37,700 ₮
Үнэ
40,100₮
Хэрэглэх заалт
Гипертонийн криз, дотуур ууж хэрэглэх эмчилгээ боломжгүй артерийн гипертензи, гипертонийн энцефалопатиийн үед хэрэглэнэ.
Найрлага
1 ампулд (1мл):
Гаж нөлөө
Бэлдмэлийг хэрэглэх үед дараах гаж нөлөө илэрнэ.
Зүрх судасны тогтолцооны зүгээс: артерийн даралт хэт буурах, ортостатик коллапс, зүрхний бах, зүрхний шигдээс (даралт огцом унасантай холбоотой), зүрх дэлсэх, зүрхний хэм алдалт (тосгуурын брадикарди, тахикарди, тосгуурын мерцани), зүүн ховдлын цочмог дутагдал, уушигны судасны эмболи, тархины цусан хангамжийн алдагдал .
Мэдрэлийн тогтолцооны зүгээс: толгой эргэх ба өвдөх, ядарч сульдах, нойрмоглох, нойргүйдэх, айж түгшүүрлэх, сэтгэл гутрал, ухаан балартах, бадайрах, чих шуугих.
Хоол боловсруулах тогтолцооны зүгээс: дотор муухайрах, бөөлжих, суулгах, өтгөн хатах, хэвлийн өвдөлт, гэдэсний түгжрэл, хоолонд дургүй болох, амны хөндийн салст ба хэлний үрэвсэл.
Амьсгалын тогтолцооны зүгээс: хуурай ханиалгах, амьсгаадах, нус гоожих, залгиур үрэвсэх, дуу хоолой өөрчлөгдөх.
Харшлын урвал: арьсны тууралт, судас мэдрэлийн хаван (нүүр, мөч, уруул, хэл, дууны хөвч, төвөнх хавагнах), эксфолиатив дерматит, олон хэлбэрийн улайрал, Стивенс-Джонсоны хам шинж, Лайеллын хам шинж, цэврүүтэх, загатнаа, чонон хөрвөс, гэрэлд мэдрэгших, серозит, үе, булчин, судасны үрэвсэл, үе өвдөх.
Лабораторийн үзүүлэлтийн зүгээс: цусан дахь мочевин, креатинины концентраци түр зуур ихсэх, элэгний трансаминазын идэвх нэмэгдэх, цусан дахь кали ихсэж натри багасах, эозинофилийн тоо олшрох, гематокрит багасах, эритроцитын тунах хурд ихсэх.
Цус төлжүүлэх эрхтэний зүгээс: цус багадалт, нейтрофиль ба тромбоцитын тоо цөөрөх, агранулоцитоз.
Шээс ялгаруулах замын зүгээс: шээсээр уураг ялгарах, бөөрний үйл ажиллагаа өөрчлөгдөх.
Бусад: үс унах, бэлгийн дур хүсэл буурах.
Хэрэглэх арга
1.25 мг/1мл Энапыг 20-50 мл 5%-ын глюкоз (декстроз), 0.9% натрийн хлоридын уусмалаар шингэрүүлж 5 минутын турш судсанд аажим тарих буюу судсанд дуслаар 6 цагийн зайтай тарина. Эмчилгээг зөвхөн эмнэлгийн нөхцөлд явуулна. Бэлдмэлийг ердийн тунгаар буюу 1.25 мг тунгаар (1мл) 6 цагийн зайтай (урьд нь эналаприл ууж хэрэглэж байсан өвчтөнд ч) тарина.
Шээс хөөх эм хэрэглэж байгаа өвчтөнд эхлээд 0.625 мг (0.5 мл) хүртэл тунг багасгаж хэрэглэнэ. 1 цагийн дараа үр нөлөө сайн илрэхгүй байвал дээрх тунгаар давтаж болох ба 6 цагийн дараа эмчилгээг бүтэн тунгаар (1.25 мг-р 6 цагийн зайтай) үргэлжлүүлнэ.
Бөөрний дутагдлын үеийн тугналт: Хөнгөн явцтай бөөрний архаг дутагдлын (креатинины клиренс 0.5 мл/с-с их, цусан дахь креатинин 265.2 мкмоль/л хүртэл) үед 1.25 мг (1мл) тунгаар 6 цагийн зайтай хэрэглэх ба энэ үед тунг зохицуулах шаардлагагүй. 1 цагийн дараа эмчилгээний тохиромжтой үр нөлөө илрэхгүй байвал дээрх тунгаар давтаж болох ба 1.25 мг-р 6 цагийн зайтай хэрэглэж эмчилгээг үргэлжлүүлнэ.
Креатинины клиренс 0.5 мл/с-с бага, цусан дахь креатинин 265.2 мкмоль/л-с их үед эхлээд 0.625 мг (0.5 мл) тунгаар хэрэглэх бөгөөд артерийн даралт хэт буурахаас болгоомжлон 1 цагийн хугацаанд хянана. 1 цагийн дараа үр нөлөө илрэхгүй байвал дээрх тунгаар давтаж болох ба цаашдаа 1.25 мг-р 6 цагийн зайтай хэрэглэж эмчилгээг үргэлжлүүлнэ. Гемодиализ-д байгаа өвчтөнд бэлдмэлийг 0.625 мг (0.5 мл)-р 6 цагийн зайтай 48 цагийн турш хэрэглэнэ.
Ууж хэрэглэх эмчилгээнд шилжиж байгаа үед өмнө нь Энап-ыг 1.25 мг-р судсанд тарьж хэрэглэж байсан өвчтөнд эналаприлыг эхлээд хоногт 5 мг-р хэрэглэнэ. Шаардлагатай үед ууж хэрэглэх тунг ихэсгэж болно. Харин Энап-ыг 0.625 мг тунгаар эхэлж хэрэглэж байсан өвчтөнийг ууж хэрэглэх эмчилгээнд шилжүүлэхдээ хоногт 2.5 мг эналаприл хэрэглэнэ.
