Витаминууд нь бидний бие хэвийн өсч, хөгжихөд хэрэгцээт нэгдлүүд юм. Ихэнх витаминуудийг хоол хүнснээс авах хэрэгтэй байдаг учир нь хүний бие витаминийг үүсгэдэггүй эсвэл маш бага хэмжээгээр үүсгэдэг юм. Ялгаатай витаминууд хүний биед өөр үүргүүд гүйцэтгэдэг бөгөөд эрүүл амьдрахын тулд хангалттай хэмжээгээр авч байх хэрэгтэй байдаг.

Биотины түүх.

1916 онд, В.Г. Бэйтман эрдэмтэн, түүхий өндөгний цагаан ихтэй хоол нь нохой, муур, хүнд хүртэл хортой өвчин үүсгэж буйг ажиглажээ.

Энэ нь 1927 онд зөвшөөрөгдөж, судлаачид зөвхөн өндөгний цагаанаар хооллосон харханд тархины үйл ажиллагааны хямрал, үс уналт, арьсны асуудал үүсгэж, цаашдаа үхэлд хүргэж байжээ.

Гэвч энэ нь 1936 он хүртэл шалтгааныг олоогүй байсан ба Германы биохимич чанасан өндөгний шараас талст нэгдлийг ялгаж аван, биотин гэж нэрлэсэн бөгөөд үүнийг ‘Биос’-ийн нэг бүрэлдэхүүн гэж үзжээ.

Биос гэдэг үг нь амьдрал гэсэн утгатай үг юм.

Биотин нь усанд уусдаг витамин, Та зөвхөн тосонд уусдаг витаминууд буюу А, D, E, K витамин нь биед нөөцлөгддөг гэдгийг мэдэх байх. Тиймээс, Биотинийг эрүүл, оновчтой хүнснээс авах боломжтой юм. Биотинийг өөрөөр витамин В7 ба Н витамин гэж нэрлэдэг.

Н тэмдэглэгээ нь HAAR UND HAUT буюу Герман хэлээр Үс, Арьс гэсэн утгатай.

 

Биотины чухал үүргүүд

1. Биотин нь бодисын солилцоонд чухал үүрэг гүйцэтгэдэг.

Бидний идэж буй хоол урт процессийн дагуу метаболизмд орж, энергийн эх үүсвэр болдог. Жишээлбэл, бид хангалттай нүүрс ус, ашигтай хэмжээний уураг, өөх тос агуулсан эрүүл хоол идлээ гэж бодъё. Хоол гэдсэнд хүрэх үед – олон төрлийн шүүс ба ферментүүд тэдэнд үйлчилж эхэлдэг. Эдгээр ферментүүд нь том макротэжээлийн бодисуудыг жижиг болгож задалдаг. Тэжээлийн бодисууд нь хангалттай жижиг нэгж хүртэл задрахад, цусруу орж, бүтэн биеэр тараагдаж, хэрэглэгддэг. Энд биотин нь чухал үүрэг гүйцэтгэдэг.

Жишээ нь:

• Глюконеогенез- буюу глюкозийг өөх тос эсвэл амин хүчлээс үүсгэх процесс юм. Гюконеогенезийн талаар гүнзгий ярихгүй бөгөөд – та Биотин агуулсан ферментүүд нь глюконеогенезид амин чухал хэрэгцээтэй гэдгийг л мэдэх хэрэгтэй

• Биотин нь мөн амин хүчлийн задралд чухал – амин хүчил нь уургийг бүтээгч хамгийн жижиг нэгж юм. Лейцин зэрэг амин хүчил биед задарч, ашиглагдахад биотин агуулсан ферментүүд шаардагддаг.

• Биотин нь мөн өөхний хүчлийн нийлэгжилд чухал Өөх тос нь хүний бие илүүдэл энергийг нөөцлөх анхдагч арга билээ. Биотин хамааралт ферментүүд нь өөхний хүчил нийлэгжих уг процесст амин чухал юм. 

2. Хүний биед гүйцэтгэх 2 дахь чухал үүрэг бол Арьс, Үс, Хумсны эрүүл мэндийг хадгалахад туслах Кератин нь таны арьс, үс, хумсыг бүтээгч суурь уураг юм.

Биотин нь кератиний био бүтцийг сайжруулж, цаашдаа үс, хумсны эрүүл мэндийг хадгалахад тусалдаг. Үс ургалтанд биотин ашигтай эсэхийг судлахаар 2015 онд судалгаа хийжээ. 3 сарын туршид, үс нь шингэрсэн насанд хүрсэн эмэгтэйчүүдийг оролцуулсан байна. 30 эмэгтэй биотиноор баялаг далайн уургийн нэмэлт хэрэглэсэн ба өөр 30 эмэгтэйд плацебо хэрэглүүлсэн байна. Нэмэлт хэрэглэж эхлэхээс өмнө тэдний хуйхны зургийг дарж, 90 хоногийн дараах ижил хэсгийн зурагтай харьцуулсан байна. Үр дүнд нь биотиноор эмчилсэн эмэгтэйчүүдийн бай талбай дахь үсний тоо илэрхий нэмэгдсэн байна. Биотин хэрэглэх нь мөн хэвийн үеийн үс уналтыг илэрхий бууруулсан байна. Судалгааны үед ямар нэгэн гаж нөлөө илрээгүй. Судлаачид Биотинийг үс шингэрэх болон унах үед хэрэглэхэд үсний ургалтыг дэмждэг, үс уналтыг бууруулдаг гэсэн дүгнэлтэнд хүржээ.

3. Биотин нь жирэмсэн эхчүүдэд чухал үүрэгтэй.

Судалгааны дүнд, хөнгөн зэргийн биотиний дутагдал жирэмсэн үед элбэг тохиолддог гэжээ. Ихэнх хүмүүс хүнсээрээ хангалттай биотин авдаг ч, АНУ-ын жирэмсэн эмэгтэйчүүдийн 50% гаруй нь хамгийн бага зэргээр биотиний дутагдалтай байдаг гэсэн тоо байна. Энэ нь биотин амархан задардагтай холбоотой. Иймд, жирэмсэн эмэгтэйд биотин хэвийнээс илүү хэмжээгээр шаардагдаж болох юм.

Биотиний дутагдал

Биотиний дутагдалд орох нь ховор, учир нь ихэнх хоолонд энэ нь хангалттай байдаг. Гэвч дурьдах ёстой зарим онцгой тохиолдлууд байдаг. Энэ нь ялангуяа гимнастик, фитнесст улангассан хүмүүст хэрэгтэй. Тэгэхээр, түүхий өндөгний цагааныг иддэг хүмүүс биотиний дутагдалд орох эрсдэлтэй байдаг. Энэ нь холбогч хүчин зүйл АВИДИН-с болдог ба, энэ нь биотинтэй холбогдож гэдсэнд биотин шимэгдэхэд саад болдог.

Мөн гэдэсний өвчинтэй хүмүүс эсвэл судсаар тэжээл хийлгэдэг хүмүүс биотиний дутагдалд орох эрсдэлтэй байдаг

Уналт таталтын эсрэг эм уудаг зарим хүмүүс болон удаан хугацаанд антибиотик хэрэглэж буй хүмүүс биотиний шимэгдэлт буурдагтай холбоотой дутагдалд орох эрсдэлтэй байдаг.

Биотиний дутагдлын үед илрэх зарим зовууриудад:

• Үс унах
• Арьс хуурай, хайрсжих
• Амны өнцөг цуурах
• Хэл хавдах эсвэл ягаан өнгөтэй байх
• Нүд хуурайших
• Хоолны дуршил буурах
• Ядрах, нойргүйдэх
• Сэтгэл гутрал
• Үс шингэрэх, үс салаалах
• Хумс хэврэг болох

• Глюкозийн дисфункци, гар хөлөнд бадайралт, чимчигнэлт үүсгэдэг мэдрэлийн өвчнүүд

Өдөрт хэр их хэмжээний биотин хэрэгтэй вэ?

Аливаа витамин эсвэл эрдсийн хэрэгцээг хэмжих нэг арга нь Хоногт Зөвшөөрөгдөх Тун юм

Хоногт зөвшөөрөгдөх тун гэдэг нь тухайн хүний нас, хүйс, эрүүл мэндийн байдалд тохируулсан стандарт тун юм. Эрүүл мэндийн үндэсний институтиэс -биотиний хоногийн хэрэгцээ нь:

• Нярай – 5-6мкг
• 12-с доош насны хүүхэд – 10-20мкг
• Өсвөр насныхан – 25мкг байдаг бол
• Насанд хүрэгчид 30мкг
• Жирэмсэн ба хөхүүл эмэгтэйчүүдэд арай илүү буюу 30-35мкг хэрэгцээтэй байдаг

Биотиний түвшинг нэмэгдүүлдэг хүнс

• Мах, ялангуяа бөөр ба элэг
• Өндөгний шар
• Бяслаг
• Шар буурцгийн шош
• Газрын самар
• Ногоон навчит ногоо
• Цэцэгт байцаа
• Мөөгнүүд
• Хөрөнгө мөөг (эсгэгч)
• Самарнууд
• Гадил

Гэдэсний бактериуд тодорхой хэмжээний биотинийг үүсгэдэг. Халуун нь биотиний үйлдлийг бууруулж болдог. Тиймээс шүүрхий эсвэл бага боловсруулсан хоол сонгох хэрэгтэй.

Биотиний ирээдүй

Өндөр тунтай биотин нь тархмал хатуурал өвчний эмчилгээнд хэрэглэгдэж байна. Тархмал хатуурал гэдэг нь тархи, нугас, мэдрэлийн аутоиммун өвчин юм. Энэ өвчний үед мэдрэлийн ширхэгийг хамгаалагч, үйл ажиллагааны бүрхүүл гэмтдэг Энэ бүрхүүлийг миелин гэдэг нэрээр нь хүмүүс мэддэг. Биотин нь миелин үүсэлтэнд чухал үүрэг гүйцэтгэдэг байх ёстой. Энэ нь миелин үүсэлтэнд оролцдог түлхүүр ферментийг удирддаг. Иймээс, судлаачид 300мг/хоног тун биотинийг тархмал хатуурлын эмчилгээнд хэрэглэж судалж байна. Тэр нь хэвийн хүний хоногийн хэрэгцээнээс 10,000 дахин өндөр тун юм Эмнэлзүйн туршилт судалгаагаар, үр дүн нь янз бүр гарч байгаагаас, 2019 оны тойм судалгаагаар тархмал хатуурал ба биотиний хамаарлыг цаашид судлах шаардлагатай гэж дүгнэсэн байна. Биотин нь энэ ноцтой өвчний эмчилгээний ирээдүйн гол зарчмыг хадгалж байна.

Хэрвээ таны хоол хүнс биотингүй санагдаж байвал, эсвэл та зүгээр л биотиний түвшинг нэмэгдүүлэхийг хүсч байвал та эмийн сангаас жоргүй хүнсний нэмэлт худалдан авах боломжтой.