Бүтээгдэхүүний дэлгэрэнгүй
Хэрэглэх заалт:
- Аскаридоз
- Анкилостомоз,
- Некатороз
- Энтеробиоз
- Трихоцефалез
Найрлага:
Идэвхит бодис:
- Пирантел памоат 735мг нь 250 мг пирантелын суурьтай эквивалент
Туслах бодис:
- Сорбины хүчил, сахароз, ксантовын камедь, метилпарагидроксибензоат, пропилпарагидоксибензоат, сорбитол 70% уусмал, полисорбат 80, шоколад ароматизатор S2761 (найрлага: пропиленгликоль, ус, будагч карамель, натураль, натуральтай ижил, нийлэг ароматик бодис), “мороженое” ароматизатор (найрлага: пропиленгликоль, ус, будагч карамель, натураль, натуральтай ижил, нийлэг ароматик бодис), цэвэршүүлсэн ус.
Гаж нөлөө
- Элэг, хоол боловсруулах эрхтний зүгээс: дотор муухайрах, бөөлжих, суулгах, ходоод өвдөх, ховор тохиолдолд элэгний трансаминазуудын идэвхи нэмэгдэж болно.
- Төв мэдрэлийн тогтолцооны талаас: ховор тохиолдолд толгой өвдөх, эргэх, нойрмоглох, нойргүйдэх, бие сулрах, зарим тохиолдолд сонсгол алдагдах, хий юм харах, сонсох, ухаан балартах, мэдээ алдах шинж илэрч болно.
- Бусад: арьсны тууралт, биеийн температур нэмэгдэх.
Хэрэглэх арга ба тун
- Аскаридоз, энтеробиоз, эдгээр гельминтүүдийн холимог халдварын үед өдөрт нэг удаа 10мг/кг-аар өглөөний цайны дараа ууж хэрэглэнэ.
- Насанд хүрсэн бболон 12-оос дээш насны хүүхдэд 750мг-аар, 75кг-аас дээш жинтэй бол 1г-аар тооцож уулгана.
- 6 сараас 2 настай хүүхдэд 125мг, 2-6 настай хүүхдэд 250мг, 6-12 настай хүүхдэд 500мг. Өөрөөсөө дахин халдварлахаас урьдчилан сэргийлж анхны тунг хэрэглэснээс хойш 3 долоо хоногийн дараа дахин уулгана.
- Анкилостомоз, некатороз, аскаридоз хавсарсан, мөн бусад гельминтын хавсарсан халдварын үед 3 хоногийн турш өдөрт 10мг/кг/хон тунгаар, эсвэл 2 хоногийн турш 20мг/кг/хоног гэсэн тунгаар уулгана.
- Тусгаарлагдсан аскаридозын үед 5мг/кг-аар нэг удаа хэрэглэнэ.
