Худалдааны нэр:

• Хлорфенамин малеат, хлорфенирамин, хлорфенамон, аллергон

Найрлага:  

• Хлорфенамины малеат

Фармакологийн үйлдэл: 

• Хлорфенамины малеат нь гистамины эсрэг бэлдмэл.

Хэрэглэх заалт: 

• Өвчний халууралт, хамрын салст бүрхүүлийн үрэвсэл, чонон хөрвөс, судас мэдрэлийн хаван, эмийн харшил, хавьтлын дерматит, шавьжинд хазуулах, загатнаа, эмэгтэйчүүдийн гадна бэлдэг эрхтний загатнаа зэрэг харшил болон анафилаксын урвалын үед хэрэглэнэ.

Цээрлэлт:  

• Эпилепси, бронхын багтрааны цочмог өвчин хөдлөл, дутуу төрсөн хүүхэд, нярай хүүхдэд тус тус хэрэглэхийг цээрлэнэ.Жирэмсэн үед хэрэглэж болох эсэх нь тогтоогдоогүй.

Анхааруулга: 

• Бэлдмэлийг хэрэглэх үед нойрмоглох шинж ажиглагдах бөгөөд согтууруулах ундаа хамт хэрэглэсэн тохиолдолд энэ нь хүчтэй илэрнэ. Иймээс эмчилгээний үед тээврийн хэрэгсэл жолоодох, машин механизмтай ажиллах зэрэг анхаарал төвлөрүүлэлт шаардлагатай ажил эрхлэхээс татгалзана. Учир нь аваар осол гарч болзошгүй.

Хэрэглэх арга, тун:  

• Хлорфенамины малеатыг хоногт 1-4 шахмалаар хэрэглэх бөгөөд хоногийн тунг хувааж хэрэглэнэ.

Гаж нөлөө ба онцгой анхааруулга:

• Тайвшруулах, өнгөц буюу гүн нойрсолт, ядарч сульдах, толгой эргэх, баримжаа алдагдах зэрэг шинж илэрнэ.
• Дотор муухайрах, бөөлжих, суулгах, өтгөн хатах, хоолонд дургүй болох буюу хоолны дуршил нэмэгдэх, аюулхай орчим өвдөх зэрэг хоол боловсруулах замын зүгээс гаж нөлөө ажиглагдаж болно.
• Нүд бүрэлзэх, дүлүүлж шээх,  шээхэд өвдөх, ам хатах,  амьсгал давчдах зэрэг холинолитик үйлдэл илэрнэ. Даралт багасах, булчин сульдал, чих шуугих,  хөөрөлд орох, толгой өвдөх зэрэг төвийн гаж нөлөө үзэгдэнэ.
• ТМС-ийн хөөрлийн шинж ялангуяа хүүхдэд нойргүйдэх, цочромтгой болох, зүрхний цохилт олшрох, салганах, таталдах зэрэг шинжээр илэрнэ.
• Хлорфенамины малеат нь тархины гэмтэлтэй өвчтөнд эпилепси хэлбэрийн таталдаа үүсгэж болзошгүй.
• Харшлын урвал болон эмтэй холбоотой солбицсон харшил үүснэ.
• Бэлдмэл холинолитик үйлдэлтэй учир хаалттай өнцөгт нүдний даралт ихсэх өвчин, биед шээс хуримтлагдах, түрүү булчирхайн томрол зэрэг эмгэгийн үед болгоомжтой хэрэглэнэ.
• Моноаминооксидаза ферментэд хориг үүсгэдэг бэлдмэл нь гистамины эсрэг бэлдмэлийн холинолитик үйлдлийг хүчжүүлэх ба гистамины эсрэг бэлдмэл нь бусад атропин сульфат, 3 цагирагт бүтэцтэй сэтгэл уналын эсрэг эм зэрэг бэлдмэлийн холинолитик үйлдлийг нэмэгдүүлнэ.
• Гистамины эсрэг бэлдмэл нь арьсны сорилын үр дүнг өөрчилж болох тул сорилоос хэдэн өдрийн өмнө эмчилгээг зогсооно.
• Этанол, барбитуратууд, нойрсуулах эм, наркозын үйлдэлтэй өвдөлт намдаах эм, тайвшруулах ба сэтгэл засах эм зэрэг бэлдмэлийн ТМС-ийг дарангуйлах үйлдлийг дэмжинэ.

Тун хэтэрсний улмаас илрэх нөлөө ба түүний эмчилгээ:

• Тун хэтэрсний улмаас ялангуяа бага насны хүүхдэд ТМС-ын идэвхжлийн шинж ба холинолитик үйлдэл (тэнцвэргүйдэх, хий юм үзэгдэх, сэтгэл хөөрөл, булчин салганах, таталдах, хүүхэн хараа өргөсөх, ам хатах, нүүр улайх, халуун оргих) илэрч амь насанд нь аюул учирч болно. Гүн комын байдалд орж зүрх судасны дутагдлын улмаас үхэлд хүрч болно.
• Насанд хүрэгсдэд нойрмоглох, комд орох зэрэг ТМС дарангуйлагдах шинж илрэхээс гадна таталдах, даралт багасах зэрэг шинж ажиглагдана.
• Настангууд ТМС-ийг дарангуйлах эмэнд мэдрэг байдаг бөгөөд эмчилгээний тунгаар хэрэглэхэд даралт буурдаг.

Эмчилгээ:  

• Шинж тэмдгийн болон бие махбодын үйл ажиллагааг дэмжих эмчилгээнд

Хадгалалт:  

• 30°С-аас доош хэмийн хүүхэд хүрэхээргүй газар гэрлээс хамгаалж хадгална.

Эмийн сангаас олгох нөхцөл:

• Жороор олгоно. Эмчийн зааврын дагуу хэрэглэнэ.

Эмийн хуудасруу энд дарж ороорой.