Угаах, зайлах, шавших, тампон тавих, боолт тавих зэргээр хэрэглэнэ. Мэс ажилбар хийх талбайд 5%, 7.5%, 10% уусмалын аль нэгийг сонгож, хөвөн бөмбөлөгт шингээж, 20 см талбайд 3 мл уусмал ноогдохоор тооцож, мэс заслын талбай бэлтгэх дүрмийн дагуу 2 удаа түрхэж арчих ба 3 минутын дараа мэс ажилбарыг эхэлнэ.
Хатгалтын талбайг бэлтгэхдээ 5% уусмалыг 20 см² талбайд 3 мл уусмал ноогдохоор тооцож, 2 удаа давтан арчина.
Тарилгын талбайг бэлтгэхдээ 5% уусмалаас 1 мл-ийг ариун самбай, бөмбөлөгт шингээж 15-20 секунд арчиж халдваргүйтгэнэ.
Хөнгөн хэлбэрийн шархны халдваргүйтгэлд 1% уусмалыг ил шархыг халдвараас урьдчилан сэргийлэх, идээлсэн, үрэвссэн шархыг эмчлэх, халдваргүйжүүлэх зорилгоор цэвэрлэх, угаах, шавших, боолт хийх байдлаар хэрэглэнэ.
Хүнд хэлбэрийн шархны халдваргүйтгэлд шархны байдлаас хамаарч 2.5%, 5%, 7.5%, 10% уусмалын аль нэгийг сонгож, шархыг угаах, шавших, боолт хийх байдлаар хэрэглэнэ.
Мэс засалчийн гарын халдваргүйтгэлд, мэс засал, хатгалт, тарилгын талбай бэлтгэх, мэс заслын болон гэмтлийн бүх төрлийн шархны халдваргүйтгэлд, амны хөндий, шүд буйлны үрэвсэл, ангина, хамрын хөндийн шархлаа, үрэвсэл, гайморын хөндийн үрэвсэл, томуу томуу төст өвчний үед, үтрээний үрэвсэл ба халдваргүйтгэлд, арьсны нянгийн гаралтай идээт үрэвсэл, батга, хатиг, мундас, мөөгөнцөр, үлд, хагжилт зэрэг арьс салстын бүх төрлийн халдваргүйтгэлд хэрэглэнэ.