Хүний бие махбодь нь янз бүрийн салиа, салст үүсгэдэг. Үүнээс амьсгалын доод замаас гарч байгаа салиаг цэр гэж нэрлэдэг. Цэр нь хүнд байнга үүсэж ялгарч байдаг. Энэ нь амьсгалын замын хэвийн үйл ажиллагаанд чухал үүрэгтэй.

Цэр ямар үүрэгтэй вэ?

• Амьсгалын зам хэвийн ажиллаж байх үед салиа нь тоосонцор, бохирдлын зүйлсийг цуглуулдаг. Цуглуулаад хоолой руу ороод түүний дараа залгиж эсвэл найтаах, ханиалгах замаар гадагшилдаг. Мөн амьсгалын замын агаарын чийгшил, хэмийг биеийнхтэй адил түвшинд аваaчиж уушгины агаарын солилцоог хөнгөвчилдөг. Энэ нь уушгийг хамгаалах бие махбодийн чухал үйл явцын нэг юм.

Цэртэй гарч байна уу?

• Ханиалгалтаар гарч байгаа салиа, салст нь болгон нь уушгинаас гарч байгаа цэр биш гэдгийг анхаарах хэрэгтэй. Амьсгалын замын эмгэгийн улмаас цэр хэмжээ нэмэгдэх өнгө өөрчлөгдөх шинж тэмдэг илэрсэн үед заавал эмчид үзүүлэх шаардлагатай.

Эмч амьсгалын замын эмгэгийг оношилж цэртэй холбоотой асуудлууд гарсан үед эмчилгээний зорилгоор цэр шингэлэх, ховхлох, ханиалга намдаах эм зөвлөдөг байна.

Бромгексин (bromhexine) 8мг шахмал  эмийн дэлгэрэнгүй

Олон улсын нэршил: 

• Бромгексин

Эмийн хэлбэр:

• Шахмал

Найрлага

  8 мг шахмалд:

• Идэвхтэй бодис: 100%-д бромгексин гидрохлорид – 8 мг;
• Туслах бодис: лактоз моногидрат – 155мг, бичил талст целлюлоз – 30мг, натрийн кроскармеллоз – 4 мг, кремын коллоид диоксид – 2 мг, кальцийн стеарат – 1 мг.

Эмэн эмчилгээний бүлэг:

• Цэр ховхлох, цэр шингэлэх бэлдмэл

АТС код: 

• R05СВ02

Эм судлалын шинж чанар

  Фармакодинамик

• Цэр шингэлэх (секретолитик) бэлдмэл, цэр ховхлох, ханиалга намдаах сул үйлдэл үзүүлнэ. Цэрний зуурамтгай чанар бууруулах (цэрний уураг, полисахаридыг туйлшралгүй болгох, бронхын салстын шүүрэл ялгаралтыг нэмэгдүүлэх); эпителийг идэвхжүүлэх, цэрний хэмжээ, ховхролтыг нэмэгдүүлнэ. Дотоод сурфактантын үүсэлтийг нэмэгдүүлэн амьсгалд цулцангийн эсийн тогтвортой байдлыг хангана. Эмчилгээ эхэлснээс 2-5 хоногт нөлөө илэрнэ.

  Фармакокинетик

• Бромгексин дотуур уухад 30 минутанд бараг бүрэн (99 %) шимэгдэнэ. Бромгексины ойролцоогоор 80 % элгээр дамжин эхний «эргэлт» үед хувиралд орно. Бромгексин сийвэнгийн уурагтай холбогдон цус тархи, ихэсийн хориг нэвтэрнэ. Элгэнд бромгексин диметилжих, исэлдсэний дүнд идэвхтэй метаболит – амброксол үүснэ. Эдэд удаан тархдагаас хагас задралын хугацаа 15 цаг байна. Бөөрөөр гадагшилна. Бөөрний архаг дутагдалын улмаас бромгексины метаболитын ялгаралт алдагдана. Бромгексины олон удаагийн хэрэглээний дүнд хуримтлал үүсч болно.

