Амоксициллин гэж юу вэ?

Амоксициллин бол пенициллиний бүлгийн антибиотик юм. Энэ нь нян, бактераар үүсгэгдсэн халдвар, үрэвсэл өвчний үед өргөн хэрэглэгддэг.

Амоксициллиныг зөвхөн жороор олгодог. Капсул, шахмал, сироп гэх хэлбэрүүдтэй. Капсул, шахмал хэлбэр нь 5-6 нас, насанд хүрэгчдэд тохиромжтой бол сироп хэлбэр нь 0-1 нас болон түүнээс дээш насны хүүхэд, капсул, шахмалыг залгихад хэцүү хүмүүст тохиромжтой байдаг.

Амоксициллин хэрхэн ажилладаг вэ?

Хүний биед бүрэн тархаж тухайн үрэвсэл үүсгэсэн хэсэгдэх халдвар, өвчин үүсгэсэн бактерийг устгах замаар ажилладаг.

Амоксициллиныг хэрхэн уух вэ?

Амоксициллиний капсулын ердийн тун нь өдөрт 3 удаа 250мг, 500мг байдаг. Хүүхдэд зориулсан тун бага байж болно. Сиропоор 125мг, 250мг авах боломжтой.

Капсулыг уухдаа усаар даруулж залгиж ууна. Капсулыг зажилж эвдэж болохгүй бүхлээр нь залгина.

Өдрийн турш тунг жигд хуваарьлах хэрэгтэй. Хэрэв та өдөрт 3 удаа уувал өдрийн турш 8 цагийн зайтайгаар тохируулж өглөө 6 цаг, өдөр 14 цаг, орой 22 цаг байхаар тохируулж болно.

Хэрвээ та эмээ уух цагтаа ухаа мартсан бол ямар арга хэмжээ авах вэ?

Хэрвээ та уух цагтаа ухаа мартсан бол дараагийн тунг уух цаг ойртоогүй бол санасан даруйдаа уухыг зөвлөж байна. Дараагийн тун уух цаг болсон бол 2 тунг давхарлаж ууж болохгүй. Хуваарь ёсоороо 1 тунгаа ууж хуваарь ёсоороо дараагийнхийг үргэлжлүүлнэ.

Хэрвээ мартаж байгаа бол та гар утсан дээрээ эсвэл бугайн цаг дээрээ сэрүүлэг тавихыг зөвлөж байна.

Амоксициллин ууснаас хэд хоногийн дараа бие сайжрах вэ?

Ихэнх халдвар, үрэвсэлт өвчний үед 3 хоногийн дотор сайжирдаг. Гэхдээ сайжирлаа гээд эм уухаа зогсоож болохгүй. Эмчийн зөвлөсөн эмчилгээний хоногийн турш уух хэрэгтэй.

Бие сайжрахгүй бол яах вэ?

Амоксициллин ууснаас хойш 3 хоногийн дараа бие нь сайжрахгүй, улам дордвол эмчид хандах хэрэгтэй.

Амоксициллин хэрэглэх үед гаж нөлөө илэрдэг үү?

Бүх эмүүдийн нэгэн адил амоксициллин нь гаж нөлөө үүсгэдэг ч хүн бүрт тохиолддоггүй.

Нийтлэг гаж нөлөө:

Эдгээр нийтлэг гаж нөлөө нь 10 хүн тутмын 1-д тохиолддог.

дотор муухайрах
суулгалт

Эдгээр шинж тэмдэг илэрсэн ч үргэлжлүүлэн уух ба эдгээр гаж нөлөө нь танд төвөг учруулах эсвэл арилахгүй байвал эмчид хандах хэрэгтэй.

Ноцтой гаж нөлөө

Ноцтой гаж нөлөө нь ховор бөгөөд 1000 хүн тутмын 1-ээс багад тохиолддог.

Хэрэв танд дараахь шинж тэмдэг тохиолдвол эмч рүү залгах эсвэл 103 руу шууд хандаарай.

Цус, салиа агуулсан суулгалт (ходоодны базлалттай байж магадгүй) эсвэл 4 хоногоос дээш хугацаагаар үргэлжилдэг хүнд хэлбэрийн суулгалт
Цайвар ялгадас, бараан шээс, нүдний цагаан хэсэг эсвэл арьс шар өнгөтэй болж хувирдаг (гэхдээ энэ нь бор эсвэл хар арьсанд тийм ч тод харагддаггүй) - эдгээр нь элэг, цөсний хүүдийтэй холбоотой асуудлын шинж тэмдэг байж болно.
Хөхөрсөн эсвэл арьсны өнгө өөрчлөгдөх
Эм ууснаас хойш 2 хоногийн дараа гарч ирдэг үе мөч эсвэл булчингийн өвдөлт
Дугуй хэлбэртэй улаан толбо бүхий арьсны тууралт (хүрэн эсвэл хар арьсанд тийм ч тод биш байж болно)

Эдгээр ноцтой гаж нөлөөний зарим нь амоксициллин ууснаас хойш 2 сарын дараа тохиолдож болно.

Харшлын урвал

15 хүн тутмын 1 нь амоксициллинд харшилтай байдаг.

Ихэнх тохиолдолд харшлын урвал нь хөнгөн бөгөөд арьсны тууралт хэлбэрээр илэрдэг.

Амоксициллин бусад антибиотиктой харьцуулахад ямар байдаг вэ?

Амоксициллин болон феноксиметилпенициллин зэрэг бусад пенициллин нь арьс, шүд, хоолой, цээжний халдвар зэрэг олон төрлийн халдварыг эмчлэхэд өргөн хэрэглэгддэг антибиотик юм.

Бүх антибиотикууд халдвар бүрт тохирохгүй. Таны эмч таны халдварын төрөлд тохирсон антибиотикийг сонгоно.

Антибиотик нь шүдэнд толбо үүсгэдэг үү?

Хэрэв та эсвэл таны хүүхэд амоксициллиныг шингэн эм болгон хэрэглэвэл таны шүдэнд толбо үүсдэг. Энэ нь удаан үргэлжлэхгүй бөгөөд шүдээ сайн угаасны дараа хэвийн болдог..

Амоксициллин капсул нь шүдэнд толбо үүсгэдэггүй.