Худалдааны нэр:

Цитофлавин (Cytoflavin)

Эмийн хэлбэр:

Гэдсэнд уусдаг бүрхүүлтэй шахмал

Найрлага:

Нэг шахмалын агууламж:

Үйлчлэгч бодис:

Сукцины хүчил – 0,300 г
Инозин – 0,050 г
Никотинамид – 0,025 г
Рибофлавиний натри фосфат – 0,005 г

Туслах бодис:

Повидон К30, стеарат кальци, гипромеллоз, полисорбат-80,
Гэдсэнд уусдаг шахмалын бүрхүүл:
Метакрилийн хүчил ба этилакрилатийн сополимер [1:1], пропиленгликоль, будагч бодис кармуазин (Е 122).

Ерөнхий шинж чанар:

Гадуураа улаан өнгийн бүрхүүлтэй, дугуй хэлбэртэй, хоёр талдаа гүдгэр шахмал. Эмийн цөм нь шар буюу улбар шар өнгөтэй.

Эмийн эмчилгээний бүлэг:

Мэдрэлийн тогтолцооны эмгэгийн эмчилгээнд хэрэглэгдэх нейропротектор бүлэг.

ATC КОД: N07XX

Фармакологийн шинж чанар

Фармакодинамик:

Цитофлавин (CYTOFLAVIN®) эмийн үйлчлэл нь түүний найрлаганд орсон бодисуудын хам үйлдлээр илэрнэ.
Сукцины хүчил нь бие махбодид энерги нийлэгжүүлэх үүрэг бүхий Кребсийн Циклийн эсийн доторх эндоген бодисын солилцооны бүтээгдэхүүн юм. Сукцины хүчил нь богино хугацаанд флавинадениндинуклеотид (ФАД) коферментийн оролцоотой митохондрийн сукцинатдегидрогеназа ферментийн нөлөөгөөр фумарын хүчил, цаашид Кребсийн Циклийн хэлхээнд метаболит болж хувирдаг. Ингэснээр аэроб гликолиз ба эс дэх АТФ-ийн нийлэгжилтийг идэвхижүүлнэ. Кребсийн Цикл дэх сукцины хүчлийн эцсийн бүтээгдэхүүн нь ус ба карбон диоксид юм. Сукцины хүчил нь митохондр дахь электрон зөөвөрлөлтийг нэмэгдүүлэх замаар эдийн амьсгалыг сайжруулдаг.
Рибофлавин нь сукцинатдегидрогеназ болон Кребсийн цикл дэх бусад исэлдэн-ангижрах урвалуудыг идэвхижүүлдэг флавин кофермент (ФАД) юм.
Никотинамид нь никотины хүчлийн амид юм. Эс дэх никотинамид нь биохимийн урвалын нөлөөгөөр никотинамидадениннуклеотид (НАД) болон түүний фосфат (НАДФ) хэлбэрт шилжих ба энэ нь Кребсийн Цикл дэх никотинамидаас хамааралтай ферментүүдийг идэвхижүүлнэ. Эдгээр ферментүүд нь эсийн амьсгал болон АТФ нийлэгжилтэд оролцдог.
Инозин нь пурины уламжлал бөгөөд АТФ-ийн урьдал бодис юм. Инозин нь Кребсийн Циклийн хэд хэдэн фермент, флавинадениндинуклеотид (ФАД), никотинамидадениндинуклеотид (НАД) г.м хэд хэдэн коэнзим-нуклеотидийн нийлэгжилтийг идэвхижүүлнэ.
Ийнхүү Цитофлавин (CYTOFLAVIN®) эмийн найрлага дахь бүх бүрдлүүд нь эдийн амьсгалыг дэмждэг, бие махбодийн өөрийнх нь бодисын солилцооны бүтээгдэхүүн болно.
Цитофлавин (CYTOFLAVIN®) эмийн энерги тэнцвэржүүлэх, гипоксийн эсрэг, антиоксидант эмчилгээний үр дүн нь сукцины хүчил, инозин, никотинамид, рибофлавины харилцан бие биенээ дэмжсэн үйлчлэлийн үр дүнд илэрдэг.

