Нислэгийн үеэр онгоцны доторх чимээ 80-85 децибелийн орчимд байдаг ба хөөрөх, буух үед 105 децибелээс дээш гарах боломжтой. Хэрэв та байнга нисдэг эсвэл урт удаан аялалд явж байгаа бол энэ дуу чимээ нь таны чихэнд гэмтэл учруулж сонсгол бууралтанд хүргэж байдаг.

Дүлийрэлт, сонсгол бууралт гэдэг нь нэг ба хоёр чихний сонсох үйл ажиллагаа бүрэн үгүй болох доголдохыг хэлнэ. Энэ нь хүний эрүүл амьдрах ба нийгмийн харилцаанд хэвийн оролцох эрхийг хязгаарлаж, улс орны эдийн засагт ихээхэн хохирол учруулдаг.

Чихний бүтэц

• Гадна чих буюу чихний дэлбэн - авиаг цуглуулж чихний сувагт дамжуулна.
• Чихний суваг - авиаг цааш чихний бусад хэсэгт дамжуулна.
• Дунд чих буюу хэнгэрэг - авиаг чичиргээнд хувиргана.
• Алх, дөш, дөрөө - чичиргээг цааш дотор чихэнд дамжуулна.
• Дотор чих буюу чихний дун - дотроо шингэн болон маш мэдрэмтгий үслэг эсүүдийг агуулна.
• Жижиг үслэг эсүүд - авианы чичиргээгээр өдөөгдөх үед өөрсдөө хөдөлнө.
• Үүдэвчийн Систем - тэнцвэрийн эсүүдийг агуулна.
• Сонсголын мэдрэлийн эсүүд - чихний дунгаас тархи уруу мэдээлэл дамжуулна.

Дүлийн ерөнхий ангилал

• Хэлгүй дүлий (хоёр наснаас урд)
• Хэлтэй дүлий (хоёр наснаас хойш)

Шалтгаан

Сонсгол хэл ярианы бэрхшээлтэй болох шалтгаан олон янз байна.

Үүнд:

• Төрөлхийн хэлгүй дүлий
• Өвчний улмаас (дунд чихний хурц болон архаг үрэвсэл,халдварт өвчин,чихэнд хоруу нөлөөтэй эмийн буруу хэрэглээ, сонсох мэдрэлийн үрэвсэл)
• Толгой болон чихэндээ гэмтэл авах
• Дуу шуугиан, ажлын нөхцөл

Сонсгол бууралтын төрлүүд

• Авалцааны дүлийрэл.
• Мэдрэл мэдрэхүйн дүлийрэл.
• Хавсарсан дүлийрэл.
• Мэдрэлийн дүлийрэл.

Дүлийрлийн шинж

• Шивнэж хэлсэн үгийг сонсохгүй бол яльгүй дүлийрэлт гэж үзэх ба хөдөлмөрийн чадвар алдалтын хувь хугацаа тогтоохгүй.
• Энгийн яриа сонсохгүй байвал дунд зэрэглэлийн дүлийрэлт.
• Чанга яриа сонсохгүй бол хүнд зэргийн дүлийрэлт гэнэ.

Оношлогоо

• Нарийн мэргэжлийн эмчийн үзлэг
• Чихний дуран
• Сонсголын бичлэг

Эмчилгээ

• Чихний шуугиан намдаах.
• Сонсгол сэргээх.
• Урьдчилан сэргийлэх.
• Хэтэрхий чангаар сонсохгүй байх.
• Чихийг хамаагүй ухахгүй байх.
• Шуугиантай нөхцөлд сонсгол хамгаалах хэрэгсэл ашиглах.
• Сонсголын эмчид хандаж сонсголоо шалгуулж байх.
• Өдөр тутам чихээр сонсох хугацаагаа багасгах.
• Сонсголд нөлөөт эмийг зохистой хэрэглэх.
• Толгойд гэмтэл авахаас сэргийлэх.

Эх сурвалж: Emch App