Эмийн тухай:
Транексамын хүчил нь антифибринолитик эм.

Найрлага:
Бүрхүүлтэй шахмал тус бүрт:

• Транексамын хүчил BP 500 мг
• Нэмэлт бодисууд тохирох хэмжээгээр агуулна.

Үйлчлэх механизм:
Транексамын хүчил нь антифибринолитик бөгөөд плазминогеныг плазмин болоход дарангуйлах нөлөө үзүүлнэ. Их концентрациараа плазмины өрсөлдөх бусаар дарангуйлна. Транексамын хүчлийн дарангуйлах нөлөө нь аминокапроны хүчлээс урокиназагаар идэвхижсэн плазминогенд 6-100 дахин харин стрептокиназагаар идэвхижсэн тохиолдолд 6-40 дахин илүү байдаг. Транексамын хүчлийн антифибринолитик үйлчлэл нь аминокапроны хүчлээс 10 дахин илүү байдаг.

Хориглох заалт:
Транексамын хүчил нь дараах тохиолдолд эсрэг заалттай:

• Транексамын хүчил болон найрлаганд орсон бусад бодист мэдрэг
• Аккумуляци үүсэх эрсдэлтэй бөөрний хүнд зэргийн өөрчлөлттэй өвчтөн
• Идэвхитэй тромбоэмболийн өвчин
• Артери, вений тромбозоор өвдөж байсан өгүүлэмжтэй
• Коагулопатийн фибронилизийн нөхцөлд
• Татаж байсан өгүүлэмжтэй

Анхааруулга, болгоомжлол:

• Бөөрний гаралтай гематуритай тохиолдолд (ялангуяа гемофилитэй) шээсний сувагт бүлэн үүссэнээс механик анури үүсэх эрсдэлтэй.
• Удамшлын ангионевротик хавантай өвчтөнд удаан хугацаагаар хэрэглэж буй тохиолдолд тогтмол элэгний үйл ажиллагааны шинжилгээ болон нүдний үзлэг (харах чадал, интраокуляр даралт, харах талбай) хийх шаардлагатай.
• Энгийн бус сарын тэмдгийн цус алдалттай өвчтөнд шалтгааныг тодорхойлтол хэрэглэхгүй. Хэрвээ транексамын хүчил хэрэглээд цус алдалт буурахгүй байвал өөр эмээр эмчилгээг хийнэ.
• Транексамын хүчил уухаар жирэмснээс хамгаалах бэлдмэл хэрэглэж буй өвчтөнд тромбозын эрсдэлийг нэмэгдүүлдэг тул болгоомжтой хэрэглэнэ.
• Тромбоэмболиор өвдөж байсан өвчтөн болон гэр бүлд нь тромбоэмболийн өвчтэй хүнтэй (Тромбофилитэй өвчтөн) транексамын хүчлийг зөвхөн хэрэглэх зайлшгүй шаардлагатай тохиолдолд нарийн хяналтын дор хэрэглэнэ.
• Бөөрний дутагдалтай өвчтөнд цусны төвшин нэмэгддэг. Тийм учраас тунг бууруулахыг зөвлөнө. Судсан дотор цус түгмэл бүлэгнэлтээс шалтгаалсан бүлэгнэлтийн үед хэрэглэхийг зөвлөдөггүй.
• Харааны өөрчлөлтэй өвчтөнд эмчилгээнд хэрэглэхээс татгалзах хэрэгтэй.
• Транексамын хүчлийг 15-с доош насны меноррагитай хүүхдэд хэрэглэсэн талаар клиник судалгаа байхгүй байна.

Хавдар үүсгэх нөлөө, мутаци үүсгэх нөлөө, нөхөн үржихүйн системд үйлчлэх нөлөө:

Эрэгчин хулганад транексамын хүчлийг хоолонд 4.8%-ийн концентрацитай (5 г/кг/хоног тунтай дүйцэхүйц тун) хийнхэд лейкемийн тохиолдол нэмэгдэж байсан. Эмэгчин хулганууд энэ туршилтанд ороогүй. 22 сарын  хугацаанд хамгийн өндөр тохиромжтой тунгаас давсан  тунгаар хэрэглэсэн хархны нэг омогт элгэн доторхи цөсний тогтолцооны аденокарцинома, холангиома, цөсний сувгийн гиперплази илэрч байсан. Бага тунгаар хэрэглэхэд хавдрын бус гиперплазийн тохиолдол илэрсэн. Дараагийн удаан хугацааны турш өмнөх туршилттай адил тун, ачаалалаар хэрэглэсэн хархны өөр омогт элэгний хавдрын болон томролын өөрчлөлтүүд илрээгүй. In vitro болон in vivo орчинд хийгдсэн туршилтаар мутаци үүсгэх нөлөө илрээгүй болно. Транексамын хүчлийн нөхөн үржихүйн системд үйлчлэх нөлөөллийн талаархи клиник судалгаа байхгүй.

