгах нь зүйтэй.
• Креатинины клиренс 25 мл/мин –аас бага, цочимог порфоритэй өвчтөнд кларитромициныг ранитидин, висмут цитраттай хамт хэрэглэхийг зөвлөхгүй.
• Өндөр настан, бөөрний хүнд хэлбэрийн эмгэгтэй өвчтөнд бэлдмэлийн тунг тохируулах шаардлагатай.
• Кларитромицин эмчилгээний үед булчин сулрах шинж сэдрэх, шинээр илэрсэн нь мэдээлэгдсэн.

Хэрэглэх арга, тун:

• Багц бүрт: 2 бүрээс лансопразол, 2 шахмал кларитромицин, 2 шахмал амоксициллин байна. Нэг багц нь нэг өдрийн эмчилгээ юм.
• 1 бүрээс лансопразол, 1 шахмал кларитромицин, 1 шахмал амоксициллиныг өглөө ууна. 1 бүрээс лансопразол, 1 шахмал кларитромицин, 1 шахмал амоксициллиныг орой ууна.

Эмийн сангаас олгох нөхцөл:

Жороор олгоно. Эмчийн зааврын дагуу хэрэглэнэ.

Эмийн хуудасруу энд дарж ороорой.