Фармакокинетик:

Цитофлавин (CYTOFLAVIN®) нь биохүрэхүй өндөртэй бэлдмэл юм.
Сукцины хүчил нь уух үед ходоод гэдэсний замаас цус болон эдэд шимэгдэн орж, энергийн солилцоонд оролцон, 30 минутын дараа бодисын солилцооны эцсийн бүтээгдэхүүн буюу карбон диоксид, ус болж бүрэн задарна.
Инозин нь ходоод гэдэсний замаас сайн шимэгдэнэ. Цусан дахь хамгийн дээд хэмжээ нь 5 цагийн дараа ажиглагдана, цусанд байх дундаж хугацаа – 5,5 цаг, тархалтын эзэлхүүн нь ойролцоогоор 20 литр байдаг. Инозин нь элгэнд инозинмонофосфат ба цаашид исэлдэн шээсний хүчил болж задардаг. Бөөрөөр бага хэмжээтэй ялгарна.
Никотинамид нь бүх эдэд хурдан тархдаг (тархалтын эзэлхүүн нь ойролцоогоор 500 литр). Цусан дахь хамгийн дээд хэмжээндээ 2 цагийн дараа хүрдэг, цусанд байх дундаж хугацаа нь 4,5 цаг. Никотинамид нь ихэсийн хоригийг нэвтэрч, хөхний сүүгээр ялгардаг. Мөн элгэнд N-метилникотинамид болж задрах ба бөөрөөр гадагшилдаг.
Рибофлавин нь ходоод гэдэсний замаас хурдан шимэгдэх бөгөөд эдэд харилцан адилгүй тархаж (миокард, элэг, бөөрөнд илүүтэй хуримтлагдана), митохондрт флавинаденинмононуклеотид (ФМН) ба флавинадениндинуклеотид (ФАД) болж хувирна. Мөн ихэсийн хоригийг нэвтэрч, хөхний сүүтэй гадагшлах ба бөөрөөр бодисын солилцооны эцсийн бүтээгдэхүүн байдлаар ялгарна.

Хэрэглэх заалт

Цитофлавин (CYTOFLAVIN®) эмийг насанд хүрэгсдэд дараах эмгэгийн үеийн хавсарсан эмчилгээнд хэрэглэнэ:

Тархины шигдээсийн үлдэц
Тархины судасны бусад эмгэгүүд (тархины судасны хатуурал, тархины цусан хангамжийн алдагдал, даралт ихсэлтийн энцефалопати),
Мэдрэл сульдал (цочромтгой болох, ядрах, оюуны болон биеийн ачаалал даах чадвар буурах),
Өндөр настай өвчтөний том хэмжээний мэс ажилбарын дараах танин мэдэхүйн дутмагшлаас урьдчилан сэргийлэх зорилгоор хэрэглэнэ.

Хэрэглэх арга ба тун

Цитофлавин (CYTOFLAVIN®) эмийг 2 шахмалаар өдөрт 2 удаа, 8-10 цагийн зайтай ууж хэрэглэнэ. Шахмалыг хоолноос 30 минутын өмнө, зажлалгүй 100 мл усаар даруулж залгина.
Бэлдмэлийг өглөө ба өдрийн цагаар буюу 18 цагаас өмнө хэрэглэнэ.
Тархины ишемийн харвалтын дараах болон тархины судасны эмгэгшилийн танин мэдэхүйн өөрчлөлт, мэдрэл сульдалын үеийн хавсарсан эмчилгээнд 2 шахмалаар өдөрт 2 удаа ууна 8-10 цагийн зайтай ууж хэрэглэнэ.
Ээлж эмчилгээний үргэлжлэх хугацаа 25 хоног (ээлж эмчилгээнд 100 шахмал) байна. Давтан ээлж эмчилгээг 1 сараас багагүй хугацааны дараа эхэлж болно.
Өндөр настай өвчтөний том хэмжээний мэс ажилбарын дараах танин мэдэхүйн думагшлаас урьдчилан сэргийлэх зорилгоор 2 шахмалаар өдөрт 2 удаа ууна 8-10 цагийн зайтай 25 хоног (ээлж эмчилгээнд 100 шахмал) ууж хэрэглэнэ.
Цитофлавин шахмалыг хагалгаанаас хойшхи 144 (±4) цагийн дараа хэрэглэж эхэлнэ.
Цитофлавин тарилгын бэлдмэлийг дээр дурьдсан эмгэгшилүүдийн үед өвчтөний хүнд хөнгөний байдлаас хамааран ихэнхдээ уух хэлбэрийн өмнө хэрэглэдэг.

Хориглох заалт

Цитофлавин бэлдмэлийн найрлага дахь бүрэлдэхүүний аль нэгэн бодисонд хэт мэдрэгшилтэй нь тогтоогдсон үед, мөн үр ашигтай хийгээд аюулгүй эсэх тухай мэдээлэл хомс байгаа тул 18-аас доош насны хүүхдэд хэрэглэхийг зөвлөдөггүй болно.

