Сүүлийн жилүүдэд монголчуудын өргөн хэрэглэдэг, гал тогооны хамгийн хэрэгцээт тавилгын нэг яалтчгүй аяга таваг угаагч болжээ. Аяга таваг угаагч хэрэглэснээр өөртөө зарцуулах цаг хугацаа болоод тог цахилгаан, усны хэмнэлт хийх гээд маш олон давуу талуудыг дурьдаад баршгүй. Тэгвэл энэ удаагийн нийтлэлээрээ уншигчдадаа аяга таваг угаагчийг зөв ажиллуулах бяцхан дүрмийг хүргэж байна.  

1. Аяга таваг угаагч болон аяга угаагч бодис тань хэчнээн сайн чанарын сүүлийн үеий загвар байсан ч аяга угаагчаа зөв ажиллуулж, бүх төрлийн горимыг нь сайн ойлгохгүй бол ач тусыг нь хүртэхгүй шүү дээ. Тиймээс ерөнхий дүрмийг нь нэг удаа уншсан байхад аяга таваг угаагчаа зөв хэрэглэхэд туслах болно.  

2. Хэт их битгий дүүргэ

Хэт их дүүргэх нь аяга тавгыг дутуу угаах болон хооронд нь харшиж зууралдуулдаг. Мөн цаашлаад их чихэлдэж дүүргэсэн аяга таваг нь усны урсгалыг хааж угаагч бодис дутуу зайлагдах гэх мэт асуудлууд үүсгэх магадлалтай.

3. Хуванцраа тавиурны хамгийн дээд талд нь тавь

Аяга таваг угаагчийн хамгийн их халдаг нь доод хэсэг нь байдаг. Тиймээс хуванцар хэрэгслүүдээ аль болох бага халдаг хэсэгт нь тавьж хайлах, зөөлрөхөөс сэргийлэх хэрэгтэй.

4. Хамгийн бохирдол ихтэйгээс нь хамгийн доор нь тавь

Ус шүршигч нь доор байх тусам илүү даралттай хүчтэй шүршдэг тул илүү сайн цэвэрлэнэ.

5. Сав суулга, халбага сэрээгээ доош нь харуулж тавь

Доороос илүү халж, доороос илүү шүршдэг тул бохир хэсгийг доош харуулж тавьснаар илүү гүйцэд цэвэрлэгдэнэ.

6. Том зай эзэлсэн хэрэгслүүдийг тавиурын хойно эсвэл хажуугаар тавих нь зөв. Ингэснээр ус шүрших замыг чөлөөтэй байлгаж өгнө. Мөн аяга таваг угаагчид эд зүйлсээ хийхээсээ өмнө эхлээд сайтар шалгаж байх нь эвдэрч гэмтэхээс сэргийлнэ.