Таны өдөр тутмын хооллолт эсийн насжилтад нөлөөлдөг үү?

^{Өглөөг нэг аяга кофегоор эхлүүлж, өдөртөө жимс иддэг энгийн дадал эрүүл насжилтыг дэмжих боломжтойг шинэ судалгаа харуулжээ.}

^{Испанийн Наваррагийн их сургуулийн судлаачид 1,700 гаруй хүний хооллолт болон эсийн насжилтыг илэрхийлдэг теломерийн уртыг судалсан байна.}

^{Теломер гэж юу вэ?}

^{Теломер нь хромосомын төгсгөл хэсгийг хамгаалдаг бүрхүүл юм. Нас ахих тусам теломер богиносдог бөгөөд хэт богино теломер нь зүрх судасны өвчин, чихрийн шижин болон насжилттай холбоотой бусад эрсдэлтэй хамааралтай байдаг.}

^{Судалгааны гол үр дүн}

^{Полифенол хамгийн ихээр хэрэглэдэг хүмүүсийг хамгийн бага хэрэглэдэг хүмүүстэй харьцуулахад:}

• ^{Богино теломертэй байх магадлал 52%-иар бага}

• ^{Өдөрт нэг хүртэл аяга кофе уудаг хүмүүсийн магадлал 26%-иар бага}

• ^{Өдөрт 4–5 порц жимс хэрэглэдэг хүмүүсийн магадлал 29%-иар бага байжээ}

^{Полифенол нь ургамлын гаралтай хүнсэнд агуулагддаг, антиоксидант болон үрэвслийн эсрэг үйлдэлтэй байгалийн нэгдэл юм.}

^{Полифенолоор баялаг хүнс}

^{🫐 Нэрс, бөөрөлзгөнө зэрэг бараан өнгийн жимс
🍎 Алим болон усан үзэм
☕ Кофе
🍵 Ногоон болон хар цай
🍫 Какаоны агууламж өндөр хар шоколад
🥜 Самар болон бусад ургамлын гаралтай хүнс}

 

^{Өдөр тутамдаа хэрхэн хэрэгжүүлэх вэ?}

^{Өглөөний цайндаа багахан жимс нэмэх, олон төрлийн ургамлын гаралтай хүнс сонгох, кофегоо хэт их сахаргүй хэрэглэх зэргээр эхэлж болно.}

^{Гэхдээ кофе эсвэл аль нэг хүнсийг дангаар нь “хөгшрөлтийн эсрэг шидэт шийдэл” гэж ойлгож болохгүй. Тэнцвэртэй хооллолт, тогтмол хөдөлгөөн, чанартай нойр болон стрессийн зөв менежмент хамгийн чухал хэвээр байна.}

^{Өдөр бүрийн жижиг зөв сонголт ирээдүйн эрүүл мэндийг бүтээнэ. 
Эх сурвалж: The Guardian-ийн судалгааны тойм}