Бүтээгдэхүүний дэлгэрэнгүй
Хэрэглэх заалт:
- 18 ба түүнээс дээш насны насанд хүрэгчдийн артерийн даралт ихсэлтийн эмчилгээнд
- Дан эмийн эмчилгээнд хангалттай үр дүн өгөхгүй байгаа артерийн даралт нь ихсэлттэй эмчлүүлэгчийн эмчилгээнд
- Артерийн даралтын зорилтот түвшинд хүрэхийн тулд хэд хэдэн эмийн бэлдмэл хэрэглэх шаардлагатай артерийн даралт ихсэлттэй эмчлүүлэгчийн эмчилгээнд хэрэглэнэ. Үүсч болох эрсдэл болон үр ашгийн үнэлгээнд үндэслэн эхний эгнээний бэлдмэл байдлаар Ко-Диован® бэлдмэлийг сонгоно.
Найрлага:
- Үйлчлэгч бодис: 1 шахмалд 80мг валсартан болон 12.5мг гидрохлортиазид эсвэл 160мг валсартан болон12.5мг гидрохлортиазид агуулагдана.
- Туслах болис:
- Ко-Диован® 80/12.5мг: цахиурын усгүй коллоид диоксид, кросповидон, гидроксипропилметилцеллюлоз, магнийн стеарат, бичил талстат целлюлоз, полиэтиленгликоль, тальк, титаны диоксид (Е171), төмрийн улаан исэл (Е172), төмрийн шар исэл (Е172).
- Ко-Диован® 160/12.5мг: Цахиурын усгүй коллоид диоксид, кросповидон, гидроксипропилметилцеллюлоз, магнийн стеарат, бичил талстат целлюлоз, полтэтиленгликоль, тальк, титаны диоксид (Е171), төмрийн улаан исэл (Е172).
Хориглох заалт:
- Валсартан, гидрохлортиазид, бусад сульфонамидууд эсвэл Ко-Диован® бэлдмэлийн найрлага дахь туслах бодисуудад хэт мэдрэгшилт,
- Жирэмсэн ба хөхүүл үед,
- Анури бүхий өвчтөнүүдэд болон
- ІІ хэлбэрийн чихрийн шижинтэй эмчлүүлэгчдэд ангиотензиний рецепторын антагонистууд, түүний дотор валсартан буюу ангиотензин-хувиргагч ферментийг саатуулагчдыг (АХФ) алискирентэй хамт хэрэглэхийг цээрлэнэ.
Хэрэглэх арга ба тун:
- Ко-Диован® бэлдмэлийг өдөрт нэг удаа 1 шахмалаар хэрэглэхийг зөвлөнө. Эмнэлзүйн үзүүлэлтээс хамааран 80мг валсартан, 12.5мг гидрохлортиазид эсвэл 160мг валсартан, 12.5мг гидрохлортиазид эсвэл 320мг валсартан, 12.5мг гидрохлортиазид тунгаар хэрэглэж болно. Шаардлагатай тохиолдолд 160мг валсартан, 25мг гидрохлортиазид эсвэл 320мг валсартан, 25мг гидрохлортиазид тунгаар хэрэглэж болно.
- Ко-Диован® бэлдмэлийн эмчилгээг эхлэх тун нь хоногт нэг удаа 160/12,5мг байна. Эмчилгээний 1-2дахь долоо хоногийн дараа тунг дээд тун болох 320мг-д хүргэж ихэсгэж болно.
- Ко-Диован®-ыг эргэлдэх цусны эзэлхүүний дутагдалтай эмчлүүлэгчдэд эхлэх эмчилгээ болгон зөвлөхгүй.
- Хоногийн дээд тун 320мг валсартан, 25мг гидрохлортиазидболно.
- Эмчилгээний эхний 2-4 долоо хоногийн дотор артерийн даралт бууруулах нөлөө нь хамгийн дээд түвшиндээ хүрдэг.
- Ко-Диован бэлдмэлийг хоолноос хамааралгүйгээр хэрэглэж болно. Шахмалыг багахан хэмжээний усаар даруулан залгиж ууна.