Гаж нөлөө

ДЭМБ-ын ангиллын дагуу эмийн гаж урвалыг давтамжаар нь дараах байдлаар ангилсан болно:

маш түгээмэл ( ≥ 1/10);
түгээмэл (≥1/100 - <1/10);
цөөвтөр(≥ 1/1000 - < 1/100);
ховор (≥ 1/10000 - < 1/1000);
маш ховор (< 1/10000);
давтамж тодорхойгүй (одоогийн байгаа мэдээллээр гаж нөлөөний давтамуийг тодорхойлох боломжгүй).

Эрхтэн тогтолцооны ангилал	Гаж урвалуудын давтамж	Шинж тэмдэгүүд
Мэдрэлийн тогтолцооны талаас илрэх эмгэгшилүүд	Маш ховор	Толгой өвдөх
Судасны талаас илрэх эмгэгшилүүд	Маш ховор	Арьсны судасны зураглал тодрох
Ходоод гэдэсний талаас илрэх эмгэгшилүүд	Маш ховор	Аюулхай орчмын өвдөлт ба хямралууд, дотор муухай оргих
Арьс ба арьсан доорх эдийн талаас илрэх эмгэгшилүүд	Маш ховор	Загатнах, тууралт гарах, чонон хөрвөс
Бодисын солилцооны талаас илрэх эмгэгшилүүд	Маш ховор	Түр зүүрийн гипогликеми, гиперуреми ба тулай өвчин сэдрэх

Хэрвээ ямар нэгэн гаж нөлөө илрэх буюу биеийн байдал дорьдвол, энэхүү зааврын хуудсанд дурьдагдаагүй ч гэсэн тухайн гаж урвалыг эмчид мэдээлэх хэрэгтэй.

Тун хэтрэлт

Цитофлавин (CYTOFLAVIN®) бэлдмэлийн тун хэтрэлт одоогоор бүртгэгдээгүй.

Бусад эмийн бэлдмэлтэй харилцан нөлөөлөл:

Сукцины хүчил, инозин ба никотинамид нь бусад эмийн бэлдмэлүүдтэй зохицол сайтай.
Рибофлавин нь зарим антибиотикийн үйлчилгээний идэвхийг сулруулдаг(тетрациклин, эритромицин, линкомицин), стрептомицинтэй үл нийцэлтэй. Этанол, гурван цагирагт антидепрессант, сувганцарын шүүрэл хориглох бэлдмэлүүд нь рибофлавины шимэгдэлтийг бууруулна. Бамбайн булчирхайн дааврууд нь энэхүү бэлдмэлийн бодисын солилцоог түргэсгэдэг.

Болгоомжлол

Хоол боловсруулах замын өвчнүүд (ходоод, дээд гэдэсний улайлт, шарх, ходоод болон дээд гэдэсний үрэвсэл сэдэрсэн үе), артерийн даралт буурах, бөөр чулуужих өвчин, тулай, цусанд шээсний хүчил ихэссэн өвчтөнүүдэд, мөн зохиомол цусны эргэлтийн аппарат хэрэглэн зүрхний мэс ажилбар хийлгэж байгаа өвчтөнд цитофлавин бэлдмэлийг болгоомжтой хэрэглэнэ.
Хэрэв таньд дээр дурьдсан эмгэгүүдийн аль нэг байгаа бол хэрэглэхийн өмнө эмчээс зөвлөгөө авах хэрэгтэй.

Тусгай анхааруулга

Цусны даралт ихтэй цитофлавин бэлдмэлийг хэрэглэхдээ өвчтөнд даралт бууруулах эмийн хэрэглээнд зохицуулга хийж болох юм.
Чихрийн Шижинтэй өвчтөнд хэрэглэхдээ цусан дахь сахарын хэмжээг хянах шаардлагатай.
Энэхүү эмийг хэрэглэх үед шээсний өнгө нь шар өнгөтэй гарч болох юм.

Жирэмсэн ба хөхүүл үеийн хэрэглээ

Цитофлавин (CYTOFLAVIN) бэлдмэлийн жирэмсэн болон хөхүүл эхчүүдэд хэрэглэсэн судалгаа хийгдээгүй тул хэрэглэхийг зөвлөхгүй.

Жолоо барих болон техниктэй ажиллах үед бэлдмэлийн үзүүлэх нөлөө

Цитофлавин (CYTOFLAVIN®) бэлдмэл нь жолоо барих болон техниктэй ажиллах чадварт нөлөөлөхгүй.

ХҮЧИНТЭЙ ХУГАЦАА БА ХАДГАЛАХ НӨХЦӨЛ

Савлагаанд заагдсан хүчинтэй хугацаа дууссан бэлдмэлийг хэрэглэж болохгүй.
30ºС-ээс дээшгүй хэмд, гэрлийн шууд тусгалаас хамгаалагдсан нөхцөлд хүүхэд хүрэхгүй газар хадгална.