Хэрэглэх заалт
Эманера гэдсэнд уусдаг бүрээсд бэлдмэлийг насанд хүрэгчидэд дараах заалтаар хэрэглэдэг.
- Ходоод улаан хоолойн сөөргөөт эмгэг
- Helicobacter pylori шалтгаант ходоод, арван хоёр хуруу гэдэсний шархлаат эмгэг. Хэрэв та энэ төрлийн өвчинтэй бол эмч танд бактерийн эсрэг эмийн бэлдмэлүүдтэй хослуулан хэрэглэхийг зөвлөх болно.
- СБҮЭБ (стероид бус үрэвслийн эсрэг бэлдмэл) хэрэглээнээс үүдэлтэй ходоодны шархлаа
- Хэрэв та СБҮЭБ хэрэглэх бол Эманера эмийг ходоодны шархнаас урьдчилан сэргийлэх зорилгоор хэрэглэж болно.
- Нойр булчирхайн өөрчлөлтөөс шалтгаалсан ходоодны хүчил ихэссэн (Золлингер-Эллисоны хам шинж)
- Ходоодны шархлаанаас цус алдалтын урт хугацааны эмчилгээний дараа дахилтаас сэргийлэх зорилгоор хэрэглэнэ.
12 болон түүнээс дээш насныханд:
- Ходоод улаан хоолойн сөөргөөт эмгэг
- Helicobacter pylori шалтгаант ходоод, арван хоёр хуруу гэдэсний шархлаат эмгэг. Хэрэв та энэ төрлийн өвчинтэй бол эмч танд бактерийн эсрэг эмийн бэлдмэлүүдтэй хослуулан хэрэглэхийг зөвлөх болно.
Найрлага
Эзомепразол
Гаж нөлөө
Бүх эмийн нэгэн адил энэ эм нь хүсээгүй урвал үүсгэдэг боловч бүгд тохиолддоггүй.
Хэрэв танд дараах сөрөг үр урвалууд үүсвэл эмийн хэрэглээг зогсоон эмчид яаралтай хандаарай.
- Гэнэт стерротик (цээжээр) амьсгалах, уруул, хэл, хоолой эсвэл бие хавагнах, тууралт гарах, ухаан алдах, залгихад хүндрэл гардаг (харшлын урвал).
- Арьсны улайлт, цэврүү эсвэл гуужих шинж тэмдэг илэрдэг. Уруул, нүд, ам, хамар, бэлэг эрхтэн том цэврүүтэх, цус алдах тохиолдол гардаг (Стивенс-Жонсоны хам шинж эсвэл эпидермийн хорт үхжил).
- Арьс шарлах, шээс хар гарах, ядрах нь элэгний өвчний шинж тэмдэг байж болно. Эдгээр нь ховор 1000 хүний 1-д тохиолдож болно.
Бусад сөрөг урвалыг дор жагсаав.
Түгээмэл (³ 1/100 - < 1/10)
- Толгой өвдөх
- Ходоод өвдөх, өтгөн хатах, гэдэс дүүрэх
- Дотор муухайрах эсвэл бөөлжих
- Ходоодны ёроолд булчирхайлаг полипууд үүсэх
Цөөн (³ 1/1 000 - < 1/100)
- Хөл, шагай хавагнах
- Нойргүйдэх
- Толгой эргэх, шуугиан үүсэх, нойрмоглох
- Вертиго
- Ам хатах
- Элэгний шинжилгээний үзүүлэлт өөрчлөгдөх
- Арьсны тууралт, арьс халцрах, загатна үүсэх
- Шилбэ, бугуй эсвэл нурууны хугарал (өндөр тунгаар удаан хугацаанд хэрэглэвэл)
Ховор (³ 1/10 000 - < 1/1 000)
- Лейкопени, тромбоцитопени
- Гипонатриеми
- Хөөрөх, ухаан балартах, сэтгэл гутрал
- Амтны мэдрэхүй алдагдах
- Харах чадвар буурах
- Амьсгал сулрах (бронхоспазм)
- Амны хөндийн салстын үрэвсэл
- Ходоод гэдэсний кандидоз
- Элэгний өвчин, түүний дотор шарлалт, арьс шарлах, шээс бараан гарах, ядрах зэрэг шинж тэмдгүүд илэрдэг.
- Үс халцрах
- Нарны гэрэлд арьсан дээр тууралт гарах
- Үе мөч өвдөх (артралги), булчин өвдөх (миалги)
- Ажлын эрчим буурах
- Хэт ихээр хөлрөх
Маш ховор (< 1/10 000)
- Агранулоцитоз, панцитопени
- Түрэмгий
- Хий юм харах
- Элэгний дутагдал, энцефалопатид хүргэдэг элэгний хүнд өвчин
- Гэнэт хүчтэй тууралт гарах эсвэл арьс гуужих. Халуурах, үе мөч өвдөх шинж тэмдэг дагалдана (олон хэлбэрт улайлт, Стивенс-Джонсоны хам шинж, эпидермийн хорт үхжил)
- Булчин сулрах
- Бөөрний хүнд хэлбэрийн эмгэг
- Эрэгтэйд хөх томрох
Давтамж тодорхойгүй (илрэлийн давтамжийг тооцох боломжгүй)
- Хэрэв та эмийг гурван сараас илүү хугацаанд хэрэглэвэл цусан дах магнийн түвшин буурснаар ядрах, булчин татах, орчны баримжаа алдагдах, таталдаа үүсэх, толгой эргэх, зүрхний цохилт ихсэх шинжүүд илэрч болно. Хэрэв та эдгээр шинж тэмдгүүдийн аль нэгийг мэдэрч байвал шууд эмчид хандана уу. Магнийн түвшин бага байх нь цусан дахь кали эсвэл кальцийн түвшинг бууруулахад хүргэдэг. Таны эмч магнийн түвшинг хянахын тулд цусны шинжилгээ хийхээр шийдэж магадгүй юм.
- Гэдэсний үрэвсэл (суулгалт үүсэх).
- Тууралт, үе мөчний өвдөлт үүсч болно.
Эманера® маш ховор тохиолдолд цагаан эсийн тоог цөөрүүлснээр дархлаа суларч болох юм. Хэрэв таны биеийн байдал огцом муудах, эсвэл халуурах шинж тэмдэг бүхий хэсэг газрын ялангуяа хүзүү, хоолой, амны хөндийн халдвар, шээхэд хүндрэл үүсэх зэрэг шинжүүд илэрвэл агранулоцитозоос зайлсхийхийн тулд эмчид даруй хандана. Хэрэглэсэн бүх эмийг тайлагнах ёстой.
Хэрэглэх арга
Тухайн хүний нас, өвчний байдлаас шалтгаалж хэрэглэх тун хэмжээг эмч тогтооно.
