Худалдааны нэр:

• Димедрол

Олон улсын нэршил:

• Дифенгидрамин

Эмийн хэлбэр:

• Булчинд болон судсанд тарьж хэрэглэхэд зориулсан уусмал

Эмийн найрлага:

  Идэвхитэй бодис:

• Дифенгидрамин гидрохлорид(димедрол) - 10мг

  Туслах бодис:

• Тарилгын ус - 1мл хүртэл

Эмийн бэлдмэлийн эмийн эмчилгээний бүлэг:

• Харшлын эсрэг, Гистамины Н1-рецепторыг хориглогч бэлдмэл

Код АТХ: R06AA02

Фармакологийн үйлдэл:

Фармакодинамик:

• 1-р үеийн гистамины Н1 рецепторыг хориглогч бэлдмэл. Төв мэдрэлийн системд үзүүлэх нөлөө нь тархины гистамины Н1- рецептор болон М-холинрецепторт хориг үүсгэснээр нөхцөлдөнө. Гистамины нөлөөгөөр ихэссэн гөлгөр булчингийн агчил, хялгасан судасны нэвчимтгий чанарын ихсэлт, эдийн хаван, улайлт, загатнааг багасгах, хэсэг газрын мэдээ алдуулах, бөөлжилтийн эсрэг, тайвшруулах, нойрсуулах үйлдэл үзүүлнэ.
• Гистамины эсрэг үйлчилснээр үрэвсэл болон харшлын үед илрэх хэсэг газрын судасны урвалыг системийн үйлдлээс (артерийн даралтыг бууруулах) илүү хэмжээгээр бууруулдаг. Гэвч цусны нийт эзэлхүүн бага өвчтөнд тарьж хэрэглэх үед артерийн даралт буурах ба багасах шинжийг ихэсгэнэ.
• Тархины голомтот гэмтэлтэй болон эпилепситэй хүмүүст хэрэглэхэд (бага тунгаар хэрэглэсэн ч) ЭЭГ шинжилгээнд эпилепсийн зураглал илрэх ба эпилепсийн уналтыг идэвхжүүлж болно.
• Эмийн үйлдэл нь хэдэн минутанд эхлэх ба 12 цагийн турш үргэлжилдэг.

Фармакокинетик:

• Булчинд болон судсанд тарьж хэрэглэсний дараа бие махбодод өргөн хүрээтэй тархах ба 20-40 минутын дараа цусан дахь концентраци нь дээд хэмжээндээ хүрдэг. Цус тархины хориг болон ихэсээр сайн нэвтэрнэ . Сийвэнгийн уурагтай холбогдолт 99%. Элгэнд хувиралд орно. Хагас ялгаралын хугацаа нь 1-4 цаг. Хөхний сүүгээр ялгарах тул хөхөөр хооллож буй хүүхдэд тайвшруулах нөлөө үзүүлж болзошгүй. Бие махбодоос хоногтоо бүрэн гүйцэд ялгарах ба ихэнх нь глюкуроны хүчилтэй холбогдож бензгидрил хэлбэрээр гадагшилж бага хэсэг нь өөрчлөгдөөгүй хэлбэрээр ялгарна.

Хэрэглэх заалт:

• Анафилаксийн урвал болон анафилакси төст байдал, Квинкийн хаван, ийлдсийн өвчний хавсарсан эмчилгээнд хэрэглэнэ.
• Ходоод ба 12 хуруу гэдэсний шархлаа, хүчил ихэдсэн гастрит (хавсарсан эмчилгээний бүрэлдэхүүнд орно)
• Паркисонизм, хорея, нойргүйдэл
• Жирэмсний бөөлжилт, Меньерийн хамшинж, далайн болон өндрийн өвчин, туяаны өвчин
• Арьс зөөлөн эдийн том хэмжээний гэмтэл (түлэгдэлт, хөлдөлт), цусархаг васкулит, ийлдсийн өвчин
• Ерөнхий унтуулгын өмнөх эмийн бэлтгэл (премедикаци)

Хориглох заалт:

• Бэлдмэлд хэт мэдрэг байх, хаалттай өнцөгт глаукома, түрүү булчирхайн гиперплази, ходоод 12 хуруу гэдэсний нарийсалтай шархлаа өвчин, давсагны хүзүүний нарийсал, гуурсан хоолойн багтраа, эпилепси, 7 сар хүртэл насны хүүхдэд тус тус хэрэглэхийг цээрлэнэ.

Хэрэглэх арга ба тун хэмжээ:

• Судсанд болон булчинд тарьж хэрэглэнэ. Насанд хүрэгсэд болон 14-өөс дээш насны хүүхдэд 10мг/мл уусмалыг 1-5мл (10-50мг)-р өдөрт 1-3 удаа судсанд болон булчинд тарьж хэрэглэх ба хоногийн дээд тун нь 200мг байна.
• 7-12 сартай хүүхдэд 0.3-0.5 мл (3-5мг), 1-3насны хүүхдэд 0.5-1мл (5-10мг), 4-6 настай хүүхдэд 1-1.5мл (10-15мг), 7-14 настай хүүхдэд 1.5-3мл (15-30мг) тунгаар шаардлагатай бол 6-8 цагийн зайтай хэрэглэнэ.

