Худалдааны нэр:

• Папаверин

Олон улсын нэршил:

• Папаверин

Эмийн хэлбэр:

• Шулуун гэдэсний лаа

Найрлага:

• 1 лаанд: үйлчлэгч бодис: папаверин гидрохлорид- 20 мг, туслах бодис: лааны суурь (Витепсол (H15, W 35 маркийн), Суппосир (NA 15, NAS 50 маркийн)) -  25  хэмжээтэй лаа бэлтгэхэд хүрэлцэхүйц хэмжээгээр агуулагдана.

Эмийн эмчилгээний бүлэг:

• Агчил тавиулах үйлдэлтэй бэлдмэл

ATC код:

• A03AD01

Фармакологийн үйлдэл:

  Фармакодинамик:

• Папаверин гидрохлорид миотроп агчил тавиулах үйлдэлтэй бэлдмэл. Фосфодиэстераза ферментийг идэвхгүй болгож эсийн дотор 3.5-аденозинмонофосфат (АМФ) хуримтлагдан, кальцийн агууламж буурдаг. Судас ба гэдэс доторхи эрхтэний гөлгөр булчинг сулруулдаг (хоол боловсруулах зам, амьсгалын зам, шээс бэлгийн тогтолцоо). Их тунгаар зүрхний булчингийн сэрэмтгий чанарыг бууруулж зүрхний дамжуулалтыг удаашруулдаг. Төв мэдрэлийн тогтолцоонд бэлдмэлийн үйлдэл бага байдаг боловч их тунгаар хэрэглэвэл тайвшруулах үйлчилгээ үзүүлдэг.

  Фармакокинетик:

• Шулуун гэдсээр хэрэглэсний дараа папаверин лааны биохүрэхүй нь 25 % (эмнэлзүйн судалгаанаас үзэхэд) орчим. Сийвэнгийн уурагтай холбогдолт нь 90 %. Эд болон цусны хоригоор сайн нэвчиж тархдаг. Элгэнд задардаг. Хагас ялгаралтын дундаж хугацаа нь (Т1/2 ) – 0,5-2 цаг (24 цаг хүртэл үргэлжилж болно). Бөөрөөр метаболит хэлбэрээр гадагшилна.

Хэрэглэх заалт:

• Гилгэр булчингийн агчил: хэвлийн хөндийн эрхтэнүүдийн (цөсний хүүдийн үрэвсэл, нугалуурын агчил, гэдэс, бөөр, элэгний хатгаа); захын судасны агчил (эндартерит); тархи толгойн судасны агчил (мигрень); зүрх судасны (стенокардийн комплекс эмчилгээнд); гуурсан хоолойн багтраанд хэрэглэнэ.

Хориглох заалт:

• Эмийн найрлаганд орсон бодист хэт мэдрэг байх, атриовентикуляр блокад, нүдний даралт, хүнд хэлбэрийн элэгний дутагдалд, ахимаг нас, хүүхэд зэрэгт хэрэглэхгүй, учир нь хүүхдийн тунгийн хэмжээ заагаагүй.

Болгоомжлол:

• Тархи гавлын ясны гэмтэл, архаг бөөрний дутагдал, бөөрний дээд булчирхайн үйл ажиллагааны дутагдал, гипотиреоз, түрүү булчирхайн хоргүй хавдар, тахикарди, шокын байдалд орсон хүмүүст маш болгоомжтой (бага тунгаар) хэрэглэнэ.

Жирэмсэн ба хөхүүл үеийн хэрэглээ:

• Жирэмсэн ба хөхүүл үед хэрэглэхэд аюултай байдал нь батлагдаагүй. Жирэмсэн ба хөхүүл үед ураг болон нярайд үзүүлэх сөрөг өртөмжөөсөө эхэд ашигтай тал нь давуутай үед л сая хэрэглэнэ. Хөхүүл эмэгтэй хөхүүлэхээ зогсоно.

Хэрэглэх арга, тун:

• Шулуун гэдсээр хийнэ. 1 лааг өдөрт 2 -3 удаа хүндрэх эсвэл цэвэрлэх клизмын дараа хийнэ.

Гаж нөлөө:

• Харшлын урвал, атриовентикуляр блокад, ховдлын чичиргээ, элэгний трансаминазын идэвхжилт ихсэх, цусны даралт буурах, нойрмоглох, өтгөн хатах, эозинофил зэрэг гаж нөлөө илэрч болно.

  Тун хэтрүүлэлт:

• Шинж тэмдэг: бие сулрах, цусны даралт буурах, нойрмоглох.
• Эмчилгээ: шинж тэмдгийн (цусны даралтыг хэвийн болгох).

  Эмийн харилцан нөлөөлөл:

• Папаверин Леводопа эмийн таталтын эсрэг үйлдлийг, Метилдопагийн даралт буулгах үйлдлийг бууруулдаг . Барбитураиуудтай хамт хэрэглэхэд Папаверины агчил тавиулах үйлдэл нэмэгддэг . 3 цагирагт антидепрессант, прокаинамид, резерпин, хинидин сульфаттай хавсран хэрэглэхэд даралт буулгах үйлдэл нь нэмэгдэж болзошгүй.

  Онцгой анхааруулга:

• Эмийн эмчилгээ явуулж байхдаа этанолыг огт хэрэглэхгүй байх ёстой. Жирэмсэн ба хөхүүл үед Папаверины аюулгүй байдал судлагдаагүй. Тамхи татвал даралт буулгах үйлчилгээ бурдаг.

  Машин болон механизмтай ажиллах анхааруулга:

• Бэлдмэлийг хэрэглэж байх үед жолоо барих болон механизмтай ажиллахаас татгалзах хэрэгтэй.

Хадгалах нөхцөл:

• Гэрлээс хамгаалагдсан 25 хэмээс ихгүй газар хадгална.
• Хүүхэд хүрэхгүй газар хадгална.

Эмийн сангаас олгох нөхцөл:

• Жороор олгоно. Эмчийн зааврын дагуу хэрэглэнэ.

Эмийн хуудасруу энд дарж ороорой.