Азифарма ХХК ISO 9001:2015 чанарын менежментийн тогтолцооны гэрчилгээгээ амжилттай шинэчиллээ.

Эм хангамжийн салбарт 25 жилийн турш үйл ажиллагаа явуулж буй “Азифарма ХХК” олон улсын ISO 9001:2015 чанарын менежментийн тогтолцооны баталгаажуулалтын аудитыг амжилттай давж, 2026–2029 онд хүчин төгөлдөр үйлчлэх гэрчилгээгээ гардан авлаа.

 

“Азифарма ХХК” байгуулагдсан цагаасаа хойш Монгол Улсын эм, эмнэлгийн хэрэгслийн тухай хууль, төрөөс эрүүл мэндийн талаар баримтлах бодлогод нийцүүлэн, Монгол Улсын эмийн бүртгэлд бүртгэгдсэн, олон улсын чанарын шаардлага хангасан эм, эмнэлгийн хэрэгсэл, биологийн идэвхт бүтээгдэхүүнээр харилцагч, хэрэглэгчдээ ханган ажиллаж ирсэн байна.

Тус компани нь 25 жилийн хугацаанд эм, эмнэлгийн хэрэгслийн бөөний болон жижиглэнгийн худалдаа, эм хангамжийн чиглэлээр тогтвортой үйл ажиллагаа явуулж, Монгол Улсын эрүүл мэнд, эм хангамжийн салбарын хөгжилд хувь нэмрээ оруулсаар иржээ.

ISO 9001:2015 стандартыг 6 жилийн турш тогтвортой хэрэгжүүлж байна

“Азифарма ХХК” нь 2020 оноос ISO 9001:2015 чанарын менежментийн тогтолцоог үйл ажиллагаандаа нэвтрүүлж, эм хангамжийн салбарт олон улсын чанарын стандартыг үйл ажиллагаандаа хэрэгжүүлсэн анхдагч байгууллагуудын нэг болсон байна.

Өнгөрсөн зургаан жилийн хугацаанд чанарын менежментийн тогтолцоог тогтвортой хэрэгжүүлснээр байгууллага үйл ажиллагаагаа системтэйгээр үнэлэх, эрсдэлийг тодорхойлох, урьдчилан сэргийлэх, үл тохирлыг залруулах, үйл явцыг хянах, тасралтгүй сайжруулах боломжийг бүрдүүлжээ.

Ингэснээр чанар нь зөвхөн нэгж, албан тушаалтны хариуцлага бус, байгууллагын бүх түвшинд хэрэгждэг удирдлагын тогтолцоо болон төлөвшиж байна.

Компанийн хамт олон энэхүү гэрчилгээг эцсийн зорилго бус, харин үйл ажиллагааны чанарыг тасралтгүй сайжруулж, менежментийн тогтолцоогоо улам боловсронгуй болгох шинэ хариуцлагын эхлэл хэмээн үзэж байна.

“Азифарма ХХК”-ийн хувьд өнөөгийн амжилтын үндэс нь байгууллагын алсын хараа, эрхэм зорилго, зорилтоо бодитой тодорхойлж, түүнд хүрэхийн тулд эрсдэлийг урьдчилан тодорхойлон удирдах, зөв менежмент хэрэгжүүлэх, мэргэжлийн ур чадвартай хамт олны хичээл зүтгэл, харилцагч, түншүүдийн итгэлцэл, хамтын ажиллагаатай салшгүй холбоотой гэж онцолж байна.

Цаашид тус компани чанарын менежментийн тогтолцоогоо тогтвортой хадгалж, тасралтгүй сайжруулан, харилцагч, түншүүдийнхээ итгэлийг эрхэмлэж, чанар, хариуцлага, мэргэжлийн ёс зүйг үйл ажиллагааныхаа үндсэн үнэт зүйл болгон ажиллахаа илэрхийллээ.

Ийнхүү эм хангамжийн салбарт 25 жилийн турш хуримтлуулсан туршлагадаа тулгуурлан олон улсын чанарын менежментийн стандартыг үйл ажиллагаандаа тогтвортой хэрэгжүүлж буй “Азифарма ХХК” нь цаашид ч чанар, аюулгүй байдал, хэрэглэгчийн сэтгэл ханамжийг эрхэмлэн үйл ажиллагаагаа тасралтгүй хөгжүүлэх зорилт тавин ажиллаж байна.

Чанарыг эрхэмлэж, итгэлийг хамтдаа бүтээж, эрүүл энхийг хамтдаа эрхэмлэе!