Худалдааны нэршил:

• Линекс форте бүрээс хэлбэрээр

Олон улсын нэршил:

• Сүүний хүчил

Найрлага:

1 бүрээсэнд агуулагдах лиофилжүүлсэн сүүний хүчлийн бактер:

• 1х10⁹ багагүй колони үүсгэх нэгж Lactobacillus acidophilus

• 1х10⁹ багагүй колони үүсгэх нэгж Bifidobacterium animalis subsp. lactis

Туслах бодис: инулин олигофруктозтой (глюкоз+фруктоз+сахароз) хамт, усгүйжүүлсэн глюкоз, бичил талст целлюлоз, төмсний цардуул, магнийн стеарат, титаны диоксид (E171), гидроксипропилметилцеллюлоз, төмөрийн шар исэл (E172).

Эмийн хэлбэр:  Капсул

Харагдах байдал:

• Бүрээсийн гадна төрх: их бие их цагаан, таглаа их шар өнгөтэй.
• Бүрээсийн агууламж: шар туяатай цайвар шаргал нунтаг.

Эмийн эмчилгээний бүлэг

• Суулгалтын эсрэг үйлдэлтэй бичил биетнүүд, сүүн хүчлийн бактериуд.

АТС код: A07FA01.

Фармакологийн үйлдэл:

  Фармакодинамик

Линекс форте хүний гэдэсний хэвийн микрофлорын төлөөлөл болох Lactobacillus acidophilus ба Bifidobacterium animalis subsp. Lactis зэрэг пробиотик сүүний хүчлийн бактерийн 2 омгийг агуулдаг.

Lactobacillus acidophilus Bifidobacterium animalis subsp. Lactis-ын дэмжлэгтэй эмчилгээ болон хамгаалах үйлдлийг үзүүлэх хэд хэдэн боломжит механизмтай.

Тэд дараах үйлдлээр эмгэг төрөгч бактерийн өсөлтийг дарангуйлна:

• Гэдэсний рН буруулах ( Lactobacillus acidophilus-н сүүний хүчил ялгаруулах болон Bifidobacterium animalis subsp. lactis –н сүүний хүчил түүнчлэн цууны ба янтарын хүчил ялгаруулах чадварын үр дүнд);
• Эмгэг төрөгч бактерийн эсрэг хортой метаболит үүсгэх (H2O2 );
• Бичил биетний эсрэг үйлдэлтэй бодис бактериоциныг ялгаруулах (Lactobacillus acidophilus ньбактери (ялангуяа, Helicobacter pylori) болон мөөгөнцөрийн өсөлтийг дарангуйлах өргөн хүрээний үйлдэлтэй бактериоцин болох ацидоциныг ялгаруулна);
• Хоол тэжээлийн хувьд эмгэг төрөгч бактериудтай өрсөлдөх;
• Энтероцитын наалдуулагч рецепторт хориг үүсгэн эмгэг төрөгч бичил биетнүүдийн өөр колони үүсэхээс сэргийлэх.

Эдгээр бактерийн 2 омог нь гэдэсний гүрвэлзэх хөдөлгөөнийг эрчимжүүлж, түүний гадагшлуулах үйл ажиллагаа болон салстын шүүрлийг сайжруулна.

Түүнчлэн тэд өвөрмөц ба өвөрмөц бус дархлаа тогтолцоог идэвхжүүлдэг.

Гэдэсний бичил флорын тэнцвэрт байдал алдагдсан үед ( жишээлбэл, ходоод гэдэсний замын вирус болон бактерийн халдварын үед, өргөн хүрээний үйлдэлтэй антибиотик болон бичил биетний эсрэг нөлөөлөх бусад нийлэг бэлдмэл хэрэглэх, аарцаг болон хэвлийн хөндийн эрхтний туяа эмчилгээ хийлгэх, алс холын аялалд явах) болон нярайн хэвийн бичил флор өөрчлөгдөхөд хоол боловсруулах үйл ажиллагаа хямарч (гэдэс дүүрэх, суулгах, өтгөн хатах) болно.

Lactobacillus acidophilus болон Bifidobacterium animalis subsp. Lactis-г тогтмол хэрэглэх нь гэдэсний микрофлорын тэнцвэрт байдал алдагдаснаас хамааран үүсэх хоол боловсруулах үйл ажиллагааны хөнгөн ба дунд хэлбэрийн өөрчлөлтийн давтамж болон шинж тэмдгийг (суулгалт) үр дүнтэй бууруулж, өтгөн гадагшлахыг тогтмолжуулна, түүнчлэн Helicobacter pylori устгах стандарт эмчилгээний үр нөлөөг сайжруулна.