Хэрэглэх заалт:

• Амьсгалын замын эмгэг, цэрний зуурамтгай чанар ихсэн гадагшлахад хүндрэлтэй трахеобронхит, олон шалтгаант бронхит (бронхоэктазын хүндрэл), гуурсан хоолойн багтраа, уушигны сүрьеэ, хатгалгаа, муковисцидоз үед хэрэглэнэ. Мэс заслын дараа цэр өтгөрч хуримтлагдахаас сэргийлэх, оношлогоо эмчилгээний зорилгоор гуурсан хоолойд хийх ажилбар болон мэс заслын өмнө гуурсан хоолойн салааг цэвэрлэх зорилгоор хэрэглэнэ.

  Хориглох заалт

• Хэт мэдрэгшил, жирэмсэн (I гурван сар), хөхүүл үе, ходоодны шархлаат эмгэг (сэдрэлийн үе), 6 хүртэлх насны хүүхэд, лактазын дутагдал, лактозын үл тэвчил, глюкоз-галактозын мальабсорбци үед хэрэглэхийг хориглоно.

  Болгоомжлол

• Ходоодноос цус алдсан өгүүлэмжтэй, элэг бөөрний дутагдал, шүүрэл хэт их хуримтлагдсан гуурсан хоолойн эмгэг үед болгоомжтой хэрэглэнэ.

Хэрэглэх арга, тун:

• Хоололтоос үл хамааран дотуур ууж хэрэглэнэ.
• Насанд хүрэгчид, 14-с дээш насны хүүхдэд өдөрт – 8-16 мг тунгаар  3-4 удаа ууна.
• 6-14 насны хүүхдэд өдөрт – 8 мг тунгаар 3 удаа ууна.
• Ээлж эмчилгээ 4 - 28 хоног байна.

Гаж нөлөө:

Ховор тохиролдолд удаан хугацаанд хэрэглэснээр харшлын урвал, диспепси, дотор муухайрах, бөөлжих шинж үүсч болно. Ходоод 12 хуруу гэдэсний шархлаат эмгэгийн сэдрэл, толгой эргэх, толгой өвдөх, «элэгний» трансаминазын идэвх ихсэнэ. Эдгээр шинж үүсвэл эмийн хэрэглээг зогсооно.

  Тун хэтрэлт

• Шинж тэмдэг: дотор муухайрах, бөөлжих, суулгах.
• Эмчилгээ: албадан бөөлжүүлэх, ходоод угаана (хэрэглэсний дараах 1-2 цагт).

  Эмийн харилцан нөлөө

• Бромгексиныг ханиалгын төв дарангуйлах (кодеин агуулсан) эмийн бэлдмэлтэй хамт хэрэглэхэд цэрний шингэрэлт, ховхролтыг саатуулж болох тул хамт хэрэглэхгүй.
• Бромгексин нянгийн эсрэг эмчилгээний 4-5 хоногт антибиотик (амоксициллин, эритромицин, цефалексин, окситетрациклин), сульфаниламид эмийн бэлдмэлийн бронхын шүүрэлд нэвтрэлтийг ихэсгэнэ.
• Бромгексиныг шүлтлэг уусмалтай хамт хэрэглэхгүй.

Анхааруулга

• Эмчилгээний үед бромгексины секретолитик үйлдлийг дэмжихийн тулд шингэнийг хангалттай хэмжээгээр хэрэглэнэ.
• Хүүхдэд эмчилгээний үед гуурсан хоолойн цэр ховхролтыг дэмжихийн тулд дренаж(цэр ялгарах хэвтээ байрлал) эсвэл цээжинд цочроох иллэг хослуулан хийнэ.
• Эмчилгээний үед тээврийн хэрэгсэл, анхаарал, сэтгэхүйн хурд шаардсан ажил болгоомжтой гүйцэтгэх нь зүйтэй.

Хадгалах нөхцөл

• 25 °С ихгүй хэмд хадгална.
• Хүүхэд хүрэхгүй газарт хадгална.

Эмийн сангийн олгох нөхцөл

Эмийн сангаас олгох нөхцөл:

• Жороор олгоно. Эмчийн зааврын дагуу хэрэглэнэ.

Эмийн хуудасруу энд дарж ороорой.