Ацетилсалицилын хүчил нь хүчил үүсгэдэг стероид бус үрэвслийн эсрэг эмийн бүлэгт хамаарагдах бөгөөд өвдөлт намдаах, халуун бууруулах, үрэвслийн эсрэг үйлдэл үзүүлнэ. Түүний үйлдлийн механизм нь простагландины нийлэгжилтэнд оролцдог циклооксигеназа ферментийг эргэлтгүйгээр дарангуйлснаар нөхцөлдөнө.
Ацетилсалицилын хүчлийг халууралт (жишээ нь ханиад томууны үеийн) болон хөнгөнөөс дунд зэргийн хүчтэй толгой өвдөлтийн эмчилгээнд 0,3-1,0 тунгаар ууж хэрэглэх ба түүнчлэн халуун бууруулах, үе ба булчингийн өвдөлтийн эмчилгээнд хэрэглэнэ.
Түүнийг түүнчлэн хэрэхийн гаралтай үений үрэвсэл, остеоартроз, барьцалдаат спондилоартрит зэрэг цочмог болон архаг явцтай үрэвсэлт өвчний эмчилгээнд хэрэглэдэг.