  Фармакокинетик

• Lactobacillus acidophilus ба Bifidobacterium animalis subsp. Lactis зэрэг пробиотик бактериууд ходоод гэдэсний замд хэсэг газрын нөлөө үзүүлнэ.
• Уухаар хэрэглэхэд бэлдмэлийн системийн шимэгдэлт явагдахгүй. Lactobacillus acidophilus ба Bifidobacterium animalis subsp. Lactis-н ходоодны хүчил болон цөсөнд тэсвэртэй байх чанар нь ходоод болон дээд гэдсээр дамжих үед тэдгээрийн олон тооны бактер амьд үлдэх боломжийг олгоно. Омгууд хоёулаа гэдэсний салстад бэхлэгддэг. Эдгээр бактер нь аажимдаа гэдэсний гүрвэлзэх хөдөлгөөнөөр өтгөнөөр гадагшилна.

Хэрэглэх заалт

• Линекс форте бэлдмэл гэдэсний бичил флорын үйл ажиллагаа болон тэнцвэрт байдлыг зохицуулахад оролцдог.
• Линекс форте-г насанд хүрэгсэд, өсвөр насныхан, хүүхдэд урьдчилан сэргийлэх болон хэвийн бичил флорыг дэмжих зорилгоор суулгах, гэдэс дүүрэх болон хоол боловсруулах үйл ажиллагааны бусад хямралын үед хэрэглэнэ:
• Насанд хүрэгсэд ба хүүхдийн ходоод гэдэсний замын вирус ба бактерийн гаралтай халдвар (ротавирусын халдвар, аялагчид суулгах);
  бактерийн эсрэг эмчилгээ (антибиотик бабактерийн эсрэг нийлэг бусад бэлдмэл);
• Аарцаг болон хэвлийн хөндийн эрхтэний туяа эмчилгээ.
• Линекс форте-г насанд хүрэгсэд ба 12-с дээш насны хүүхдэд хэрэглэнэ:
• Helicobacter pylori халдварын стандарт эмчилгээний үед хэвийн бичил флорыг дэмжих;
• Өтгөн хаталтын үед биеийн байдлыг сайжруулах.

Хэрэглэх арга тун:

• Суулгалт, гэдэс дүүрэх болон бусад ходоод гэдэсний замын хямралын үед урьдчилан сэргийлэх болон хэвийн бичил флорыг дэмжихэд хэрэглэнэ.
• Насанд хүрэгсэд ба 12-оос дээш насны хүүхэд: 1 бүрээсийг хоногт 3 удаа хэрэглэнэ (шинж тэмдгийн хүнд хөнгөний зэргээс хамаарна).
• 2-12-оос доош насны хүүхэд: 1-2 бүрээсийг хоногт 1 удаа хэрэглэнэ (шинж тэмдгийн хүнд хөнгөний зэргээс хамаарна).
• 1 – 2 хүртэлх насны хүүхэд: 1 бүрээсийг хоногт 1 удаа хэрэглэнэ.
• Линекс форте бүрээсийг шинж тэмдэг арилтал хэрэглэж болно.
• Хэрэв суулгалт 2-оос дээш хоног үргэлжлэх эсхүл биеийн байдал сайжрахгүй бол эмчид хандах хэрэгтэй.
• Суулгалт өөрөө зогссон үед электролит болон шингэн нөхөх нь маш чухал.
• 6 наснаас доош хүүхдийн суулгалтын эмчилгээг эмнэлгийн хяналтанд хийнэ.
• 1-ээс доош насны хүүхдэд Линекс форте бүрээс хэрэглэхийг зөвлөхгүй. Энэ насны бүлгийнхэнд бэлдмэлийн илүү зохимжтой хэлбэрийг хэрэглэхийг зөвлөнө.
• Helicobacter pylori халдварын стандарт эмчилгээ болон өтгөн хаталтын үед хэвийн бичил флорыг дэмжих зорилгоор хэрэглэх
• Насанд хүрэгсэд ба 12-оос дээш насны хүүхэд: 1 бүрээсийг хоногт 3 удаа хэрэглэнэ.
• Линекс форте бүрээсийг шинж тэмдэг арилтал хэрэглэж болно.
• Өтгөн хаталт 7–с дээш хоног үргэлжилбэл эмчид хандана.
• Өтгөн хаталтын үед ширхэглэгээр баялаг тэнцвэржүүлсэн эрүүл хүнс хангалттай хэмжээгээр хэрэглэх, шингэнийг хангалттай хэмжээгээр уух, биеийн идэвхтэй хөдөлгөөн хийх ба хоногт тогтсон цагт өтгөнөө гадагшлуулах зуршилтай болохыг зөвлөнө.

