Витамин В комплекс нь зүрх судас, эд эсийн биеийн эрхтний хэвийн үйл ажиллагаанд чухал үүрэг гүйцэтгэдэг. Эдгээр витаминуудыг ихэвчлэн хоол хүнснээс авдаг.

Витамин В комплекс нь В-ийн төрлийн 8 витаминаас бүрддэг.

• В1 (тиамин)
• В2 (рибофлавин)
• В3 (ниацин)
• В5 (пантотений хүчил)
• В6 (пиридоксин)
• В7 (биотин)
• В9 (фолийн хүчил)
• В12 (кобаламин)

Витамин В комплекс нь эрүүл мэндэд ямар ач тустай вэ?

Эрүүл мэндийг байшингаар төсөөлвөл витамин В комплекс нь барилгын материал гэж ойлгож болно. Таны энерги, тархины үйл ажиллагаа, эд эсийн бодисын солилцоонд шууд нөлөөлж байдаг.

Дараах үйл ажиллагаанд нөлөөлдөг:

• Эд эсийн эрүүл үйл ажиллагаа
• Цусны улаан эсийн өсөлт
• Эрчим хүчний эх тогтвортой түвшинг барих
• Харааны эрхтэн
• Тархины үйл ажиллагаа
• Хоол боловсруулах эрхтэн
• Хоолын дуршил
• Мэдрэлийн үйл ажиллагаа
• Гормоны үйл ажиллагаа
• Зүрх судасны үйл ажиллагаа
• Булчингийн үйл ажиллагаа

Жирэмсэн эмэгтэйчүүдэд витамин В комплекс хэрэгтэй юу?

В аминдэмийн бүрдэл нь жирэмсэн, хөхүүл эмэгтэйчүүдэд онцгой ач холбогдолтой.

Ургийн тархины хөгжилд туслахаас гадна, ургийн гажиг үүсэх эрсдэлийг бууруулдаг.

Тестостероны нэмэгдүүлдэг үү?

В аминдэмийн бүрдэл “тестостероныг нэмэгдүүлэх” нэмэлт тэжээлд оруулдаг бөгөөд эрэгтэйчүүдэд тестостероны түвшинг нэмэгдүүлдэг гэж үздэг бөгөөд судалгаагаар нотлогдоогүй байна.

Өдөр тутамд хэр хэмжээний витамин В комплекс хэрэгтэй вэ?

Эмэгтэйчүүдийн өдөр тутмын хэрэглээ:

• В1: 1.1мг
• В2: 1.1мг
• В3: 14мг NE
• В5: 5мг
• В6: 1.3мг
• Биотин: 30мкг
• Фолийн хүчил: 400мкг DFE
• В12: 2.4мкг

Эрэгтэйчүүдийн өдөр тутмын хэрэглээ:

• В1: 1.2мг
• В2: 1.3мг
• В3: 16мг NE
• В5: 5мг
• В6: 1.3мг
• Биотин: 30мкг
• Фолийн хүчил: 400мкг DFE
• В12: 2.4мкг

Таны биед витамин В комплексийг зохих ёсоор шингээхэд дараах өвчнүүд саад учруулдаг.

Үүнд:

• Гэдэсний өвчин
• ХДХВ
• Кроны өвчин
• Архины хэрэглээ
• Бөөрний өвчин
• Ревматоид артрит
• Шархлаат колит

В витаминууд нь ямар хоол хүнсэнд агуулагддаг вэ?

Олон тооны хоол хүнсэнд В витаминууд агуулагддаг учир хоол хүнснээс хангалттай хэмжээгээр эрүүл хүн авч чаддаг. 

Та В витамиуудыг дараах хүнснээс авч болно.

• Сүү
• Бяслаг
• Өндөг
• Элэг, бөөр
• Тахиа, улаан мах
• Туна загас, хулд загас
• Хясаа
• Бууцай, байцаа хар ногоон хүсний ногоо
• Манжи, авокадо
• Үр тариа
• Буурцаг, шош, вандуй
• Самар, үр
• Цитрус, банана, тарвас, жимс, жимсгэнэ
• Шар буурцагны бүтээгдэхүүн
• Мөөг

В витамин дутагдаж байгаа үед ямар шинж тэмдгүүд илэрдэг вэ?

Ихэнх хүмүүс тэнцвэртэй хооллолтоор В витаминыг хангалттай хэмжээгээр авдаг. Гэсэн хэдий ч ходоодны эм протоны шахуурга дарангуйлагч эм уудаг эсвэл цагаан хоолны дэглэм баримталдаг бол В витамины дутагдалд хүргэдэг.

Дараах шинж тэмдгүүд В витаминыг дутагдаж байгааг илгэдэг. Үүнд:

• Тууралт
• Амны эргэн тойрон хагарах
• Уруул хуурайших
• Хэл хавдах
• Ядрах, сульдах
• Цус багадалт
• Цочромтой болох
• Дотор муухайрах
• Хэвлий базлалт
• Суулгалт
• Өтгөн хатах
• Хөл гарын мэдээ алдалт

Витамин В комплексийг нэмэлтээр авах шаардлагатай юу?

В витамины дутагдалтай гэдгийг нотлоогүй л бол нэмэлт тэжээлээр авах шаардлагагүй.

Дараах тохиолдолд нэмэлтээр авах шаардлагатай. Үүнд

• 50 ба түүнээс дээш настай
• Жирэмсэн, хөхүүл
• Архаг хууч өвчинтэй
• Урт хугацаанд эмчилгээ хийлгэж байгаа
• Хатуу хоолны дэглэм барьж байгаа бол.

 

Витамин В комплексийг хэтрүүлэн хэрэглэвэл гаж нөлөө илрэх үү?

Хоолны дэглэм болон В витамин эмчийн зааврын дагуу хэрэглэж байгаа үед тун хэтрэх тохиолдол гардаггүй. Усанд уусдаг витамин учир биед хадгалагдахгүй ба өдөр бүр шээсээр ялгардаг.

Хэт их хэрэглэх үед В витамин нь тодорхой гаж нөлөө үзүүлдэг.

Витамин В6: гар хөлийн мэдрэмж алдагдах

Фолийн хүчил: Витамин В12 дутагдлын шинж тэмдгийг нууж мэдрэлийн системийг гэмтээх аюултай.

Ниацин: арьс улайлт үүсэх, удаан хугацаагаар хэтрүүлэн хэрэглэх нь элэгний гэмтэлд хүргэдэг.

 

Түлхүүр үгс: Витамин Б комплекс, Vitamin B, Витамин В, В витамины төрлүүд, Витамин B