Худалдааны нэр

Дицинон

Олон улсын нэршил:

Этамзилат | etamsylate

Эмийн хэлбэр: Шахмал

Найрлага:

Үйлчлэгч бодис: Этамзилат.
Нэг шахмалд: 250 мг этамзилат агуулагдана.
Туслах бодис: Нимбэгний усгүйжүүлсэн хүчил (е 330), эрдэнэшишийн цардуул, лактозын моногидрат, повидон, магнийн стеарат.

Дүрслэл:

Цагаан эсвэл цагаандуу өнгөтэй, дугуй, хоёр талдаа гүдгэр шахмал.

Эмийн эмчилгээний бүлэг:

Системийн үйлдэлтэй цус тогтоох бэлдмэл

Атх код: в02вх01

Фармакологийн шинж чанар

Фармакодинамик:

Этамзилат нь гемостазын эхний үед (эндотель ба тромбоцитын харилцан үйлчлэлийн үе) үйлчлэх цус тогтоох ба судас хамгаалах нийлэг бэлдмэл. Тромбоцитын наалдамхай чанарыг сайжруулж мөн бичил судасны эсэргүүцэлийг сэргээснээр цус алдах хугацаа, алдах цусны хэмжээг багасгана.
Этамзилат судас нарийсгах үйлдэл үзүүлэхгүй, фибринолиз ба сийвэнгийн бүлэгнэлтийн факторт нөлөөлөхгүй.

Фармакокинетик:

Этамзилатыг ууж хэрэглэхэд ходоод гэдэсний замаар удаан, бүрэн шимэгдэнэ. Туйлын биохүртэхүй нь бүрэн тогтоогдоогүй. 500 мг-ийг ууж хэрэглэхэд цусны сийвэнгийн дээд концентраци 15 мкг/мл-т 4 цагийн дараа хүрнэ. Сийвэнгийн уурагтай холбогдолт ойролцоогоор 95%. Эхэсийн хоригийг давна. Эх ба ургийн цусанд бэлдмэл ижил хэмжээгээр тодорхойлогдоно. Этамзилат нь хөхний сүүгээр ялгардаг нь тодорхойгүй.
Сийвэнгээс ялгарах хагас задралын хугацаа нь 8 цаг. Тунгийн 70-80% нь эхний 24 цагт шээсээр хувиралгүйгээр ялгарна.
Бөөр болон элэгний үйл ажиллагааны алдагдалтай хүмүүст этамзилатын фармакокинетик өөрчлөгддөг эсэх нь тодорхойгүй.

Хэрэглэх заалт

Мэс засалд:

Судасжилт ихтэй эрхтэнд хийх мэс засал эсвэл бүх төрлийн мэс заслын өмнө болон дараа урьдчилан сэргийлэх болон эмчилгээний зорилгоор хэрэглэнэ. Жишээ нь: Чих хамар хоолой, эх барих эмэгтэйчүүд, бөөр шээсний зам, шүд, эрүү нүүр, нүд, гоо сайхны болон нөхөн сэргээх зэрэг мэс засал.

Эмчилгээнд:

Янз бүрийн шалтгаан, байрлал бүхий капилярын цус алдалтын урьдчилан сэргийлэлт, эмчилгээнд хэрэглэнэ. Жишээ нь: Гематури, цустай бөөлжих, өтгөн цустай гарах, хамраас цус гарах, буйлнаас цус гарах

Эмэгтэйчүүд:

Метрораги, анхдагч ба хоёрдогч умайн цус алдалт.

Хориглох заалт

Бэлдмэлийн найрлагад орсон бодист харшилтай
Хурц порфири

Онцгой заалт, анхааруулга

Сарын тэмдэг их хэмжээгээр ирж байгааг багасгах, хугацааг богиносгох зорилгоор хэрэглэхэд үр дүнгүй. Бэлдмэл лактоз агуулсан. Ховор тохиолдох удамшлын шалтгаант галактоз ба лактазын дутагдал эсвэл глюкоз, галактозын шимэгдэлтийн алдагдалтай бол хэрэглэхгүй.

Жирэмсэн ба хөхүүл үед

Жирэмсэн эмэгтэйчүүдэд хэрэглэсэн тухай эмнэл зүйн баримт байхгүй. Амьтан дээр хийсэн туршилтаар урагт хортой нөлөө, ургийн хөгжил, явцад шууд ба шууд бус сөрөг нөлөө тодорхойлогдоогүй. Жирэмсэн үед болгоомжтой хэрэглэнэ.
Хөхний сүүгээр ялгарах талаар мэдээлэл байхгүйтэй холбоотой эмчилгээ хийлгэж байх үед хүүхдээ хөхөөр хооллохгүй. Хэрэв хөхөөр хооллох шаардлагатай бол эмчилгээг зогсооно.

Жолоо барих, техниктэй ажиллах чадварт үзүүлэх нөлөө

Жолоо барих, техниктэй ажиллах чадварт нөлөөлөх байдлыг судалсан судалгаа байхгүй.

Хэрэглэх арга, тун

Ууж хэрэглэнэ.

Насанд хүрэгсэд ба өсвөр насныхан

Мэс заслын өмнө: 1-2 шахмал дицинон 250 мг (250-500мг)мэс ажилбараас 1 цагийн өмнө хэрэглэнэ.
Мэс заслын дараа: 1-2 шахмал дицинон 250 мг (250-500мг)4-6 цаг тутамд цус алдах эрсдэл арилтал.
Эмчилгээнд: Ихэнхдээ 2 шахмал дицинон 250 мг (500мг) хоногт 2-3 удаа (1000-1500мг) хооллох үедээ бага зэрэг усаар даруулж ууна.
Эмэгтэйчүүдийн практик, мено-метроррагии: 2 шахмал дицинон 250 мг (500мг) хоногт 3 удаа (1500мг) хооллох үедээ бага зэрэг усаар даруулж ууна. Тооцоолж буй сарын тэмдэг ирэх өдрөөс 5 хоногийн өмнөөс уух ба 10 хоногий турш хэрэглэнэ.

Хүүхэд

Насанд хүрэгсдийн тал тунгаар хэрэглэнэ.

Элэг, бөөрний үйл ажиллагааны дутагдалтай өвчтөн

Элэг, бөөрний үйл ажиллагааны дутагдалтай өвчтөнд эмнэл зүйн судалгаа хийгдээгүй учраас дицинон 250 мг шахмалыг болгоомжтой хэрэглэнэ.

Гаж нөлөө

Маш олон(≥1/10), олон (≥1/100, <1/10), олон биш (≥1/1000, <1/100), цөөн (≥1/1000, <1/1000), маш цөөн ( <1/10000), тодорхойгүй (тохиолдолыг тодорхойлох боломжгүй).

Ходоод гэдэсний талаас илрэх өөрчлөлт: