Худалдааны нэршил:

• Стопдиар (stopdiar)

Олон улсын нэршил (ОУН):

• Нифуроксазид (nifuroxazide)

Эмийн хэлбэр: 

• Бүрхүүлтэй шахмал

Найрлага

  Нэг ширхэг бүрхүүлтэй шахмалд:

• Үйлчлэгч бодис: нифуроксазид 100мг.
• Туслах бодис: усгүй коллоид кремний диоксид, төмсний цардуул, желатин, тальк, магнийн стеарат.

 Бүрхүүлийн найрлага:

• Гипромеллоз, титаны диоксид (Е171), тальк, полиэтиленгликоль, шар хинолин (Е104).

 Дүрслэл

• Бүрхүүлтэй шахмал.
• Шар өнгийн бүрхүүлтэй шахмал, дугуй хэлбэрийн, хоёр талын гадарга нь гүдгэр, ойролцоогоор 9 мм-ын диаметртай.

Эмийн эмчилгээний бүлэг

• Гэдэсний нянгийн эсрэг бусад бэлдмэл

Фармакологийн шинж

• Нифуроксазид нь – хэсэг газарт нянгийн эсрэг үйлдэлтэй 5-нитрофураны уламжлал бөгөөд грам эерэг  (Staphylococcus-ын зүйл) болон сөрөг (Enterobacteriaceae-ын зүйл болох Escherichia, Citobacter, Enterobacter, Klebsiella, Salmonella, Shigella, Proteus болон Yersinia-ийн төрлийн) нянд нөлөөлдөг.
• Харин нифуроксазид нь Proteus vulgaris, Proteus mirabilis болон Pseudomonas aeruginosa-д нөлөөлдөггүй.
• Хоол боловсруулах замын хэвийн бичил орчны тэнцвэрт байдалд нөлөөлдөггүй (дисбактериоз үүсгэдэггүй), нянгийн хэлбэрт эмийн дасал үүсгэдэггүй. Бэлдмэлийн үйлдлийн механизм нь тодорхойгүй. Нифуроксазидын нянгийн эсрэг үйлдлийн механизм нь нянгийн эсийн ханы дегидрогеназийн идэвхи болон уургийн нийлэгжилтийг дарангуйлдаг.
• Бэлдмэлийн үйлдэл нь гэдэсний хөндий дэх агууламжийн рН-аас хамаарахгүй.
• Нифуроксазидыг ууж хэрэглэхэд хоол боловсруулах замаар шимэгдэхгүй, өтгөнтэй хамт өөрчлөлтгүй хэлбэрээр гадагшилдаг.

Хэрэглэх заалт

• Staphylococcus spp., Escherichia coli-аар үүсгэгдсэн нянгийн гаралтай цочмог суулгалт болон нян илрээгүй ч хэрэглэнэ (ерөнхий байдал буурах, халуурах, хорлдлогот халдвар г.м).
• Тун болон шингэн нөхөх арга (дотуур уух ба судсанд тарих) нь суулгалтын явц, нас болон дагалдах эмгэгээс хамаарна.

Хориглох заалт

• Нифуроксазидын найрлагад орсон үйлчлэгч болон туслах бодист хэт мэдрэг өвчтөнд, эсвэл 5-нитрофураны уламжлалын бэлдмэлд харшилтай өвчтөнд хэрэглэхийг хориглоно.
• 7-оос доош насны хүүхдэд хэрэглэхгүй. Учир нь бага насны хүүхдэд шахмалыг залгих үед саад учрах магадлалтай.

  Эмийг хэрэглэхэд болгоомжлох зүйлс

• Стопдиар® шахмалыг 3 хоног хэрэглэхэд өвчний шинж тэмдэг арилахгүй тохиолдолд эмчлэгч эмч дахин үзлэг хийж өвчний шалтгааныг тогтоон, шаардлагатай гэж үзвэл антибиотик эмчилгээг авна.
• Стопдиар® шахмалыг хоолны нарийн дэглэмтэй хэрэглэнэ. Жимсний шүүс, түүхий ногоо, жимс, халуун ногоо болон хүнд боловсрогддог хоолтой хамт хэрэглэхгүй.
• Эмийн эмчилгээний явцад спиртийн төрлийн ундааг хэрэглэхийг хориглоно. Учир нь архи нь нифуроксазидын бие махбодид мэдрэг чанарыг ихэсгэснээр суулгалт, бөөлжилт, хэвлийгээр өвдөх шинж нэмэгдэх, арьс улайх, нүүр болон дээд мөчдөөр халуун оргих, толгой шуугих, амьсгалахад хүндрэлтэй болох болон айх түгшүүрийг сэдээж хурцатгадаг.

Жирэмсэн болон хөхүүл эхийн эмийн хэрэглээ

  Жирэмсэн  үед нифуроксазидийг хэрэглэх нь

• Жирэмсэн үед эмийн бэлдмэлийг хэрэглэсэн тухай эмнэлзүйн судалгаа байхгүй.
• Амьтанд хийсэн туршилтаас үзэхэд нифуроксазид нь жирэмсний явц, эмбрион болон ургийн хөгжил, төрөх явц болон төрсний дараах хүүхдийн хөгжилтөнд шууд болон шууд бусаар нөлөөлдөггүйг тогтоосон.
• Иймд сэргийлэх зорилгоор нифуроксазидыг жирэмсэн эхэд хэрэглэхгүй. Жирэмсэн эх бэлдмэлийг хэрэглэх тохиолдолд эмчилгээний үр дүн болон эрсдлийг сайн тооцсоны үндсэн дээр хэрэглэхийг анхаар.

  Хөхүүл эх нифуроксазидийг хэрэглэх нь

• Нифуроксазид нь хоол боловсруулах замаар шимэгдэхгүй. Гэвч эмнэлзүйн судалгааны хангалттай баримтгүй учир хөхүүл эхэд нифуроксазидыг болгоомжтой хэрэглэхийг анхаар.
• Хөхүүл эх бэлдмэлийг хэрэглэхээс өмнө эмчлэгч эмчээс заавал зөвлөгөө авах шаардлагатай.

  Авто тээвэр жолоодох ба механизмтай ажиллах чадварт нөлөөлөх байдал

• Стопдиар® шахмал нь механик болон хөдөлгөх удирдлагатай машин механизмыг ажиллах чадварт нөлөөлдөггүй.

Эмчлэгч эмчийн заасан хугацаанаас хэтрүүлж хэрэглэхийг хориглоно.

  Бэлдмэлийн харилцан нөлөөлөл

• Нифуроксазид нь хоол боловсруулах замаар шимэгдэхгүй.
• Нифуроксазидыг хэрэглэх явцад хүчтэй үйлдэлтэй шингээх/адсорбци бүлгийн бэлдмэлтэй хамт хэрэглэхгүй.
• Нифуроксазидыг хэрэглэх явцад архины төрлийн ундааг хэрэглэхгүй, учир нь цочмог болон аюултай урвал болох дисульфирам төст шинж илэрдэг.

Хэрэглэх арга ба тун

• Стопдиар шахмалыг дотуур ууж хэрэглэнэ.
• Насанд хүрэгсдэд болон 7-оос дээш насны хүүхдэд хоногт хоёр шахмалаар 4 удаа ууж хэрэглэнэ. Бэлдмэлийг хоол унднаас хамаарахгүй тогтмол 6 цагийн зайтай ууж хэрэглэнэ.
• Шахмалыг зажлахгүй бүхлээр залгин хангалттай хэмжээний усаар даруулж ууна. Цочмог суулгалтын үед Стопдиар бүрхүүлтэй шахмалыг 3 хоног ууж хэрэглэнэ. Энэ хугацаанд өвчний шинж арилахгүй тохиолдолд эмчид хандана уу!
• Бэлдмэлийг эмчийн зөвшөөрөлгүйгээр 3 хоногоос илүү хэрэглэхийг хатуу хориглоно.

  Эмийн тунг хэтрүүлэн хэрэглэсэн тохиолдолд

• Бэлдмэлийг хэтрүүлэн хэрэглэсэн тохиолдол бүртгэгдээгүй.
• Бэлдмэлийг хэтрүүлэн хэрэглэсэн тохиолдолд ходоод угаах мөн шинж тэмдэгийн эмчилгээ хийгдэнэ.

Гаж нөлөө

Цус төлжүүлэх болон тунгалагийн тогтолцооны талаас:

• Гранулоцит илэрсэн ганц тохиолдол бүртгэгдсэн.

Хоол боловсруулах тогтолцооны талаас:

• Хувь хүн уг бэлдмэлд мэдрэг тохиолдолд хэвлий орчмоор өвдөх, бөөлжих болон суулгалтын шинж тэмдэг нь ихэсдэг. Эдгээр шинж тэмдэг хүчтэй биш илэрсэн тохиолдолд эмийн эмчилгээг зогсоон, тусгай эмчилгээнд орох шаардлагагүй. Харин эдгээр шинж тэмдэг илэрхий илэрвэл эмийн эмчилгээг нэн даруй зогсоох шаардлагатай. Цаашид уг өвчтөнд нитрофураны уламжлалын бэлдмэлийг хэрэглэхгүйг анхаар.

Арьс болон өөхлөг давхаргын талаас:

• Ховор тохиолдолд арьсанд тууралт гарна (≥1/10000 хүртэл <1/1000). Нифуроксазидад хүрэлцэх харшлаар хижээл настанд нэг тохиолдолд цэврүүт тууралт мөн нөгөө нэг тохиолдолд зангилаат загатнаа илэрсэн.
• Хэт мэдрэгжилтийн урвал: амьсгаадах, нүүр, хэл болон уруул хавагнах, арьсанд тууралт гарах, загатнаа илэрсэн тохиолдолд эмийн эмчилгээг шууд зогссоно.

Ямар нэгэн гаж нөлөө илэрсэн тохиолдолд эмчлэгч эмчдид хандана уу.

Хадгалах нөхцөл:

• Уг эмийн бэлдмэл нь хадгалах өвөрмөц нөхцөлийг шаардахгүй.
• Хүүхдийн гар хүрэхээргүй газар хадгал!

Эмийн сангаас олгох нөхцөл:

• Жоргүй олгоно.
• Эмчийн зааврын дагуу хэрэглэнэ.

Эмийн хуудасруу энд дарж ороорой.