Жирэмсэн, хөхүүл үед:

Жирэмсэн: US FDA жирэмсний категори В

• Хулгана, харх, туулайн дээр хийгдсэн нөхөн үржихүйн судалгаанд транексамын хүчлээс шалтгаалсан нөхөн үржихүйн системийн өөрчлөлт болон урагт үйлчлэх нөлөөлөл илрээгүй байна. Гэхдээ транексамын хүчил нь ихсээр нэвтэрч хүйн судсанд эхийнхтэй адил концентрациар илэрдэг. Жирэмсэн эмэгтэйчүүд дээр хийгдсэн хангалттай судалгаа байхгүй.
• Транексамын хүчлийн хархан дээр хийгдсэн эмбрио-фетал хорт нөлөө болон перинатал үеийн хорт нөлөөний талаархи судалгаа байдаг. Аль ч судалгаанд мг/м² хүний уухаар хэрэглэдэг тунг 4 дахин нэмэгдүүлсэн тунгаар буюу 3900 мг/хоног (1500 мг/кг/хоног) хэрэглэхэд гаж нөлөө илрээгүй.

  Хөхүүл эхчүүдэд: Транексамын хүчил нь эхийн сүүнд сийвэнгийн концентрацийн 1/100-тэй тэнцэх хэмжээний концентрациар илэрнэ. Транексамын хүчлийг хөхүүл үед зайлшгүй шаардлагатай тохиолдолд хэрэглэнэ.

  Хүүхдэд: Транексамын хүчлийг нөхөн үржихүйн насанд хүрсэн эмэгтэйд хэрэглэх бөгөөд биений юм ирж эхлээгүй охидод хэрэглэхгүй. 12-16 насны өсвөр насны охидод тусгайлсан тунгийн заалт байхгүй ба 20 насны охид дээр хийгдсэн фармакокинетик судалгаан дээр үндэслэн тунг тохируулна.

  Настанд: Транексамын хүчлийг нөхөн үржихүйн насны эмэгтэйчүүдэд хэрэглэх бөгөөд цэвэршсэн эмэгтэйчүүдэд хэрэглэхгүй.

  Бөөрний өөрчлөлттэй өвчтөнд: Бөөрний өөрчлөлттэй өвчтөнд транексамын хүчлийн фармакокинетикийн нөлөө судлагдаагүй. Учир нь транексамын хүчил анхдагчаар гломерулярын шүүлтээр буюу бөөрөөр 95% хувираагүй хэлбэрээр ялгарах тул бөөрний өөрчлөлттэй өвчтөнд тун тааруулах шаардлагатай.

  Элэгний өөрчлөлттэй өвчтөнд: Элэгний өөрчлөлттэй өвчтөнд транексамын хүчлийн фармакокинетик нөлөө судлагдаагүй. Эмийн багахан хэсэг нь элгээр бодисын солилцоонд оролцдог тул тун тохируулж хэрэглэх шаардлагагүй.

  Жолоо барих, машин механизм жолоодох үед үзүүлэх нөлөө: Транексамын хүчил нь жолоо барихад үзүүлэх нөлөө байхгүй эсвэл маш бага нөлөө үзүүлж болно.

Гаж нөлөө:

Гаж нөлөөнүүдийг давтамжаар нь болон эрхтэн системийн төрлөөр ангилсан. Давтамж нь: маш элбэг (≥1/10), элбэг (≥1/100; <1/10), элбэг бус (≥1/1000; <1/100), ховор (≥1/10,000; <1/1000), маш ховор (<1/10,000), тодорхойгүй (ангилах боломжгүй).

  Дархлаа тогтолцооны өөрчлөлт:

• Маш ховор: Анафилакси зэрэг хэт мэдрэгшлийн урвалууд

  Нүдний өөрчлөлтүүд:

• Ховор: Өнгөний харааны алдагдал, ретинал/артерийн бөглөрөл

  Судасны өөрчлөлтүүд:

• Ховор: Тромбоэмболийн хүндрэл
• Маш ховор: Ямар нэгэн хэсэгт артери, венийн тромбоз

  Хоол боловсруулах замын өөрчлөлт:

• Маш ховор: Дотор муухайрах, бөөлжих, суулгах зэрэг шинж тэмдгүүд илэрсэн тохиолдолд тунг бууруулах шаардлагатай.

  Арьс болон арьсан дорх эдийн өөрчлөлтүүд:

• Ховор: Арьсны харшлын урвалууд

Гаж нөлөөг мэдээллэх:

Эмийн бүтээгдэхүүний хувьд гаж нөлөөг мэдээллэх нь чухал. Энэ нь эмийн бүтээгдэхүүний ашиг тус, эрсдлийг судалж хянах боломжийг олгоно. Эрүүл мэндийн ажилтнууд нь илэрсэн гаж нөлөөг бүртгэн авах үүрэгтэй.

Эмийн харилцан үйлчлэл:

Транексамын хүчил нь фибринолизын бэлдмэлүүдийн тромболитик нөлөөний эсрэг үйлдэлтэй.

Хэрэглэх заалт:

Транексамын хүчил нь цус алдалтын үед богино хугацаанд болон фибринолиз, фибриногенолиз ихэссэн цус алдалт үүсэх эрсдэлтэй үед хэрэглэнэ.

1. Хэсэг газрын фибринолиз илэрсэн дараах тохиолдлуудад хэрэглэнэ:

• Түрүү булчирхай авахуулах болон давсагны мэс заслын үед
• Менорраги
• Хамраас цус гарах
• Умайн хүзүүний эдийн шинжилгээ
• Гэмтлийн гифема

1. Удамшлын ангионевротик эдема
2. Гемофилитэй өвчтөнд шүд авах үед

Хэрэглэх арга, тун хэмжээ:

Хэсэг газрын фибринолиз: Зөвлөмжит стандарт тун нь биеийн жинд тооцон 15-25 мг/кг (2-3 шахмал) тунгаар өдөрт 2-3 удаа хэрэглэнэ. Мөн дараах тунгаар хэрэглэнэ. Үүнд:

Түрүү булчирхай авахуулсан үед: Урьдчилан сэргийлэх болон эмчилгээний зорилгоор цус алдах өндөр эсрдэлтэй өвчтөнд хагалгааны өмнө болон дараа нь транексамын хүчлийн тарилгыг хэрэглэх бөгөөд гематури илрэхгүй болтол 2 шахмалаар өдөрт 3-4 удаа хэрэглэнэ.

Менорраги: 2 шахмалаар өдөрт 3 удаа 4 хоног хүртэл хэрэглэнэ. Хэрвээ цус алдалт их хэмжээний байвал тунг нэмэгдүүлнэ. Гэхдээ өдрийн нийт тун нь 4 г (8 шахмал)-аас хэтрэхгүй байх хэрэгтэй. Сарын тэмдгийн цус алдалт эхэлтэл транексамын хүчлийг эхэлж эмчилгээнд хэрэглэхгүй.

Хамраас цус гоожилт: Үе үе дахидаг цус гоожилтын үед урьдчилан сэргийлэх зорилгоор уухаар (2шахмалаар өдөрт 3 удаа) эмчилгээг 7 хоног хэрэглэнэ.

Умайн хүзүүний конизацийн үед: 3 шахмалаар өдөрт 3 удаа хэрэглэнэ.

Гэмтлийн гифема: 2-3 шахмалаар өдөрт 3 удаа хэрэглэнэ. 25 мг/кг тунгаар тооцон өдөрт 3 удаа хэрэглэнэ.

1. Удамшлын ангионевротик хаван: Зарим өвчтөнгүүд өвчний сэдрэлээс урьдчилан сэргийлж 2-3 шахмалаар завсарлагатайгаар өдөрт 2-3 удаа богино хугацаанд хэрэглэж болно. Бусад өвчтөнгүүд энэ тунгаар эмчилгээг үргэлжлүүлж болно.
2. Гемофили: Шүд авахуулах үед 2-3 шахмалаар 8 цаг тутам хэрэглэнэ. Тунг 25 мг/кг тооцон хэрэглэнэ.

Бөөрний дутагдал: Вений судсаар хийх хэлбэртэй адилаар бөөрний хөнгөн, дунд зэргийн дутагдалтай өвчтөн уух тунг бууруулж хэрэглэнэ.

Сийвэнгийн креатинин (µмоль/л)	Транексамын хүчлийн тун
120-249	15 мг/кг-аар тооцон өдөрт 2 удаа
250-500	15 мг/кг өдөрт хэрэглэнэ.

 

Хүүхдийн тун: Биеийн жинд 25 мг/кг-аар тооцон хэрэглэнэ. Гэхдээ үр дүн, аюулгүй байдал болон тухайн эмээс шалтгаалж энэхүү заалт нь хязгаарлагдмал юм.

Настангуудад: Бөөрний дутагдалтайгаас бусад тохиолдолд тунг бууруулах шаардлагагүй.

Эмийн сангаас олгох нөхцөл:

Жороор олгоно. Эмчийн зааврын дагуу хэрэглэнэ.

Эмийн хуудасруу энд дарж ороорой.