Бэлдмэлийг хэрэглэхэд анхаарах зүйл:

• Димедролыг туяа эмчилгээ болон этанолтой хамт хэрэглэхээс зайлсхийх хэрэгтэй. Бэлдмэлийг хэрэглэх үед бөөлжилтийн эсрэг үйлдэл үзүүлэх тул мухар олгойн үрэвслийн оношлогоонд, мөн зарим эмийн бодисын тун хэтэрсэн шинж тэмдгийг оношлоход төвөгтэй байдлыг бий болгодог тул уг бэлдмэлийг хэрэглэж байгаагаа эмчид мэдээлэх хэрэгтэй. Бэлдмэлийн эмийн хэлбэрийг арьсан дор хэрэглэхийг зөвлөдөггүй.

Тунг хэтрүүлэн хэрэглэх үед:

• Илрэх шинж тэмдэг: Төв мэдрэлийн систем дарангуйлагдах, хөөрлийн байдалд орох (ялангуяа хүүхдэд хэрэглэх үед), депресс үүсэх, хүүхэн хараа өргөсөх, ам хатах, ходоод гэдэсний замын эрхтэн саажих зэрэг шинж илэрнэ.
• Эмчилгээ: Энэ үед өвөрмөц антидот байхгүй тул ходоод угаах, шаардлагатай бол артерийн даралтыг өсгөх бэлдмэл болон хүчилтөрөгч эмчилгээг хэрэглэх, сийвэн орлуулах шингэн юүлэх зэрэг арга хэмжээ авна. Эпинефрин болон аналептик эмүүдийг хэзээ ч хэрэглэхгүй.

Гаж нөлөө:

• Харшлын талаас чонон хөрвөс, гэрэлд хэт мэдрэг болох, арьсанд тууралт гарах, загатнах, анафилаксийн шок үүсч болно.
• Мэдрэлийн эрхтэн тогтолцооны талаас толгой эргэх, нойрмоглох, сэтгэл санаа хямрах, нойргүйдэх, сэтгэл мэдрэлийн хөөрөлд орох, бие сулрах, ядрах, сэтгэл хөдлөлийн хариу урвалын хурд багасах, анхаарал сулрах, толгой өвдөх, оюун санаа самуурах, хөдөлгөөний координаци алдагдах, тайван бус болох , сэтгэл хөдлөл ихсэх (ялангуяа хүүхдэд) , цочромтгой болох, салгалах, мэдрэл үрэвсэх, шөрмөс татах, парестези болох, хараа алдагдах, хоёрчилж харах, дунгийн хурц үрэвсэл үүсэх, чих шуугих, эпилепсийн уналт сэдрэх зэрэг шинжүүд илэрч болно.
• Хоол боловсруулах эрхтэн тогтолцооны талаас ам хатах, богино хугацаанд амны салст бүрхүүл мэдээ алдах, хоолны дуршил буурах, гүйлгэх, өтгөн хатах, аюулхай орчимд эвгүй оргих, аюулхайгаар өвдөх, бөөлжих зэрэг шинж илэрнэ.
• Амьсгалын эрхтэн тогтолцооны талаас амны хөндий, хамар, бронхын салст бүрхэвч хуурайшиж, цэрний зуурамтгай чанар ихсэх, цээжээр хүнд оргих зэрэг шинж илэрнэ.
• Цус төлжүүлэх эрхтэн тогтолцооны талаас цус задралын цус багадалт, тромбоцитопени, агранулоцитоз илэрнэ.
• Зүрх судасны эрхтэн тогтолцооны талаас артерийн даралт буурах, зүрх дэлсэх, тахикарди, экстрасистол, , тромбоцитопени, агранулоцитоз, цус задралын цус багадалт илэрч болно.
• Бусад шинжүүдээс хөлрөх, бие зарайх, гэрэлд хэт мэдрэгших зэрэг шинж илэрнэ.

Бусад эмийн бэлдмэлтэй хавсруулан хэрэглэх:

• Спирт болон бусад эмийн бэлдмэлийн төв мэдрэлийн тогтолцоог дарангуйлах идэвхийг нэмэгдүүлнэ. Моноаминооксидазыг хориглогч бэлдмэл нь димедролын холинрецепторын эсрэг (холинолитик) үйлдлийг дэмжинэ. Психостимулятор бэлдмэлүүдэд антагонист үйлдэл үзүүлнэ. Бөөлжилтийн эсрэг эмтэй адилаар хордлогын эмчилгээнд апоморфины идэвхийг бууруулна. М-холинрецепторыг хориглогч эмүүдийн холинолитик үйлдлийг дэмжинэ.

Онцгой заалт:

• Жирэмсэн болон хөхүүл үед бэлдмэл нь эсрэг заалттай боловч амьдралын заалтаар хэрэглэх шаардлага гарч болно.

Автомашин, механизмтай ажиллаж буй үед эмийн үзүүлэх нөлөө

• Тээврийн хэрэгсэл жолоодож буй болон сэтгэц хөдөлгөөний хурд, анхаарал шаардсан ажил эрхэлж буй хүмүүст хэрэглэхийг зөвшөөрдөггүй.

Хадгалах нөхцөл:

• Гэрлээс хамгаалж 25^oС температурт
• Хүүхэд хүрэхээс сэргийлж хадгална.

Эмийн сангаас олгох нөхцөл:

• Жортой олгоно. Эмчийн зааврын дагуу хэрэглэнэ.

Эмийн хуудасруу энд дарж ороорой.

Худалдааны нэршлийн жагсаалт:

• Димедрол
• Дифенгидрамин

Нэртэй холбоотой түлхүүр үгс:

• димедрол тариа
• димедрол олон улсын нэршил
• димедрол анальгин
• димедрол рецепт
• димедрол хэрэглэх заавар
• димедрол гаж нөлөө
• димедрол хэрэглэх заалт