Эмийн хэлбэр:

• үтрээний лаа

Найрлага 1 лаанд:

• Үйлчлэгч бодис: декспантенол - 100 мг , хлоргексидин биглюконатын уусмал 20% -85,2мг (хлоргексидин биглюконаттай тэнцэх хэмжээний -16 мг);
• Туслах бодисууд: макроголуудын хольц (макрогол 400 – 2%, макрогол 1500 - 98%) тус тус агуулагдана.

Ерөнхий шинж:

• Шаргал буюу саарал туяатай цагаан өнгийн, гантиган гадаргуутай, үзүүртэй бортого хэлбэрийн лаа. Лааны гадаргуу болон бариул, юүлүүр хэлбэрийн ховилын хөндлөн зүслэгтэй.

Эмийн эмчилгээний бүлэг:

• Эдийн нөхөн төлжилтийг идэвхжүүлэгч бэлдмэл

АТХ код: G01AX

Эм судлалын үйлдэл

Фармакодинамик:

• Депантол хэсэг газрын эмчилгээнд зориулсан нөхөн төлжүүлэх, үжилгүйжүүлэх, бодисын солилцоог сайжруулах үйлдэлтэй нийлмэл найрлагатай бэлдмэл. Хлоргексидин нь Treponema pallidum, Chlamidia spp., Ureaplasma spp., Neisseria gonorrhoeae, Gardnerella vaginalis, Bacteroides fragilis, Escherichia coli, Staphyolococcus spp., Streptococcus spp.; хөрөнгөний мөөгөнцөр, дерматофитүүд, эгэл биетэн (Trichomonas vaginalis) – д тус тус үйлчилнэ. Pseudomonas spp., Proteus spp., зэрэг зарим омог бэлдмэлд бага мэдрэг ба хүчилд тэсвэртэй бактери, бактерийн спор нь мэдрэг бус байна. Бэлдмэлийн найрлага дахь Декспантенол нь салст бүрхүүлийн нөхөн төлжилтийг идэвхжүүлэх, эсийн бодисын солилцоог хэвийн болгох, митоз хуваагдлыг түргэсгэх, коллаген ширхэгийн бат бөх чанарыг ихэсгэх үйлдэл тус тус үзүүлнэ.
• Депантол нь лактобациллын үйл ажиллагааны идэвхийг өөрчилдөггүй. Цус ба идээнд үйлдлийн идэвхээ ( бага зэрэг сулрах боловч) хадгалах чадвартай.

Хэрэглэх заалт:

• Бэлдмэлийг үтрээний архаг ба цочмог үрэвсэл, эндо ба экзоцервицитын эмчилгээнд хэрэглэнэ.
• Умайн хүзүүний хүндрэлтэй эктопийн эмчилгээнд хэрэглэнэ.
• Эх барих, эмэгтэйчүүдийн халдварт үрэвслийн хүндрэлээс урьдчилан сэргийлэх, эмэгтэйчүүдийн мэс заслын өмнө, төрөлт, эмнэлгийн үр хөндөлт, умайн доторх шинжилгээ (гистероскопи, гистеросальпингографи), жирэмслэлтээс хамгаалах бэлдмэл суулгахын өмнө хэрэглэнэ.
• Төрсний дараах ба хагалгааны дараах үед бүтцийг өөрчлөх эмчилгээний арга (диатермокоагуляц, криодеструкц, лазеродеструкц) хэрэглэсний дараа умайн хүзүү ба үтрээний салст бүрхүүлийн нөхөн төлжилтийг сайжруулах зорилгоор хэрэглэнэ.

Хориглох заалт:

• Бэлдмэлийн найрлага дахь бүрэлдэхүүн хэсгүүдэд хэт мэдрэг өвчтөнд хэрэглэхийг цээрлэнэ.

Жирэмсэн ба хөхүүл үеийн хэрэглээ:

• Депантол жирэмсэн ба хөхүүл үед хэрэглэж болно.

Хэрэглэх арга ба тун:

• Бэлдмэлийг үтрээнд хийж хэрэглэнэ. Лааг хэрэглэхээс өмнө савлалтаас чөлөөлнө.
• Лааг 1 ширхэгээр хоногт 2 удаа 7-10 хоног хэрэглэнэ. Шаардлагатай үед ээлж эмчилгээг 20 өдөр хүртэл хугацаагаар үргэлжлүүлнэ.
• Хэрэв эмчилгээний дараа сайжрал үзүүлэхгүй, шинж тэмдэг даамжирах, эсвэл шинээр шинж тэмдэг илэрвэл эмчид даруй хандана. Бэлдмэлийг зөвхөн хэрэглэх зааврын дагуу хэрэглэнэ.

Гаж нөлөө:

• Харшлын урвал (хорсох, загатнах), халуун оргих шинж илэрч болно. хлоргексидин маш ховор тохиолдолд (˂0,0001%) хэт мэдрэгшлийг нэмэгдүүлэх, харшлын хүнд хэлбэрийн урвал, анафилакси үүсгэж болно.

Хэрэв зааварт дурдсан эсвэл дурдагдаагүй гаж нөлөө илэрвэл эмчид даруй мэдэгдэх ёстой.

Зааврын дагуу хэрэглэхэд тун хэтрэх магадлал бага байдаг.

Бусад эмийн харилцан нөлөө:

• Боломжит харилцан нөлөө (антагонист, идэвхгүйжүүлэх) үүсэлтээс болгоомжлохын тулд үтрээнд хэрэглэх бусад үжилгүйжүүлэх бэлдмэлүүдтэй хамт хэрэглэхгүй.
• Депантол® нь анионы бүлэг агуулсан детергентүүд (сапонин, натрийн лаурилсульфат, натри карбоксиметилцеллюлоз), савантай хэрэв үтрээнд хэрэглэх бол үл нийцэлтэй.
• Йод агуулсан бэлдмэлүүдтэй үтрээнд хамт хэрэглэж болохгүй.
• Дээрх болон бусад эмийг (ялангуяа жоргүй олгодог) хэрэглэж байгаа бол Депантол® хэрэглэхийн өмнө эмчээс асууна.

Тусгай заавар:

• Хэрэв гаж нөлөө илэрвэл эмийн хэрэглээг зогсоон эмчид хандана.
• Эмчилгээний хугацаанд бэлгийн харьцаанд орохгүй байхыг зөвлөж байна.
• Бэлдмэлийг хийсний дараа гараа сайтар угаана.

Жолоо барих, механизмтай ажиллах чадварт үзүүлэх нөлөө:

• Бэлдмэлийн хэрэглээ нь жолоо барих, механизмтай ажиллах чадварт нөлөө үзүүлэхгүй.

Хадгалах нөхцөл:

• 25⁰С ихгүй хэмд хадгална.
• Хүүхэд хүрэхгүй газар хадгална.

Эмийн сангаас олгох нөхцөл:

• Эмчийн заавар зөвлөгөөний дагуу хэрэглэнэ.
• Жоргүй олгоно.

Эмийн хуудасруу энд дарж ороорой.