Хэрэглэх арга:

• Ууж хэрэглэхэд зориулагдсан.
• Хооллох үед ууна. Энэ нь бэлдмэлийн хамгийн сайн нөлөөлөх нөхцөл болно.
• Антибиотик хэрэглэснээс хойш 3 цагийн дараа Линекс форте-г уухыг зөвлөнө.
• Согтууруулах ундаа болон халуун ундтай хамт хэрэглэхгүй.
• Хэрэв бүрээсийг бүтнээр нь залгиж чадахгүй бол бүрээсийг задалж доторх
• бэлдмэлийг халбаганд хийн, бага хэмжээний шингэнд хутгаж ууна.
• Мартаж өнгөрөөсөн тунг нөхөх зорилгоор давхардуулж хэрэглэхгүй.

Хориглох заалт:

• Бэлдмэлийн үйлчлэгч болон туслах бодист хэт мэдрэгшилтэй байх.
• Хоол боловсруулах замын түгжрэлийн үед.
• Хоол боловсруулах замын цооролт үүсэх эрсдэлтэй болон цооролт үүссэн бол.

Онцгой анхааруулга ба болгоомжлол:

Бэлдмэлийг уухын өмнө дараах шинж тэмдэг илэрвэл эмчтэй зөвлөх хэрэгтэй:

• Биеийн хэм 38оС-с дээш халуунтай;
• Өтгөнд цус болон салст илрэх;
• Суулгалт 2-оос дээш хоног үргэлжлэх;
• Усгүйжиж, биеийн жин буурах хүнд хэлбэрийнсуулгалт;
• Суулгах үед хэвлийгээр хүчтэй өвдөх;
• Бусад архаг өвчний (жишээ нь, чихрийн шижин, зүрх судасны өвчин) болон дархлал хомсдлын үед (жишээ нь, ХДХВ-ийн халдвар).
• Тодорхой шалтгаангүйгээр хэвлийгээр өвдөх

Линекс форте бүрээсийг 12 хүртэлх насны хүүхдэд Helicobacter pylori-г устах стандарт эмчилгээг дэмжих болон өтгөн хаталтын үед биеийн байдлыг сайжруулах бэлдмэлийн хувьд хэрэглэхгүй.

Туслах бодист хамаарах болгоомжлол

Линекс форте нь глюкоз, фруктоз, сахароз агуулдаг. Фруктоз зохимжгүй, глюкоз-галактозын шимэгдэлтийн алдагдалтай болон сахараз-изомальтазын дутмагшлын хам шинж зэрэг удамшлын ховор эмгэгтэй өвчтөнд хэрэглэхгүй.

Линекс форте нь харшлын урвал үүсгэх сүүний уургийн үлдэгдэл агуулсан байж болно.

Бусад эмийн бэлдмэлтэй харилцан үйлчлэл

Пробиотик бактериуд антибиотикт мэдрэг байдаг. Иймд Линекс форте бүрээсийг антибиотик хэрэглэсний дараа 3 цагаас хойш уухыг зөвлөнө.

Жирэмсэн ба хөхүүл үед

Жирэмсэн болон хөхүүл үед Линекс форте-г хэрэглэсэнтэй холбоотой гаж нөлөө илэрсэн тухай мэдээлэл байхгүй. Гэхдээ жирэмсэн болон хөхүүл үед цочмог суулгалт тохиолдвол шингэн ба электролитын дутагдлаас сэргийлэх, түүнчлэн жирэмсэн эмэгтэйд болон урагт аюул хүргэх бусад гаж нөлөө үүсч болохыг онцгой анхаарах хэрэгтэй

Жирэмсэн болон хөхүүл үеийн суулгалтын эмчилгээг эмнэлгийн хяналтан дор хийнэ.

Автомашин болон машин механизмтай ажиллах чадварт нөлөөлөх:

Судлагдаагүй.

Гаж нөлөө:

Гаж нөлөөний давтамжийг MedDRA шалгуурын дагуу тодорхойлсон: элбэг (≥ 1/10), олонтаа ( ≥ 1/100 - < 1/10), цөөн ( ≥ 1/1000 - < 1/100), ховор ( ≥ 1/10 000 - < 1/1000), маш ховор (< 1/10 000), тодорхойгүй давтамжтай (мэдээллийг үнэлэх боломжгүй).

Дархлаа тогтолцооны талаас өөрчлөлт

• Маш ховор: хэт мэдрэгшлийн урвал

Хадгалах нөхцөл:

• Хүүхэд хүрэхээргүй газарт хадгална.
• 25°С-с дээшгүй хэмд өөрийн хайрцагт нь хадгална.

Эмийн сангаас олгох нөхцөл:

• Жортой олгоно. Эмчийн зааврын дагуу хэрэглэнэ.

Эмийн хуудасруу энд дарж ороорой.

Худалдааны нэршлийн жагсаалт:

• Линекс
• Линекс форте

Нэртэй холбоотой түлхүүр үгс:

• Линекс хэрэглэх заавар
• Линекс эм
• Линекс форте хэрэглэх заавар
• Линекс форте
• Линекс форте хүүхэд
• Линекс хэрэглэх заалт