Худалдааны нэршил:

Тержинан

Олон улсын нэршил:

Тернидазол + Неомицин + Нистатин + Преднизолон

Эмийн хэлбэр: Үтрээний шахмал

Найрлага:

Нэг шахмалд найрлага:

Идэвхитэй үйлчлэгч бодис – тернидазол 200мг
Неомицин сульфат 100мг эсвэл 65000 МЕ
Нистатин 100000МЕ
Преднизолон натри метасульфобензоат (преднизолонтой эквивалент) 4,7мг (3мг)
Туслах бодис: цардуул, усгүйжүүлсэн коллоид кремнийн диоксид, цардуулын натрийн гликолят (А төрөл), стеарат магни, лактоз моногидрат, нэрсэн ус

Ерөнхий шинж:

Дугуй, цагаан шаргал өнгөтэй, урт зуйван хэлбэртэй, хоёр талдаа <<Т>> гэсэн бичиглэлтэй

Эмэн эмчилгээний бүлэг

Эмэгтэйчүүдийн өвчний эмчилгээний антисептик, мөөгөнцөрийн эсрэг бэлдмэл
Кортикостероидтой хавсарсан антибиотик болон мөөгөнцөрийн эсрэг бэлдмэл.
Бактерийн эсрэг бэлдмэл болон глюкокортикостероидууд

АТС код: G01ВA

Эм судлалын шинж чанар:

Фармакокинетик

Системийн шимэгдэлт бага байдагтай холбоотой судалгаа хийгдээгүй.

Фармакодинамик

Эмэгтэйчүүдийн өвчний үед хэсэг газарт хэрэглэх нийлмэл бэлдмэл.
Нянгийн эсрэг, үрэвслийн эсрэг, эгэл биетэн, мөөгөнцөрийн эсрэг үйлдэлтэй бэлдмэл.
Тернидазол – имидазолын уламжлалын мөөгөнцөрийн эсрэг бэлдмэл бөгөөд скваленэпоксидаз болон эргостеролын (эсийн мембраны бүрэлдэхүүн хэсэг) ферментийн нийлэгжилтийг саатуулах үйлдэлтэй, мөөгөнцөрийн эсийн мембраны дотор талд сквален хуримтлал үүсгэн эсийн мембраны бүтэц, шинж чанарыг өөрчилдөг. Трихомонацидын үйлдэл үзүүлж агааргүйтэн нян, тэр дотроо гарднереллын эсрэг идэвхитэй үйлдэлтэй.
Неомицин сульфат – аминогликозидын бүлгийн өргөн хүрээний антибиотик. Грам эерэг бактериуд (Staphylococcus spp., Streptococcus pneumoniae), грам сөрөг (Escherichia coli, Shigella dysenteria spp., Shigella Flexneri spp., Shigella boydii spp., Shigella spp., Proteus spp.) зэрэг бичил биетэнд үйлчилнэ. Неомицины бактерицид үйлдэл нь бактерийн рибосомд үйлчилж эсийн мембраны уургийн нийлэгжилтийг дарангуйлдагтай холбоотой. Streptococcus spp.-д муу үйлчилнэ. Бичил биетнүүд неомицинд тэсвэржилт удаан, бага хэмжээнд үүсгэдэг.
Нистатин – полиены бүлгийн мөөгөнцөрийн эсрэг антибиотик, Candida төрлийн хөрөнгө төст мөөгөнд илүү үр нөлөөтэй. Нистатины мөөгөнцөрийн эсрэг үйлдэл нь түүний эсийн мембраны стеролуудтай холбогдож түүний нэвчимтгий чанарыг бууруулж эсийн өсөлтийг зогсоодогтой холбоотой.
Преднизолон – гидрокортизоны усгүйжүүлсэн аналог бөгөөд үрэвслийн эсрэг, харшлын эсрэг, экссудатын эсрэг үйлдэлтэй. Преднизолон нь цагаан эсийн үйл ажиллагааг дарангуйлж түүний үрэвслийн голомт руу нүүдэллэх хөдөлгөөнийг бууруулна. Макрофагын фагоцитозлох чадвар болон интерлейкин-1 үүсэлтийг бууруулна. Гистамин чөлөөлөгдөхийг бууруулснаар бичил судасны нэвчимхий чанарыг багасгана. Фибробластын мдэвхийг дарангуйлж коллаген үүсэлтийг бууруулна. Фосфолипаза А2-ын идэвхийг дарангуйлснаар простагландин болон лейкотриен үүсэлтийг багасгана.

Хэрэглэх заалт:

Уг бэлдмэлд мэдрэг бичил биетнүүдээр үүсгэгдсэн үтрээний үрэвсэл
Бактерийн гаралтай, ялангуяа Trichomonas vaginalis-аар үүсгэгдсэн
Candida төрлийн хөрөнгө төст мөөгөөр үүсгэгдсэн
Холимог хэлбэрийн
Үтрээний үрэвслээс урьдчилан сэргийлэх
Эмэгтэйчүүдийн хагалгааны өмнө
Төрөлт болон үр хөндүүлэхийн өмнө
Умайн доторх хэрэгсэл байрлуулахын өмнө болон дараа
Умайн хүзүүнд диатермо коагуляци хийхийн өмнө болон дараа
Гистерографийн өмнө

Тун, хэрэглэх арга

Унтахын өмнө, хэвтээ байрлалд нэг шахмалыг үтрээнд гүн шургуулж байрлуулна. Үтрээнд шахмалыг байрлуулахын өмнө усаар норгоно (20-30 секундын турш). Үтрээнд шахмалыг байрлуулсны дараа хэвтээ байрлалд 10-15 мин байна.
Эмчилгээ үргэлжлэх дундаж хугацаа 10 хоног.

Гаж нөлөө

Хорсох, загатнах мэдрэмж, үтрээн дотор цочрох (ялангуяа эмчилгээний эхэн үед)
Зарим тохиолдолд харшлын урвал илэрч болно (арьсны тууралт, загатнаа)

Хориглох заалт

Үйлчлэгч бодис, эсвэл аль нэг туслах бодист хэт мэдрэг байх,

Эмийн харилцан нөлөө

Тогтоогдоогүй

Тусгай заалт

Үтрээний үрэвсэл, трихомониазыг эмчлэх тохиолдолд бэлгийн хамтрагчийг хамтад нь эмчлэх нь зүйтэй.
Сарын тэмдгийн үед эмчилгээг зогсоох шаардлагагүй.

Хүүхдийн практикт хэрэглэх нь

Бэлдмэлийг хүүхдийн практикт хэрэглэхгүй.

Жирэмсэн болон хөхүүл эмэгтэйчүүдэд хэрэглэх нь

Бэлдмэлийн эхэд үзүүлэх эмчилгээний үр нөлөө нь хүүхэд болон урагт нөлөөлөх эрсдэлээс илүүтэй гэж үзсэн тохиолдолд л жирэмсэн болон хөхүүл эмэгтэйчүүдийн эмчилгээнд хэрэглэнэ.

Эмийн бэлдмэл авто тээврийн хэрэгсэл болон аюултай машин механизм жолоодох чадварт үзүүлэх нөлөөлөл